依個品牌既眼線產品應該無人不識，hit咗好耐到，我自己亦多次回購。本身我鍾意某牌眼線液多啲，全日都唔會溶，但依幾年都興輕妝感，佢係屬於唔會點溶既眼線膠筆。 講真，畫內眼線感覺有點硬，畫時亦會卡顏料係眼睫毛度，畫完要用眉刷刷開及均勻顏料。 平時我只用啡／灰／黑畫上及內眼線，早排@cosme送咗支15號磚紅色咁既色號，諗住秋冬先用啦，諗諗下記得有人話用黎開眼角好靚，就試下，一試驚為天人，立即愛上。對眼即刻更深邃，效果又自然，宜家化妝唔畫內眼角唔得了，多謝@cosme帶我入坑😘 卸妝方面，我用開眼唇卸妝液／卸妝油，捽幾個圈就完全消失，屬易卸妝。 上圖素眼，下圖用5號灰色黑畫上及內眼線，眼線液筆畫眼尾，15號畫內眼角及下眼前段，5號點畫下眼線後半段，有時想要更自然妝感的話，我會用05號畫眼尾我係冷氣地方無出過汗，張相係已化妝6小時，暈開咗啲，但社交距離唔係太覺，所以還好啦。我太鍾意妝效，係搵到更防溶眼線膠筆之前，我都會繼續用 幼細既筆頭，要注意，轉出後不能收回現時用緊既15號色（左）同05號色（右）

日本ettusia眼線膠筆 自從用了眼線膠筆 眼線液筆都閒置了 對於新手真的很友好 艾杜紗這個眼線膠筆很順滑，軟硬度適中 畫的線條很流暢 不會斷斷續續的 易上色，完全不會暈染 我屬於油皮出汗也不會脫妝 03暖棕色/06黑灰色 都很日常實用

一直有用開依個牌子既眼線筆，易上色，質地細滑，顯色度高，重點係佢唔脱妝，化完一日都無脱妝，會再回購

#CANMAKE TOKYO 為人熟悉嘅日本開架品牌，應該每個beauty buddy都會有一件佢地嘅item。一開始學化妝嘅時候，用佢地嘅產品，吾會太傷錢包嘅前提下，就可以入手到想要嘅item。 試過好多吾同嘅eyeliner, 主要都係筆狀為主，一開始用liquid類，但感覺都係比較難乾，好容易化開/溶妝，後來試左膠筆，感覺適合自己多啲，顯色度又夠，比較易乾，可以keep足全日。 呢一枝我都入手左兩、三枝，吾同顏色，每枝上到眼都好靚，望落去會精神好多👀 但係要留意呢枝只可以扭出黎，吾可以轉返入去，同埋比較易斷，所以用個陣要小心啲，吾好轉太長出黎，或者太大力。

喺莎莎有買一送一優惠，60幾蚊有兩支，超級抵，見朋友都用，我就買來試吓，結果超級好用，筆芯幼細，順滑易上手，顏色百搭，唔會花，新手最佳選擇。

這款眼線很持久，而且是防水的，所以我很喜歡。40週年的這款顏色我特別喜歡，作為填充眼下十分自然。

🤍 刷頭設計：5/5！Canmake呢支Metalook Mascara嘅金屬刷頭真係超細心～幼細得嚟又有彈性，可以精準刷到每根睫毛，連眼頭同眼尾嘅短小睫毛都照顧到，仲好少會整污糟眼皮，手殘黨都輕易駕馭！ 🤍 妝效：4.5/5！效果自然得嚟又有驚喜～刷出嚟係而家好流行嘅「一束束」纖長效果，唔會蒼蠅腳又唔會結塊，好似本身啲睫毛就咁濃密咁，偽素顏必備！ 🤍 持久度：4/5！防汗防皮脂能力唔錯，正常出門大半日都唔會暈染，卸妝時用溫水就可以輕鬆卸除，唔會搞到變熊貓眼～ 🤍 CP值：5/5！真心好抵，喺日本買幾十蚊港紙就有交易，效果拍得住專櫃，絕對係開架中的戰鬥機！ 總結： 如果你鍾意自然纖長、根根分明嘅睫毛效果，又唔想化妝時搞到周圍都係，Canmake呢支Metalook Mascara絕對係必試之選！細刷頭精準易控，效果清新又持久，重點係價錢親民到可以囤貨～特別推薦比學生黨、淡妝愛好者同追求日常偽素顏妝容嘅你！ #轉季 岩用

