ETUDE 好用推薦產品

葉子🍃好用推薦：刷頭好細，但用時分量都好易羅太多，顏色都幾靚，不過keep得唔算耐，好彩唔會周圍甩色，價錢亦好平

綺羅香好用推薦：好早之前已經想試液體眼影，但一直買唔到啱心水，見呢度有人介紹EH嘅眼線液，估可能都做到想要嘅妝效，特登走去門市買，睇官網應該有4隻色，不過鋪頭得兩隻色，01銀白色同03蜜桃色，都好足夠應付平時妝容 眼線液筆尖又幼又尖，可以好精準點綴眼頭同臥蠶，又或者疊擦眼線，每一筆畫出嚟都滿滿嘅藍紫色閃片，快乾，摸上去無粗糙感，不過大力捽都係會甩，因為見好多人話好易甩到無影，就特別先用定妝噴霧噴一噴筆尖，畫完再用少少碎粉定妝，增加持久力 另外因為畫出嚟太閃，唔建議係臥蠶就咁畫一條線，會好假，係眼頭，臥蠶中間，眼尾各點少少，幫眼妝加分之餘，又唔會搞到好奇怪