Avene 好用推薦產品

agnessstang好用推薦：非常黏笠嘅防曬 上年5月歐遊嘅時候用 每日都係勁熱+暴曬 未出門搽完已經覺得好笠 出咗街開始出汗溝埋啲防曬越嚟越笠+焗住皮膚 而且好容易泛白 不推薦

格仔餅公主好用推薦：去親行山或者戶外運動包括sea surfing都會用佢，因為真係唔易甩好持久，又唔會曬黑或者紅噹噹，當然你都要乖乖keep住補搽先有最大功效！

natanatalie好用推薦： 一推開防曬，質地係輕盈乳液感，帶少少水潤，好快就推勻。油性肌最怕厚重焗身，但呢支防曬一開始就俾我一種「清爽得嚟有保護膜」嘅感覺。 過咗幾分鐘，防曬已經吸收晒，面上冇黏笠感，仲有微微光澤。夏天坐冷氣房，皮膚冇覺得乾；出街行一陣，妝容都冇溶，底妝仲貼服咗。 到咗中午，T字位依然keep到清爽，冇明顯泛油。防曬本身有精華感，令皮膚穩定咗，冇再容易因為熱氣而爆紅。對油性肌嚟講，呢種「保護＋穩定」真係有安全感。 夏天用 Avene雙效精華級防曬，我覺得係「輕盈＋穩定」嘅平衡。佢唔會焗住皮膚，仲有修護感，令油性肌用落去安心。對我嚟講，係夏天必備防曬之一。