好奇心驅使下買了這支金屬頭的睫毛液 一開始覺得他平平無奇亦沒有什麼太特別的效果 例如沒有特別增長，特別濃密 我是先輕輕上了一層在睫毛上，然後再夾眼睫毛 可能因為他乾的速度比較快，在夾上眼睫毛的那一刻馬上成型 這部份是驚喜的，不需要很用力及多次 只需要輕輕一夾 另外嘗試了用化妝水卸，要很用力，所以還是建議用卸妝油 就是價錢上的話，去日本買會比較好划算😂 #睫毛膏 #canmake

對整束感睫毛來講幾唔錯，不過冇咩纖長效果，要疊加其他mascara會再靚D，持久度OK，容易卸

Ettusais美肌肌膚蜜粉餅用後感：轉季神器！零粉感霧面嬰肌妝效 轉季天氣搞到塊面又乾又甩皮，用咩碎粉都乾到爆！但係唔用碎粉出街一陣個妝已經溶溶地，真係好頭痕！最近試咗Ettusais呢盒美肌肌膚蜜粉餅，果然係開架寶藏，即刻同大家報告下！ ✨ 一撲即「霧面」，零粉感超自然 一撲上臉，啲油光即刻消失得無影無蹤！個妝效係嗰種好靚嘅柔霧感，但完全唔會厚粉或者假面。最好係佢嘅粉真係好幼細，好似隱形咁，薄薄一層已經可以將毛孔同細紋修飾得好好，成塊面望落平滑咗好多，有種「嬰兒肌」嘅感覺！ 🌦️ 轉季恩物：保濕控油雙贏 轉季最怕啲粉餅會抽乾皮膚水分，搞到爆皮或者出油更嚴重。但Ettusais呢隻真係有驚喜！佢入面應該加咗保濕成分，就算我兩邊面頰有少少乾，用咗都唔會起粒粒或者繃緊。但同時，個控油能力又夠強，鼻翼同額頭嘅油光可以維持到三四個鐘先微微走出嚟，平衡得啱啱好！ 💁‍♀️ 粉餅設計超方便 我特別鍾意佢係粉餅設計，跟身帶出街補妝真係超方便！個粉撲都好好用，軟熟又夠厚，攞嚟補妝唔會搞花個底妝。而且個粉盒細細個，慳位得嚟又幾靚，放入手袋一流。 👍 持久度有驚喜 試過朝早用完，到食lunch個妝都依然keep到，冇乜點溶。就算而家轉季，天氣一時濕一時乾，佢都冇令我出現白芝麻或者卡粉嘅尷尬情況。個霧面妝效可以維持得好耐，睇落個妝成日都咁乾淨！ 總結： 如果你轉季想搵盒平平哋、效果好又方便帶出街嘅霧面粉餅，Ettusais呢盒真係好值得考慮！佢做到高級嘅霧面妝感，但又keep到皮膚水潤，絕對係開架入面嘅戰鬥機！以後轉季都唔使驚個妝唔聽話啦！ 希望呢個分享幫到你啦！靚靚霧面妝話咁易～ 😉 #轉季#換季#霧面妝

