LANEIGE 好用推薦產品

wintonggg好用推薦：螺旋頭可以刷眉又可以刷睫毛膏，幾好用，另一邊又可以畫眼線，毛好柔軟，好用

Aivlys好用推薦：因為我用開眉粉畫眉嘅關係， 我其實非常鐘意雙頭眉掃， 先用斜頭沾眉粉畫上眉， 再用螺旋頭掃勻啲粉咁眉毛就自然曬！ 而Laneige呢支眉掃我覺得表現中上， 失分位係斜頭嗰面啲毛太軟， 用淺色少少嘅眉粉時就會感覺好似上唔到色咁。 而螺旋嗰面就表現理想， 軟硬適中可以理順毛流並將眉粉梳勻。 綜合而言呢支眉掃表現中上， 冇特別過人之處， 會建議用平啲價錢買同樣設計嘅雙頭眉掃。

brenda好用推薦：價錢唔貴，上粉效果不錯，經常清洗都不會掉毛

Aivlys好用推薦：呢支係驚喜之作， 掃毛唔算密但抓粉力好適中， 唔會太多唔會太少， 而且粉粒可以好均勻咁上附喺掃毛上， 亦可以均勻地附上臉上！ 用佢可以上碎粉上得好透薄！ 推薦！

Aivlys好用推薦：係少數我覺得好用嘅扁頭粉底掃。 多數時候我都鐘意用密毛、立體掃頭嘅粉底掃， 化出嚟嘅底妝會比較貼服、有空氣感。 令人驚喜嘅係呢款扁頭粉底掃其實唔輸蝕， 掃毛夠曬彈力可以將粉底推得好均勻同透薄， 即使係「杰」啲嘅BB Cream都推得郁！ 當然佢唔係一支非常優秀、必買嘅粉底掃， 但如果觀望緊想入手嘅話， 真係可以一試！

haha好用推薦：刷毛好緊密，刷型貼合唇型，可以畫到細緻既唇線，用佢黎大範圍上色都好快好方便，2，3下已經可以上曬下唇，而且顏色均勻

Aivlys好用推薦：呢支掃真係唔得！ 抓粉力差， 要好用力先至抓到少少粉， 而且極容易甩毛， 每次用都象徵式甩一兩條， 洗嘅話直頭一下子甩五六條！ 用咗兩個月已經頂唔住丟咗佢！