Bioré 好用推薦產品

維他他好用推薦：Biore出咗支新嘅噴霧式卸妝，幾新穎嘅卸妝方法，試試佢 呢支卸妝噴霧，每次卸妝大概都要噴10下以上，先會足夠可以卸乾淨全面嘅妝容，清潔力非常強勁，簡單易用，比起卸妝油會稀少少，但係比起卸妝水又會強勁少少，卸妝效果非常不錯，好乾淨，卸普通防曬一定冇問題，其實連眼妝胭脂呢啲都可以清潔得一乾二淨，重點係洗完之後，塊面一啲都唔乾燥，呢一點幾好，價錢大概$100一支，有120毫升，貴唔貴就見仁見智，但係效果真係幾好，會推薦俾朋友使用 #火熱新品

Ming好用推薦：#火熱新品 最近見到各大媒體都有報道呢支卸妝油，好多用家都認同卸妝能力好高，性價比非常高。 用咗之後呢支卸妝油嘅卸妝能力真係好好，無論係直接噴喺面上面又好，或者噴喺棉花上面抹又好，都可以輕鬆卸妝，有啲好難卸嘅睫毛液，眼線亦都好容易卸到，而且唔需要係咁捽塊面，卸完之後塊面唔會好繃緊，雖然都要再洗多次面，但係唔會咁乾燥，都試過喺沖涼嘅時候用，可以同一時間卸妝洗面都冇問題。就呢個牌子嚟講，呢款嘅卸妝油卸妝能力已經有好大嘅進步。。

Sanna Cher好用推薦：#火熱新品產品屬於難以融化的卸妝膏，加水都不容易轉換狀態，需要將膏體輕搓在臉上並打圈。 潔淨力方面是可以的，但眼妝不能卸掉，完成程序後，皮膚不會感覺乾和繃緊，而是爽身而平滑，感覺冬天使用是更加適合。總括來說，是帶有溫和滋潤感和卸妝膏。

TsuenMa好用推薦：🔥 Biore 極淨溫感卸妝膏真實體驗 💆‍♀️ 平時自己揀卸妝產品，除了最著重溫和清潔毛孔之外，卸妝過程嘅清潔度、舒適度都好重要 🙈。最近試咗 Biore 嘅極淨溫感卸妝膏，質地同體感真係比想像中更有驚喜！✨ 【使用體驗與質地 💆‍♀️】 超療癒溫感： 上臉嗰一刻有超驚喜嘅溫暖感！好似做緊 spa 咁舒服，溫熱感可以幫手張開毛孔，好適合放工之後幫塊臉放鬆 ♨️。 輕鬆乳化： 唔需要預先加水，直接搽上面，同化妝品進行乳化！膏體延展性好強，推開後好快就能溶解眼唇同臉部彩妝，毛孔內嘅油脂污垢都能順便帶走 💦。 【實測效果 🌟】 清潔度與洗感： 沖水之後好乾淨透亮，完全唔會覺得難洗或者留下油膜感，膚觸好平滑柔嫩 🌿。 【價格與性價比 💰】 價錢小考量： 一盒大概 $120 幾蚊，喺開架卸妝產品嚟講，算高於 average price。不過考慮到佢嘅溫感 Spa 體驗同埋顯著嘅清潔效果，得閒想獎勵下自己或者作深層毛孔清潔時依然好值得入手 👏。 【總結 📝】 雖然價格喺開架嚟講稍高，但嗰種宛如做 Spa 嘅溫暖感同埋優秀嘅乳化卸妝力，真係會令人一用愛上！🙌 #火熱新品 #不一樣的卸妝

格仔餅公主好用推薦：泡沫既豐盈程度係用手都起到好多，個味幾舒服幾好聞，用落唔乾不過我慣性照搽body care product

choichoi好用推薦：味道討好，用後不乾澀，沖涼後忙碌未能即時護膚，長至半小時也未覺乾燥👍🏻

JuneL好用推薦：係一田見到呢支沐浴泡泡，見未見過其它地方有賣，就買嚟試下，每次用上4，5泵份量先足夠全身用，唔係搓起泡情況下都算方便，沖洗後肌膚會感少許滋潤感，乾燥天氣下用它，肌膚都唔會因為太乾而出現痕癢問題，如果產品有出refill 就更好更環保。

mag好用推薦：之前去日本旅行時啱啱出嘅新品所以買來試下 一pump即刻可寄出好濃密嘅泡泡，洗全身大約4-5 pump左右，一支都唔會好快用完，同普通沐浴露差不多。好啱懶人懶得搓泡泡😂 冬天用可能會少少乾，但其他季節用都ok

jojoma123好用推薦：一直以來, 自己也比較喜歡用卸妝膏多於卸妝油, 主要原因是不太喜歡其油膩質感, 以及覺得其潔淨力不夠強, 但早前購入了Biore這款瞬間極淨卸妝油後, 卻令我完全改觀！ 透過它的彩妝瞬間飄浮技術，使用時不用反覆搓揉，只要在妝容上輕輕塗抹，肌膚表面嘅彩容已經自動且徹徹底底的浮出來，沖一沖水, 肌膚乾淨晒, 最緊要係表面感覺清爽, 半點油立立既感覺也沒有, 非常出色! 用來卸除防水調色底霜同防水睫毛液都完全難不倒這支卸妝液,順利成為我嘅must buy item! #卸妝 #潔面

