CANMAKE TOKYO 好用推薦產品

Kriskirs09好用推薦：Canmake - Plump Lip Care Scrub 修護磨砂唇膏 呢支已經係我買嘅第三支 之前用透明01號覺得好好用就再回購多兩支有色版本我買左03號色🌼 No.03 Mikan Yellow 蜜柑黃： 具提亮效果，遮蓋暗沉唇色（新色） 👄效果圖如下：佢的確有遮蓋暗沉唇色嘅功用 小妹係成日咬嘴唇啲死皮 搞到個嘴係甩曬皮 但搽左之後覺得有修護到啲嘴皮 同埋本身支潤唇膏有少少磨砂粒粒 可以幫嘴唇去角質 真係少啲唇紋✨ （但要留意佢扭出嚟 係扭唔返入去的） 而02號色🌸 No.02 Clear Pink 透亮粉紅：添上粉嫩光澤 我個人覺得無01同03咁潤 但優點係有好淺嘅粉紅色 想打造偽偽偽素顏效果都可以一試嘅🤣 💰價錢方面官網$54 但Canmake成日都有折所以好抵買！ 用嚟做唇膏打底都唔錯👍🏽

ChingLam好用推薦：已經第四次回購！😍 依家市面上都比較少唇部去死皮/磨砂產品，而依支又可以做到以上效果之餘 仲有滋潤成分👍🏻 除咗普通磨砂外，仲有另外三支加入左不同成份，適合唔同需要嘅人 前日專門店大特價買$30一支 即刻入返兩支貨仲平過喺日本買🤭

isabeloclock好用推薦：超愛Canmake呢支lip scrub💖 我平時都好懶做lip mask，所以嘴唇成日會甩皮，搽完有色唇膏後情況會更明顯同嚴重🙈🙈🙈 之前行過藥妝店，見到呢支lip scrub講到好神咁，價錢又唔貴，就買支嚟試吓～ 唔用猶自可，一用真係愛不釋手！ 佢嘅質地係帶顆粒感嘅潤唇膏，上嘴好似搽咗啲砂糖咁，甜甜哋同少少笠，但唔會漿住個嘴。 有時我會當overnight lip mask咁用，第二朝起身已經唔再笠，仲KO埋死皮同唇紋問題，搽有色唇膏都唔再驚有塊皮吊吓吊吓咁尷尬～ 有時唔記得隔晚搽定，我就會喺妝前搽呢支lip scrub當潤唇膏打底，到化晒成個妝，最後再用紙印一印唇上剩餘嘅lip scrub，然後再上唇妝，咁就會上色得嚟又潤滑！ 宜家我出街用嘅化妝袋係必備呢支lip scrub，打算再買多支for夜晚護理用😆😆 如果妳未試過呢支lip scrub，我強烈建議要試～～～CP值超高嘅好物💖💖💖💖

綺羅香好用推薦：一入秋又係時候要買新嘅潤唇膏，以前用過唔知咩牌子嘅磨砂潤唇膏，感覺到麻麻地，驚啲磨砂粒粒長期留喺嘴咀上不停摩擦，磨到嘴唇薄，年紀一大，唇上死皮越嚟越多，特別係搽咗有成膜嘅唇膏，時間一長啲死皮連埋膜一齊出哂嚟，令到唇妝好肉酸，唯有再挑戰磨砂潤唇膏 會買canmake 全因夠平，唔好用都唔會覺得肉赤，咁啱今年出咗新品，就買嚟試試，有3隻色，分別係唇膏所含有嘅成份，我買咗1號含透明質酸鈉，啱哂我呢種容易嘴唇乾嘅人，唇膏唔可以轉返入去，所以每次唔好轉太多出嚟，啱啱搽上去有一陣涼涼地感覺，磨砂粒粒夠幼細，而且係由砂糖組成，磨幾下就會溶化消失，唔會有粒粒長時間留在嘴唇上，透明無色無香味，滋潤度可以keep足成晚，下個月去日本會考慮掃多幾支返香港 #火熱新品

