CANMAKE TOKYO 好用推薦產品

Paris merci 好用推薦：Canmake嘅美甲產品又係好好用，而且價錢唔貴，學生至到上班族都好適合。 呢款卸甲水係新買嘅，同時效果亦非常好。佢有少少似一般洗甲水嘅味道Mix香味，但味道散得好快，唔會剩餘嘅天拿水味。我將卸甲水倒落化妝棉，其實每隻指甲大概十幾秒已經可以抹得七八成乾淨，完全唔會似傳統卸甲水需要時間濕敷，先至可以卸乾淨。如果甲油上面有多啲閃粉，就需要再抹多一兩次，不過都可以卸得好乾淨。 另外卸完甲油之後，指甲嘅皮膚都唔會乾燥，最好就搽返hand cream。呢支洗甲水雖然係100ml，但相對每一次用嘅份量都唔會太多，要買卸甲水真心推薦可以選擇佢💕

lonia好用推薦：CANMAKE嘅產品包裝真係好有少女感，連洗甲水都感覺可愛過人～ 一如過往價錢好相宜，卸甲油嘅效果非常好。佢都有一般洗甲水嘅氣味，不過都散得好快，冇殘留氣味。將洗甲水倒落化妝棉，其本上每隻指甲來回抹兩次左右已經完全去除甲油。如果甲油比較多閃粉，就需要抹多一兩次，但都可以完全卸乾淨。卸完甲油之後，指甲唔會感覺特別乾。我唔係成日搽指甲油，所以100ml裝已經好㩒用，CP值高、值得推介嘅一款產品。

Kura好用推薦：包裝好精美，用完指甲可以卸得好乾淨，味道唔会好大，同埋減價時值得一試