ettusais 蜜粉係朋友推薦，冇諗到會有咁好效果☺️☺️ 搽一層就已經立即有柔焦毛孔，好似半透明亮澤既妝感。 粉質幼滑貼服，如果當日天氣唔悶熱，根本唔駛補妝，就算出左汗/油再補都冇斑駁出現。💛 雖然產品話有透明質酸及三重美容精油等美容精華成分，但完全冇黏泣感覺，而且粉質係透明冇色，咁就唔會令我之前既粉底變色。網上都有講到有微淡的玫瑰花香🌹但我完全感覺唔到，如果介意味道，可以先去試一試先買，但咁既價錢有咁既效果，我會繼續購買👍🏻👍🏻👍🏻 # 火熱新品🔥🔥

ettusais 美肌護膚蜜粉餅 ✅ 優點： · 多功能性：含護膚成分（氨基酸、玻尿酸），定妝同時保濕，冷氣房用唔抽乾 · 柔焦超自然：粉質極細，黃皮上臉零粉感，即時磨平毛孔同油光 · 細盒便攜：自帶鏡同粉撲，出街補妝超方便💯，唔會飛粉 ❌ 缺點： · 控油力中等：大油肌夏天頂到3小時要補妝，適合混合肌多啲 · 遮瑕力弱：主要係提亮同控油，唔期望修正膚色 · 色號選擇少：得透明同自然色，深膚色可能唔夠用 💡 總結：香港夏天混合肌恩物！追求自然零粉感同保濕功能嘅可以入手，但極油肌就要疊加其他控油產品～

氣血感很足的心機胭脂！ 姐妹們‼️Canmake M03這個顏色真的讓我尖叫！！ 它不僅是黑髮女孩的天選高光腮紅，還是那種一抹就透出“我天生氣色好”的清透夢幻粉！ 💄【用法】 ✔️先用啞光腮紅打底 ✔️再把腮紅像高光一樣疊在笑肌 立刻擁有韓劇女主同款“內透光暈感” 就像自帶濾鏡那種自然亮起來的蘋果肌，巨顯嫩巨心機！ 🧴【質地】 雖然是奶油腮紅，但一點也不黏，塗開後是那種乾爽柔霧感，像粉狀一樣輕盈！ ⚠️重點是——它完全不拔乾、不帶走底妝！ 本油皮親測一整天不斑駁不氧化，持妝力很OK！ 📸【上臉氛圍感】 搭配黑髮或深棕發色，真的顯白又仙氣爆棚，拍照自帶柔光效果，完全是溫柔掛甜妹妝容神助攻！

Canmake一贯嘅少女风，透明膠蓋睇到膏體顏色，細細個放化妝袋超方便！雖然係開架產品，但質感唔cheap！ 🌷顏色同質地： #23號係一種好自然嘅草莓牛奶粉，帶微微嘅柔焦感，薄塗一層好似皮膚自己透出嚟嘅紅潤感，厚塗又顯氣質～黃皮同白皮都駕馭到！質地係慕絲膏狀，手指輕輕一撳就推開，唔會黐立立或者結塊～超級順滑！ 👩🏻上妝效果： 我用點拍方式上妝（建議用指腹或者海綿撲），同底妝融合得好好，睇落好似天生好氣色！持久度都幾好，帶妝5-6個鐘都仲睇到顏色～而且唔會顯毛孔或者乾裂！ 💡小貼士： 1️⃣ 建議妝前保濕要做好，乾肌可以先塗少少乳液打底～ 2️⃣ 如果想更持久，可以輕輕掃一層碎粉定妝！ 3️⃣ 呢個顏色好適合日常返工、約會，溫柔又唔誇張～ ✅總結： 幾十蚊有咁嘅品質真係冇得輸！CP值爆燈～如果你鍾意自然系胭脂，絕對要試吓！#23號真係溫柔到爆炸～💘