Chloeincosme好用推薦：Canmake睫毛卸除液🤍本身覺得用卸妝油已經可以將眼妝卸得乾淨，只係要花點時間，直至有一次化濃妝，化妝師朋友比我用呢支，即刻覺得好驚豔～ 🤍 溶解力：5/5 只要輕輕刷一層喺睫毛上，等一分鐘再抹（等待期間卸臉，唔好晒時間🤣）連超防水嘅睫毛膏+假眼睫毛膠水都瞬間溶解，完全唔使捽！亦唔洗拉扯皮膚！ 🤍 溫和度：4.5/5 質地清爽唔油膩，唔會燻眼或者刺激？ 🤍 使用方便：5/5 細細支好似睫毛液咁，可以隨身攜帶 🤍 輔助卸妝：5/5 而家習慣先用佢處理睫毛同眼線，再用卸妝油全面清潔，成個卸妝過程快咗又乾淨咗！ 總結： Canmake呢支睫毛卸除液雖然細細支，但係解決咗卸防水妝容嘅煩惱～已經成為我化妝袋常客，會無限回購！推薦俾所有鍾意化濃眼妝嘅你！

Hchan好用推薦：因為覺得用眼部專用卸妝液卸睫毛很花時間，一直習慣使用温水可卸除的睫毛液，後來發覺它的捲翹度保持得不太好，容易變直，見到這種睫毛膏卸妝液就嘗試用回平常的睫毛液，這款只要在卸全臉妝先塗這枝在睫毛上，待上十分鐘，再用化妝棉相繼抹掉，然後卸全臉妝即可，很方便，卸妝力高，有用過kiss me那枝，兩枝都很好用。

Kura好用推薦：平價好用嘅眼睫毛精華液，我係日夜都有用，用完眼睫毛係變得強韌咗，冇咁容易掉，同埋眼睫毛都有變長咗少少，睫毛精華液嘅質地係偏濃稠嘅精華液，刷頭都係便特別嘅設計，搽上眼可以好精準搽到想要搽嘅位置，呢一點係非常好，同埋canmake嘅出品口碑一直都非常好，長期霸佔 @cosme 嘅榜單好物，我都係會繼續長期回購，誠意推介俾想眼睫毛變靚嘅大家 #我的崇光感謝祭必買眼部護理 #我的崇光感謝祭必買眼部護理

Jane好用推薦：性價比超高，使用一個月後明顯見到睫毛增長和濃密，落妝時也明顯減少了掉睫毛的機會。

Fng好用推薦：CANMAKE 柔嫩護唇膜 （春夏・熟齡混合偏乾肌） 👄✨ 我係熟齡混合偏乾肌，春夏就算潮濕，嘴唇都成日有死皮、乾紋，搽唇膏又卡又顯老。見到CANMAKE呢支唇膜（約HK$62 / 4g）好多好評，用咗一個月，分享真實感受～ 🧴 質地：絲滑唔立，似潤唇膏 · 膏狀質地，接觸體溫後會融化，好易推開 · 完全唔黏膩，唔會好似一層油漿住個嘴 · 有回購用家話「比Laneige仲好用，質感更舒服」 🌸 透明感Up⬆️ · 即時軟化死皮：厚敷一晚，第二朝死皮明顯減少，嘴唇變平滑 · 唇紋視覺上淡化：因為保濕夠，乾紋冇咁明顯，望落「嘟」咗 · 對抗乾燥暗沉：官方話可以改善因乾燥引起嘅暗沉，用完嘴唇望落水潤有光澤 · 自然粉嫩色：01清透粉色，搽上係透明感粉紅，唔會太誇張 透明感嚟自 保濕成分 填補乾紋＋軟化死皮，令嘴唇望落平滑水潤，自然就有透光感✨ 🔬 成份：無添加＋植萃保濕 · 植物保濕成分：凡士林、玻尿酸、摩洛哥堅果油、乳木果油、蜂蜜、神經醯胺 · 無香料、無酒精、無礦物油，敏感唇都用得 🌸 熟齡混合偏乾肌用後感 · 保濕力夠：用完一次，效果可以維持三四日唔乾 · 妝前打底一

