Olay 水光小白瓶成日賣廣告，呢排萬寧有set裝+88折，值得入手試一試。 精華液係滴管狀，較為衛生。乳白色透明質地，容易推開都幾快吸收，偏向乳液質地，屬於較為清爽嘅精華液。精華液有少少香味，不過Olay嘅精華全部都有香料味。 推開之後皮膚好快吸收晒，夏天嚟講有保濕夠既。我感覺佢嘅功效係滋潤咗你嘅皮膚，而令到皮膚有水份嘅光澤感，感覺用完喺顴骨位有啲明顯嘅斑點好似減弱咗。 如果係好似我夜瞓嘅人，又比較鍾意用簡單查一支嘢就夠，可以買嚟用，保濕得來可以有美白效果☺️

效果：OLAY小白瓶系列出左幾代都有買過，每代分別不大。最鍾意佢平得黎美白效果明顯，用咗一排膚色冇咁暗沉同透亮咗。膚色本身偏白帶d黃，呢枝精華既去黃效果幾滿意，黑變白就唔太肯定因為少d曬黑。而且美白精華好易氧化，呢枝3個月用到尾都冇變黃，感覺上維持到功效😂 質地：好清爽，推兩下就吸收晒，唔會黐笠笠，夏天偏油皮膚用都冇負擔，亦冇試過焗到生粒粒。呢排換季皮膚比較乾同敏感，用呢款精華都唔會覺得刺痛，以美白精華黎講幾溫和。 缺點：唯一唔太滿意係支精華裡面有閃粉，應該係想令人覺得一搽完就有提亮既效果？同埋香味都稍重，同品牌既紅金面霜都減淡左香味，希望呢款都可以啦！ 性價比：價錢真係冇得輸，二百左右有支美白精華，用到2-3個月，一set買仲送埋防曬、面膜。效果對得住個價，性價比高，值得一試。

#火熱新品 多次回購既olay小白瓶。主打用抗糖抗氧既方法去黃，覺得佢提亮效果的確顯著，淡斑就冇乜效果。通常用第一枝轉變會明顯d，之後可能係皮膚習慣左就冇乜效果，要隔住用下其他美白精華再用翻呢款。質地稍稍杰身，夏天用略嫌黏笠，不過都吸收得快，配合埋同系列既爽膚水使用，膚感會更加良好。 呢個應該係系列既第五代，我用過3-5代，坦白講次次升級配方分別都唔大😂 個樽既設計我覺得可以改善下，咁多代都係好難取到瓶底既精華，同埋樽蓋樽身既罅隙太大。另一個麻麻地既地方係望落似加左雲母，想做到搽完有即時提亮既效果。 不過呢個價位做到美白效果已經好收貨啦。藥房做特價既時候2百頭就有精華+爽膚水+面膜，一試無妨！