呢支遮瑕膏係喺Cosme 行街嗰陣時見到佢排第一，就買嚟試吓，點知幾好用，我買咗一個係淺啲嘅顏色，用喺嗰啲淚溝同埋法令紋位，有提亮效果，同埋遮一般嗰啲暗瘡印都冇乜大問題，都遮到七成左右，不過佢係比較快乾，所以最好逐少逐少咁上唔好一次過上晒全面。有一個小小小小缺點就係有啲卡粉，但係其實唔近睇唔覺，整體嚟講都係一支幾好嘅遮瑕膏。

#日系品牌護膚 好用到我係日本搬左十幾包返黎： Quality first既v.c面膜！ 好多年前係日本買過果時好hit一包7塊既面膜，面膜紙又厚又唔貼面，精華又少，所以好多年冇用呢種非獨立包裝嘅面膜！ 而呢款面膜完全係打破咗我對非獨立包裝面膜嘅固有印象🥹 ！ 首先佢既精華液係多到用晒可以用黎搽晒對腳！ 佢聲稱敷3 分鐘就夠，事實又真係好OK，岩晒我呢d懶人🥹 敷完之後皮膚明顯「吸飽水」，有彈性但唔會太黏笠，後續我會再上較輕盈既lotion鎖水，第二日上妝超級服貼！ 價錢唔貴，為返大概$4-5 蚊一塊，推薦！

❄️冬季護膚，不得不提嘅當然係面膜！ 雖然網上已經討論咗呢個網紅產品好耐，不過我都係近期冬季先至入手~ 起初見佢主打美白、收毛孔功效，有少少擔心冬天用會唔會保濕力度不足，不過用完有驚喜！👆🏼袋入面嘅精華超多，我第一袋用到最後都係用唔晒👆🏼面膜材質抓緊到皮膚 精華液相當濃厚，而且滲透度好足夠，用咗一次，敷10分鐘後，已經即時感受到皮膚補水度有所增加，用後洗面都明顯感受到皮膚彈潤度增加。👆🏼面膜設計亦都算貼面，能夠將面膜嘅精華盡量吸收到皮膚入面，而且面膜冇多餘香氣，感覺純粹，將功力集中喺護膚之上。 👆🏼使用面膜後即時效果 美中不足係，連續使用兩星期，都冇話好明顯見到毛孔有所改變或者皮膚有明顯提亮膚色作用。可能呢款美白產品嘅功效未必係我身上好發揮得到。不過爾冬季咁乾燥嘅環境，呢款面膜保濕度仍然相當好，呢方面值得推介！

#QUALITYFIRST 維他命面膜 大家對呢個brand，呢一款面膜一定吾會陌生，無論係旅行行藥妝/百貨嘅時候，或者係香港行街嘅時候，都吾難見到佢嘅身影。 佢受歡迎嘅程度，令佢得到了cosme 2023年片裝面膜no.1！ 人氣及認受程度不容忽視！ 所以我都入手左一包，都放左有一段時間先打開黎用，因為想試左其他標榜自己收毛孔勁啲嘅面膜先。 呢款面膜說明話3分鐘就可以敷完，本身會以為佢好薄、無乜精華先會甘快敷完；但一打開包裝就會見到入面好多嘅精華，拎出黎面膜嘅厚度都有返甘上下，大細都算係大塊，我塊月亮面都可以cover得晒，但係吾知點解眼睛嘅位置有啲近🤣 上左面後，其實3分鐘真係吾太足夠比皮膚吸收晒啲精華，但既然佢甘寫我都無敷得太耐，好似around 6-8分鐘就搣返出嚟，再慢慢用面膜抹塊面，等精華吸收得好啲💕 大概都等左佢一個鐘（夏天係冷氣房，濕度58%左右），皮膚總算叫吸收晒精華，乾爽返可以去訓教💤 呢款面膜真係好吾錯，都會見到有即時提亮左，不過我諗提亮效果就未必last得到聽日。

