INNISFREE 好用推薦產品

Lindabb好用推薦：Innisfree 綠茶平衡乳液用後感 我用咗呢支乳液大概兩個月，主要係夏天同冷氣房交替嘅季節用。本身我係混合肌，T字位容易出油，但兩頰又會乾，所以揀乳液好怕太厚或者太清爽。 質地同氣味 第一次擠出嚟，覺得質地偏水感，唔係嗰種厚身cream狀，推開好快就吸收。綠茶味都幾明顯，我自己就覺得幾清新，但有時會覺得香精感重咗少少，如果鍾意無香產品嘅人可能會卻步。 用上面嘅感覺 搽完之後塊面唔會黏立，摸落去係清爽嘅，但同時又有一層薄薄嘅保濕感。T字位出油情況有改善，至少唔會朝早搽完，中午就已經油光滿面。不過兩頰位置，如果嗰排冷氣開得大，單靠佢就唔夠潤，我會加多一滴護膚油或者轉用滋潤版。 優點 · 清爽得嚟唔會乾，夏天用啱啱好 · 吸收快，上妝前用唔會搓泥 · 價錢合理，回購壓力唔大 缺點 · 乾肌或者冬天用會覺得唔夠力 · 香味偏重，敏感肌要試真啲先 · 保濕續航力一般，冷氣房要補 總結 如果你同我一樣係混合肌，想搵支夏天用、清爽得嚟又有基本保濕嘅乳液，呢支係唔錯嘅選擇。但如果你係乾肌，或者唔鍾意有香味嘅護膚品，我就會建議你試其他。我自己嚟講，夏天會回購，但冬天就一定會轉用更滋潤嘅

Noel好用推薦：這枝綠茶平衡乳液，算是個人比較喜歡的乳液質感，乳白色＋液狀，帶有高流動性。產品帶有 innisfree 品牌的綠茶籽香味，算是挺舒緩的香氣👌 乾肌使用這個乳液，感覺滋潤，有滲透感覺，不會單單留在表面。塗到面上算是快吸收，我一般會塗兩層，增加滋潤感覺，不會太笠。如果想用這枝當成 overnight 最後一個護膚程序，建議可加入護膚油混合，例如我會選擇加入角鯊烯油 (Squalene) 。這枝乳液 CP滿滿，而且使用感要比同系列的平衡化妝水好❗

何何好用推薦：呢支我係趁vip sales買，配合佢支精華一齊用，效果好好，而且呢支乳液係勁“琴“用(可能係因為我唔係成日用)，用左半年都未用晒😂❤cp值超高，佢有個唔好處就係冇泵頭，要倒轉倒出黎，但我將佢長期倒轉放方便用既時候，佢又會漏啲lotion出黎🙈

Selina 好用推薦：早排塊面乾到裂開，粗過砂紙…..搽咩都冇救 咁岩搵到支旅行裝 見佢係高效補濕就試試佢 三日後塊面奇蹟地前所未有咁滑😱 本懶人平日好少認真保養自我放棄 今次完全覺得原來自己係有得救😂 真係太神奇 乳液有d立立地 但急救用我覺得幾好 我淨係夜晚先用 第二朝塊面都仲潤 補濕效力真係高 應該都會買支旁身

HE1DY好用推薦：蘭花香味撲鼻而來，水漾乳液令皮膚有光亮水盈感。皮膚能夠清爽咁吸收水份，皮膚用後更光滑白淨。淡紫色的圓樽配合蘭花圖案，亦都十分適合蘭花主題。

wingshan1124好用推薦：味道幾香，但總感覺皮膚唔會好吸收到咁，搽完後皮膚好似有層油咁。