面膜咁貴，但係日日用真係頂唔順，所以揀隻好用又抵用嘅面膜好重要。 我用過好多面膜，覺得用完黐立立嗰啲真係特別難頂。 呢款innisfree綠茶面膜真係好好用，油皮膚真係好易有黑頭、毛孔同粉刺，呢塊面膜可以幫手調節油分平衡，所以我日日用都可以減少出油、收細毛孔， 仲要經濟實惠 👍 好用之處： · 保濕力夠，敷完塊面即刻水潤咗 · 質地清爽，唔會黐立立，油皮膚都啱用 · 綠茶味清新，敷個過程好放鬆 👎 美中不足： · 效果唔算持久，第二朝打回原形 · 純粹補水，其他功效（如美白）唔明顯 · 有少少酒精味，敏感肌可能要試清楚 適合後生仔女日常基礎補水，價錢平日日敷都唔肉痛。但如果想要強效修護，就可能要揀其他功能更強嘅產品。

整體感覺：合格有餘，驚喜不足 · 補水力：💧💧💧 敷完即刻覺得塊面冇咁繃，摸落去滑咗。好似飲咗杯水咁，係好基本嘅補濕。如果你係大乾肌，可能覺得唔夠「潤」。 · 面膜紙： 算係貼面，但唔算好薄好嗰隻。鼻翼位有少少罅，要摺一摺先得。 · 精華液： 質地幾清爽，唔會「立黐黐」，油皮夏天用都接受到。不過精華唔算多，拿出來唔會滴到周圍都係。 · 香味： 陣綠茶味幾清新，唔會太人工，敷個陣幾 relax。 👍優點：平日晚間簡單保濕夠做，價錢唔貴，日日敷都唔肉赤。清爽唔黏，適合後生、皮膚冇咩大問題嘅朋友。 👎缺點：真係得「補水」呢個功能，想美白、抗皺就可以 skip 咗佢。同埋，補濕效果唔算好持久，第二朝起身可能打回原形。 一句講晒：係一盒「唔會出錯，但又唔會好印象深刻」嘅基本入門面膜。貪平貪就手，求其敷下補濕水，可以一試。

香港天氣真係濕濕熱熱，但冷氣房長駐搞到塊面成日乾爭爭😩！最近試咗Innisfree綠茶補水面膜，真係有驚喜！佢精華多質地水潤濃稠，面膜紙又很輕薄，個陣綠茶清香仲好似去咗濟州島旅行咁療癒～ 最正係補水力超強！敷10分鐘沖水，即刻摸到塊面咕溜晒，毛孔位都冇咗嗰種繃緊感。連續用咗一星期，連鼻翼甩皮嘅位都水潤返，上粉底完全冇卡紋👏！ 總括嚟講，十幾蚊一片做到即時補水+長效水潤，性價比高過噴霧急救多多聲！💦 回購指數：★★★★★☆

聽講係🇰🇷Olive Young人手一盒嘅面膜 韓國Torriden護膚品出名唔使多講 Olive Young長期銷量榜首 去🇰🇷必掃貨 塊膜布係我鍾意嘅質地 軟熟唔會扯住塊面 精華量都算足 補水效果其實間間都差唔多 藍色玻尿酸嗰款提亮效果幾明顯 敷完塊面即刻光晒 橙色維他命嗰款有🈶️煙酰胺 可以改善暗沉同美白 最緊要係敷上臉好舒服 陣味又舒服 我對面膜最低要求就係咁

Torriden 玻尿酸面膜，完美貼合面部。 一片含五種不同分子玻尿酸: 可滲透不同膚層，高度補濕。 深層滋潤乾燥肌膚，敏感肌都可以每天使用。 特別鍾意做完醫美，如Hifu 後做用，潔面後敷15-20分鐘便可，輕拍餘下精華促進吸收。

面膜紙貼面舒服 精華份量適中 用完即時有補水感覺 持久力不過不失

近排去左日本旅遊，見到面膜推介9/10個人係到推介Quality 1st 的金色面膜，加上係日本top 1 mask ，當然要買來試下，係唔係真係咁work，可以快速美白！ 其主打內含維他命C，能有效滋潤皮膚，標榜真皮雷射高度滲透至肌膚底層，更能提亮膚色，變得更白。 一袋7塊，勁多精華，仲有好香。面膜紙質地唔差，感覺好high class。雖然我唔係日日full，但用過一次後，已經感覺白左一度，用後暗沉膚色有所改善。唯一唔好的是，面膜太大張，唔貼服皮膚下巴位置。 最最緊要係，價錢唔太貴，又係有效面膜，CP值高，值得回購。 適合肌膚：任何人，但敏感肌要先測試再用。 成效度：4/5 保濕度：4/5 吸收度：3.5/5 貼合度：2.5/5 持香度：3.5/5 值得推薦度：4/5

#日系品牌護膚 好用到我係日本搬左十幾包返黎： Quality first既v.c面膜！ 好多年前係日本買過果時好hit一包7塊既面膜，面膜紙又厚又唔貼面，精華又少，所以好多年冇用呢種非獨立包裝嘅面膜！ 而呢款面膜完全係打破咗我對非獨立包裝面膜嘅固有印象🥹 ！ 首先佢既精華液係多到用晒可以用黎搽晒對腳！ 佢聲稱敷3 分鐘就夠，事實又真係好OK，岩晒我呢d懶人🥹 敷完之後皮膚明顯「吸飽水」，有彈性但唔會太黏笠，後續我會再上較輕盈既lotion鎖水，第二日上妝超級服貼！ 價錢唔貴，為返大概$4-5 蚊一塊，推薦！

呢個係細佬日本買比我既手信，Quality First NMN粉色面膜主打NMN，特別添加左神經醯胺強化肌膚屏障，而且低刺激配方（無酒精/無礦物油/無著色劑），岩曬我呢種容易敏感嘅混合性偏乾皮膚。 面膜精華液是濃稠質地，敷15分鐘後兩頰乾燥部位明顯膨潤，T字部位也不會覺得悶膩。 我自己中意訓前敷1片，隔日皮膚亮度提升又或者做妝前打底。平時一週使用2-3次 佢適合25+開始有初老跡象的混合偏乾肌，一週用2片就能維持皮膚水潤度。