之前喺@cosme 舖頭見到Chacott呢個牌子，知道佢係舞蹈員常用嘅化妝品牌。 買咗佢嘅底妝同埋定妝粉，試完之後真係返唔到轉頭。香港地咁濕咁熱，作為混合性偏油嘅朋友，夏天化妝一定要用定妝粉。 買咗兩盒，一隻係霧面（灰蓋）；另一隻係冰感（藍蓋），兩隻都有皮膚顏色。 藍蓋係比較新出嘅蜜粉，雖然佢有冰感，搽完上去之後皮膚會覺得冰冰涼涼，本身係好適合夏天用，但係我自己用完相比之下就覺得灰蓋霧面比較持久，冇咁容易溶妝；而且份量亦都大啲啲。 如果今個夏天未買定妝粉，大家記得試吓呢一隻日本牌子啦🥰

艾杜紗！你是掌管睫毛的神！！！！ 誰懂我一個細軟塌睫毛的痛…以前塗完睫毛膏沒一會就不翹了…跟沒塗一樣… 但是！！！艾杜紗睫毛打底真的有驚艷到我！只需要用睫毛夾一夾，再塗上它，真的卷翹的不行！最重要的是一整天不會塌！ 而且他的小齒刷頭設計能夠刷出根根分明的睫毛，成份溫和不刺眼，還防水防汗！ 和我一樣喜歡卷翹睫毛的一定不要錯過艾杜紗睫毛打底了！

【轉季睫毛救星】艾杜紗睫毛打底短評 轉季天氣唔穩定，對睫毛真係一大考驗！艾杜紗呢支睫毛打底確實係救星。 ✨ 優點： · 定型超掂都撐到成日唔塌，捲翹度Keep得好好。 · 自然纖長：有黑色纖維，單用已經有根根分明嘅偽素顏效果。 · 梳頭好用：輕易刷到眼頭眼尾細毛，解決轉季毛流亂嘅問題。 ⚠️ 注意： · 千祈唔好搽太厚，等佢乾透先好上睫毛液，否則有機會結少少塊。 總結： 對付轉季睫毛軟塌無力，呢支絕對係信心保證！必備！ #轉季#換季#

喺嘗試呢一款睫毛膏之前，我已經嘗試過好多不同品牌嘅睫毛液，不過都冇一款可以做到有呢款嘅持久度，暫時係我嘅最愛！ 呢一款唔係日常見嘅睫毛液，而係一種睫毛液打底，本身顏色唔算濃黑，入面唔會有好多纖維，又唔係好濃好杰，比較不容易出現曱甴腳嘅情況，又唔需要化妝嘅時候將睫毛液預先喺紙巾上面掃走部份顏色，導致浪費產品。 個人覺得呢款產品特別適合一啲本身睫毛長度或者濃密度已經足夠，但係好似我一樣，因為睫毛向下垂，導致眼睛唔精神嘅朋友。 不過留意如果追求睫毛要濃密，或者延長功效，呢一款產品就未必係主打呢個功能了 用完睫毛夾再使用佢，就可以將睫毛液跟一跟維持喺最佳捲度！眼睛會變得有神好多 產品嘅刷頭，好似一把小梳咁，可以將睫毛液好緊密咁貼住睫毛，而且可以做到根根分明呢款產品我最欣賞佢嘅持久度，化妝大約10小時都維持到睫毛嘅捲度，唔會明顯下垂，坊間好多正式睫毛膏都做唔到呢個效果呢！

因為我本身有瀏海，所以一到夏天啲瀏海就會變咗Barcode咁樣一條條，我本身都有用開嗰啲乾髮噴霧，雖然佢宜家有出細支裝，但係一噴起上嚟都會引人注意😂😂同埋好大浸味，又有用過一啲碎粉直接拍落個頭度，但係始終佢個粉撲都唔係for頭髮，所以啲粉好易一嚿嚿，呢個蓬鬆粉就啱啱好，又冇咩香味，出粉份量又易控制，最重要係佢嗰個頭可以輕輕咁揩落啲瀏海都啱啱好，細細舊方便帶出街。