同大家分享下呢一樽霧面妝嘅粉底液❣️ 肌膚屬於混合偏乾肌 記得我上次用佢會浮粉甩皮，唔貼妝 直程好討厭呢樽嘢 但今個秋冬用佢 好貼妝 冇甩皮情況出現 到夜晚呈奶油肌 而且粉底液有流動性，質地較輕薄，沒有人工香味（粉底液味），乾後呈霧面質地 然而延伸性較強，遮瑕力中等 *妝前要做好保濕（推介BOBBI BROWN維他命營養底霜） 現時滿意程度80/100分

#SHUUEMURA 植村秀 Unlimited 無限輕透持妝粉底液 ✨小方瓶2.0✨ 磨砂瓶身，黑色蓋子，瓶身沒有其他文字/訊息，LOGO就以黑底白字印製，日系的簡約風格。 粉底液本身就有防曬系數 SPF 46 / PA +++，係我用過甘多隻粉底液入面防曬系數最高的，為左讓妝感可以輕薄，可以直接省略防曬呢個步驟，減輕面上要搽嘅porduct，令妝感更輕薄貼服，係夏天嘅好選擇。（但可能只係岩個日係室內活動嘅時候用，如果淨係靠產品本身入面嘅防曬，可能吾足夠抵擋到室外活動嘅UV） 色號：584 #會呼吸的霧光肌 一泵就可以上晒全塊面，出嚟嘅量算係偏多，質地係屬於比較易乾嘅，所以可以留意返盡量唔好將粉底攤太耐，同埋要局部上妝，避免粉底乾咗之後難推開。 呢款粉底好適合香港潮濕翳焗嘅天氣使用，佢能夠有效控油，但同時唔會抽乾晒面部嘅水份，保持適當嘅濕度，令到底妝可以持久度高啲💕 同埋吾會甘易因為出油而脫妝。 呢隻粉底最可取之處在於雖然控油力強，但不至於抽乾晒你面上面嘅油水，皮膚負擔會較低；遮瑕度就都算中上，但又未至於令到你成個面具甘，保留返自然嘅妝感。不過因為我係混合肌，有啲面部位置比較乾，就需要留意返妝前保濕，如果唔係就會有些微崩緊嘅感覺，皮膚會較乾，但出油多嘅位置就可以正常上妝。 💝總括嚟講，Shu Uemura 呢支升級版嘅粉底液真係好值得入手，係追求霧面肌嘅香港寶寶必好值得一試嘅product，妝感霧面得嚟又輕薄透氣加自然。正！💖

植村秀呢支粉底 其實我非常推薦 用佢既55號刷上妝 個妝可以推到好薄 妝效非常靚 不過轉天氣 而家乾燥 妝前保濕要做得好好 提亮效果好好 遮瑕能力中上 收飾毛孔效果中等 持妝能力非常好 上妝大約半個鐘內 會暗沉半度 之後唔會再暗沉 就算面上出油 個裝都可以繼續keep到 超過八個鐘 但因為裏面有成膜劑 上妝個速度必須要好快