YYeman好用推薦：Canmake柔嫩護唇膜真係我今個冬天嘅驚喜發現！本身對Canmake嘅彩妝就好有信心，冇諗到佢哋出嘅護唇膜都咁出色，絕對係我冬季護膚程序入面，夜晚嘅唇部修護必備步驟。 保濕同修復效果真係好得人驚： · 佢係一盒好似小小唇彩嘅包裝，質地係透明嘅啫喱狀，搽上嘴唔會好黏笠，反而有層薄薄嘅保護膜感覺。 · 冬天瞓覺開暖氣，朝早對唇乾到好似沙漠咁。我用咗呢隻唇膜之後，第二朝起身雙唇係柔軟、飽滿嘅！唔會再黐住一層死皮，輕輕抹走殘餘嘅唇膜就可以。 · 最明顯係佢嘅修復力，我試過因為成日舔嘴唇搞到唇角炎，又紅又痛。連續兩晚厚敷呢隻唇膜，個紅同痛真係退得快好多，感覺係將水分同養分「鎖住」去慢慢修復傷口。 冬季護唇心得： · 我會用附送嘅小棒挖一啲，喺夜晚護膚最後一步，厚厚敷一層喺唇上先瞓覺。用量多少少效果會更明顯！ · 有時冬天化妝前，如果覺得唇部狀態好乾，我都會薄敷5-10分鐘當急救，之後用紙巾印走，再上唇膏就會好順滑，唔會卡紋。 · 佢帶有少少天然莓果香味，唔會好人工，夜晚用覺得好療癒。 總括嚟講，Canmake柔嫩護唇膜絕對係冬季嘅「過夜修護神器」！如果你都係成日覺得潤唇膏唔夠力，想搵一

Angela好用推薦：日本Canmake嘅唇膜真係好好用，之前日本旅行買左，試左覺得佢好潤，訓覺前搽起身之後個嘴唇仲係好潤，洗面之前照鏡見到係好有光澤水感。 睇說明話除左訓覺前搽，平時出門都可以薄薄當潤唇膏咁搽。同埋性價比好高，而家日圓平左，日本買只係要792日圓，去日本旅行一定要買，我見香港賣都要$62，我嗰次買完一個試之後再去日本都有再買！ 同埋因為天氣乾燥，之前覺得個嘴好乾已經諗住買唇膜搽，雖然個份量望落好細，但每次其實只係用好少已經夠潤，可以用到好耐～

Simona好用推薦：試過Laneige唇部晚間護理唇膜，見到Canmake包裝咁可愛好想試！其實Canmake單價比Laneige貴，但容量細啲，用得快啲。因為係開蓋設計，容易滋生細菌，快啲用晒會衛生啲。Canmake管裝嘅質地同Laneige差唔多，用完夜晚嘅唇部磨砂再敷，第二朝起身覺得去咗死皮又好保濕。💄

lonia好用推薦：CANMAKE TOKYO真係有好多CP值高嘅好物！ 呢支係柔嫩護唇精華，02色號-自然玫瑰紅色。佢有96％美容成份，淡化唇紋效果非常明顯，搽完之後雙唇變得水潤有光澤，滋潤感十足。02呢隻色上唇之後非常自然，搽完之後可以增加血色感，提升整個人嘅活力氣息。 佢可以日常作為有色潤唇蜜使用，亦可以臨瞓前厚敷為雙唇作深層護理，就好似做咗個lip mask一樣。第二朝起身嘴唇依然覺得滋潤，改善唇部狀態。 重點係一支正價只係＄48，可以做到以上效果真係大推！

Mandy好用推薦：作為打底用ok，水潤而不厚重，不過會黏髮絲，個人認為淺唇可以搭配唔係咁潤既唇膏用，否則會冇乜顏色

Tong好用推薦：超級好用，咩難卸嘅睫毛膏都卸到 唔會刺激，仲要十幾秒就卸得乾乾淨淨！！！ 推薦！