美妝Q&A你問我答：粉底篇
對於「美妝」這學問，@cosme HK與大家一樣，都很執著及認真。所以「美妝Q&A 你問我答」誕生了！我們歸集大家都很想知道的美妝問題，邀請各大美妝達人解答，讓各位能在「變美」的路上暢行無阻~在今期「粉底篇」，我們發現原來大家對粉底的使用有很多疑惑呢！
2019.03.25
粉底、遮瑕，到底要上邊個先呢？
其實唔少彩妝師都係建議「先濕後乾」，最主要嘅原因係，如果先乾後濕，前面上嘅產品好可能會被後上濕潤嘅產品推開，令前面產品嘅效果消失。如果你今日係用粉餅同遮瑕膏，就要先上遮瑕在上粉底，如果係粉底液同遮瑕膏，則先上粉底液再上遮瑕膏！
試色要試係邊比較準？
好多人會試係頸或者手背上，但其實最適合嘅位置應該係臉頰同頸之間靠近嘅位置，咁先可以搵出同面/頸最接近嘅顏色！
粉底有咩種類，有咩差別呢？
粉底分為粉餅、粉底霜、粉底液、粉底膏同氣墊粉餅。
- 粉餅係最乾爽嘅產品，質地係粉狀，但粉餅亦係比較不傷害肌嘅底妝選擇，建議唔需要太多遮瑕或保濕嘅人可以選擇粉餅，減輕肌膚負擔！
- 粉底霜為Cream狀質地，比粉餅持妝，亦比粉餅保濕，遮瑕力也唔錯！
- 粉底液係當中比較易推開同最濕潤嘅質地，可以完整地貼服肌膚。
- 粉底膏嘅特性在於上妝快速，而佢嘅質地亦較能創造出高遮瑕度妝容。
- 氣墊粉餅絕對就係補妝神器！妝效自然清透，而且又不沾手，重點係用粉撲拍上嘅設計，可以讓上妝更輕鬆、底妝更服貼~
到底要用手、海綿定係用化妝掃上底妝呢？
其實同款粉底用唔同工具上差異非常大，因為工具會令妝感不同，用海綿上遮瑕力會高D？用掃上妝會快D？用手上妝更貼服？其實呢D都唔一定，要真實試過你先會知某個粉底用咩工具上妝，先係你自己最中意嘅妝效！
點樣可以令底妝更貼服？
可以係上妝前敷個保濕面膜、喺粉底入面加入美容油、沾濕海綿再上妝都係可以令底妝貼服嘅方法，但最重要嘅都係做好妝前保濕，比妝前嘅頀膚品停留喺肌膚至少八分鐘，而唔係保養完立即上妝，比D時間肌膚吸收頀膚品，先可以幫助後續上妝！