Yuki好用推薦：卸妝效果比想像中好 連mac眼線液都卸到接觸到卸妝油個刻 化妝品真係瞬間就浮起粉底液同遮瑕最為明顯除左4U2 lip tint 粉底眼線液眉筆遮瑕睫毛液 全部都卸得好乾淨 同埋卸妝油質地好輕盈 仲要好易過水 用後皮膚好清爽唔繃緊 非常溫和唔刺激 仲有淡淡清新花香 唯一缺點係有d刺激眼睛 彩妝瞬間飄浮技術真係好正 輕輕鬆鬆就可以卸妝 同埋唔洗捽唔洗乳化 卸妝油按上面等一陣 溶解左化妝品浮起左 然後過水就攪掂 避免左過度按摩拉扯皮膚 之前卸妝近耳仔位會成日忽略 卸得唔乾淨攪到生粒粒 宜家用左哩款卸妝油就唔怕喇

Kpl6be6好用推薦：天氣咁熱就係應該用呢種咁清爽嘅沐浴乳～靜崗綠茶味嘅香氣非常沉靜溫和～擠出嘅質地為絲滑觸感～卻完全唔黏笠且帶有水潤感～用後夠乾淨亦絕無乾爭爭嘅感覺～爽！！

Fanny好用推薦：em...麻麻地囉...個人覺得綠茶味係有嘅，但留嘅時間唔係好長，而且我用嘅膚感比較乾，成日都有種好澀嘅feel，差啲以為自己係維他檸檬茶，澀得起🙂‍↕️。

YYeman好用推薦：Biore深層卸妝油，用落到底點？ 講真，呢支嘢真係好多人細個用到大的「入門級卸妝油」😆 平平哋、周圍都買到，唔使諗太多就拎得起。 質地方面 佢唔算好薄身，推上臉有少少厚、有少少立黐黐咁。不過慢慢按摩都OK嘅，加水乳化會變白，但就要俾少少耐性，唔好求其一沖就算，如果唔係好易有殘留感。 卸妝力 日常防曬、粉底、眼線絕對夠用👍 但如果你畫咗好防水嗰啲日系睫毛膏，就建議另外用眼唇卸妝液，唔好同佢死過。 用完塊臉點？ 唔算好乾，但乾肌或者敏感肌嘅朋友可能會覺得有少少繃。油肌、混合肌就通常覺得OK，不過夏天用可能會覺得偏潤咗啲。有啲人話用完會生粒粒，多數都係因為乳化唔夠徹底，或者沖洗得唔乾淨。 總結一下 · 優點：平、易買、日常妝夠力 · 缺點：質地偏厚、乳化要耐少少、有時會有殘留感 · 啱邊個：日常淡妝、想慳錢、皮膚唔太敏感 · 唔啱邊個：極敏感肌、鍾意清爽感、成日畫濃妝。

劉肥貓好用推薦：有微微香味 響皮膚打圈清潔按摩時舒服易推 過水即爽 清潔力不過不失

JuneL好用推薦：品牌的沐浴產品都又平又抵用，而且輕易就能搓出豐盈泡沫，沖洗時唔會有滑滑個種洗極都沖唔乾淨嘅感覺，沖後清爽乾淨。

劉肥貓好用推薦： 冬天用好滋潤㗎泵少少在掌心再查上身再加水起泡 一過水即爽 味清香價錢平一支好襟用又容易買

zetalhc好用推薦：卸妝能力不錯，油性皮膚覺得用用完之後唔會好油。但係mascara同眼妝就清潔得唔係太好，需要用多次先可以全面清潔

Nicole 好用推薦：樽口是按壓出口設計，只需把化妝棉放在上面按壓 4-5下，然後輕柔擦拭皮膚就可以輕鬆卸妝，我通常用來卸防曬/淡妝沒問題，使用感也比較溫和～

natanatalie好用推薦：用後感覺肌膚非常滋潤，性價比也很高，價錢很便宜，清潔力不錯，但不會令皮膚感覺乾燥和痕癢推薦給大家使用。

貓餅好用推薦：就是一支普通的沐浴露，香氣是不錯的，但是不持久，很快便沒有香味了，普普通通