LANEIGE 好用推薦產品

Emily Leung好用推薦：🥛 Laneige 牛奶柔滑細膚水真實測評 | 乾肌救星 見到好多人話呢支「牛奶水」保濕力超強，仲話可以改善粗糙肌膚。我本身係混合偏乾肌，轉季個陣塊面成日繃繃緊，所以就買嚟試下啦！ 奶白色樽身好靚，倒出嚟嘅質地真係好似牛奶咁！質地比普通化妝水濃稠少少，流動性都幾好。上臉後好快吸收，皮膚即刻有光澤感。 倒出嚟係奶白色嘅液體，有陣好清淡嘅花香味。質地比普通化妝水濃稠少少，但推開後好快吸收，唔會黏立立。 即刻效果：拍上臉個刻已經覺得好水潤，皮膚好似飲飽水咁。 持久度：試過淨係用呢支水，冷氣房都可以頂到個幾鐘唔繃緊，保濕力真係唔錯！ 改善肌膚效果： 用咗兩個星期左右，最大感覺係： · 皮膚摸落去滑溜咗 · 鼻翼兩側嘅毛孔睇落冇咁明顯 · 上妝貼服咗，冇再起皮 優點總結： ✅ 保濕力強，適合乾燥肌 ✅ 質地舒服，吸收快 ✅ 用後肌膚有光澤感 ✅ 改善肌膚粗糙效果唔錯 缺點提醒： ❌ 油性肌膚夏天用可能會覺得太潤 ❌ 香味可能唔係個個都鍾意

Myonlyone好用推薦：用咗Laneige牛奶水一個月，塊面滑到似剝殼雞蛋？真心用後感 開頭見到Laneige出呢支「牛奶細膚水」，個包裝白撞藍，望落去勁Creamy，好似真係飲得嘅牛奶咁。我本身係混合肌，T字位油，兩邊面頰乾到龜裂嗰隻，成日搽咩都話唔夠保濕，一係就太笠出粒粒。見佢主打「低刺激」、「高保濕」，仲要話有1/2000嘅納米級乳霜分子，把幾火買咗支試下，而家用咗大約一個月，可以同大家講下真實感受。 質地： 佢唔係清水咁稀，亦都唔係Cream咁杰。倒出嚟係奶白色、少少稠嘅水狀，流動性好高，但推開嗰下會feel到有種絲滑感。最正係佢吸收得快，捽兩下就「颼」一聲吸晒入塊面，唔會話成塊面油淋淋反晒光。 用法： 我試過就咁用手拍，效果OK，但後尾跟網上啲人教，倒落化妝棉度輕抹，當係二次清潔加打底。點知！抹完之後，化妝棉有少少黃黃地（即係抹走咗啲死皮同污糟嘢），而塊面即時好似飲飽水咁，脹卜卜，仲要冇任何刺痛感。就算我鼻翼兩邊有時捽到紅曬，敷上去都係好舒服，呢點真係抵讚。 保濕力： 以一支水嚟講，佢嘅鎖水力算係中上。我通常夜晚洗完面，拍完呢支牛奶水，再搽多個保濕精華就瞓。第二朝起身，塊面係軟腍腍、有彈性

Milo101好用推薦：🌟🌟保濕水有分清爽型及滋潤型，這個是滋潤型。 🌟🌟滋潤型比較濃淍，倒出來是半透明液體狀的。 🌟🌟有一陣像啫喱的香氣，個人覺得蠻好聞的。 🌟🌟塗在面上會感到水潤滋潤，即時補充皮膚面層水份，比較適合年輕肌膚作基礎保養。

Hamiii好用推薦：Toner黎講算比較杰身..但吸收速度夠快👍🏻 春夏出入冷氣房用無問題， 秋冬就唔太夠， 同牌子另一款牛奶水會好d Laneige純保濕產品一向都唔錯，呢支平平地都值得入手：）

sammiimelda好用推薦：呢一款比較特別 佢會跟埋一盒棉花 基本上就好似去角質咁樣 不過佢好溫和 用咗之後塊面的確會變咗黑色 將面上面污糟嘅嘢抹落嚟

jaye好用推薦：首先佢個泵按鈕好方便使用，個人係配合化妝棉洗臉後用，有二次清潔既效用，質地好清爽，水狀精華快速被肌膚吸收，有輕微保濕，三星期度，顯著改善暗啞，見到皮膚係透亮左，敏感皮膚都岩用，抵用！

Heychauchau 好用推薦：保濕程度一般，也不太覺得毛孔有變小，就跟一般爽膚水差不多，後續要依靠精華和乳霜作深層保濕。

sammiimelda好用推薦：嗰陣時係同一個系列成set用 其實如果係追求普通保濕 佢性價比係高嘅 但係我覺得都係適合年輕肌膚 年紀大，就有唔同嘅需求 如果你皮膚係冇乜特別瑕疵嘅話 用佢都足夠嘅

維他他好用推薦：冇乜特別的爽膚水，正正常常，幾清爽，春夏適用，冬天不夠潤，少少嫌香味較重，不過呢個品牌一向香料較重，保濕力一般，不過不失

雪雪好用推薦：呢支Laneige爽膚水都幾唔錯，保濕力ok, 又幾爽，唔會痴笠笠，確實做到水油平衡，有少少香味，好聞嘅，整體唔錯，價錢唔貴，性價比算高

AnnaChan好用推薦：-質地比一般爽膚水稍微濃稠少少，但一推開就會瞬間化成水質，好容易被皮膚吸收。 -上臉之後好清爽，唔會留下一層厚厚嘅膠感或者痴笠笠嘅感覺，膚感好舒服。 -帶有淡淡嘅清香 用後感： -入面含有藍色透明質酸，真係可以滲透到皮膚底層，唔單止係表面濕潤。用完之後會明顯感覺到皮膚飲飽水，乾紋或者因缺水引起嘅粗糙都有好好嘅改善。 -即時紓緩退紅：如果皮膚覺得乾，甚至有啲微紅，用佢濕敷或者拍上臉，會有好舒服嘅鎮靜同紓緩效果。 -打底一流：上粉底會貼服好多，無咁容易卡粉或出油。 【精華部門】

Ni好用推薦：淡淡的荔枝香味 敏感肌膚也可以用 清爽好吸收不粘膩 但就普通的爽膚水 沒什麼特別

Theresa好用推薦：幾鐘意淡淡荔枝香氣，用後唔會粘笠，好適合夏天用；用黎濕敷，效果都唔錯！

Verna好用推薦：有一次逛專門店時，看到這個系列主打抗衰老，可以令皮膚更年輕和更緊緻，就買了同系列的幾個產品試試，因為我相信同系列的產品可以有協同效應，令護膚品發揮得更好 我初時以為這個水活細胞再生細膚水是爽膚水，但它的質地比較稠厚，所以應該是類似精華水。它是潔面後護膚程序的第一步，我會把它倒在化妝棉上，由內至外抹拭皮膚，然後搓揉雙手再輕按皮膚，讓它更容易滲透 用了一段時間，我覺得毛孔有變得細緻，和感覺皮膚補充了水，但可能因為我是混合偏油肌，我比較喜歡清爽的爽膚水，所以我不是太喜歡這個產品

Cole Cole 好用推薦：專門店送的贈品，比較杰身的爽膚啫喱水，其實有少少似精華，感覺好似有輕微酒精，搽上皮膚有少少刺激，有香味，吸收程度一般般，但係都容易推開的。保濕效果OK。

mandy好用推薦：Laneige Radian-C Advanced Effector 抗氧淨白肌底液 $340/ 150ml 7大功效: 去角質+改善膚色+改善紋理+提昇光澤+緊緻肌膚+補濕+強化肌膚屏障 買抗氧淨白肌底液，會附贈化妝棉，這倒也是挺貼心的。 抗氧淨白肌底液蘊含眾多美肌成分，主要成分為抗氧化、抗衰老、保濕及美白等成分。 官方使用方法: 1.早晚用作爽膚水使用。 2.取適量蘸取化妝棉，由面部內側開始向外輕輕擦拭肌膚。 由於抗氧淨白肌底液具有去角質功效，最好在潔面後即使用， 倒在化妝棉後可以由內至外在面部打圈擦拭， 然後您會看到化妝棉上的污垢，就是來自面上的老廢角質。 在去掉老廢角質後，肌膚即時變得通透亮白及富透明感，抹完立即白一度。 保濕力不錯，而且沒有絲毫油膩感，使用感清爽水潤舒適。使用後肌膚也沒有不適或過敏。 含抗氧化成分: 凹緣金虎尾果萃取, 蔬食埃塔棕果萃取, 牛磺酸, 谷胱甘肽, 維他命C, 乙基維他命C 及 維他命E 抗衰老成分: 凹緣金虎尾果萃取, 蔬食埃塔棕果萃取, 牛磺酸, 谷胱甘肽, 維他命C, 乙基維他命C 及 維他命E 鎮靜消炎成分: 蔬食

Hamiii好用推薦：香味有d太重.. 保濕度一般般，唔覺得有特別保濕.. 好普通既爽膚水😵‍💫 呢個價位小小唔值買🥲

HE1DY好用推薦：水滑質感並帶有香氣，香氣的味道濃度是可以接受的。但搽勻後，保濕度較弱，而且水分比較容易揮發，較難產生保濕膜。樽身以透明設計，能突顯出藍色樽身下水凝剔透的產品特點。 It has a slippery texture and aroma, and the taste density of the aroma is acceptable. However, after uniform application, the degree of moisture retention is weak, and the moisture is easier to volatilize, making it difficult to produce a moisturizing film. The transparent design of the bottle body can highlight the product characteristics of the blue bottle body that is crystal clear.