INNISFREE 好用推薦產品

YYeman好用推薦：Innisfree綠茶睡眠面膜 一句講晒： 平價入門之選，補水力普通，唔好太大期望。 優點： · 價錢抵，用咗都唔肉赤。 · 綠茶味清香，質地算清爽。 · 適合油肌/混合肌做基礎保濕。 缺點： · 補水唔夠力，大乾皮覺得冇料到。 · 搽得多會黐頭髮、黐枕頭。 · 功效單一，冇咩特別。 點用最好？ 建議當快敷水洗面膜用，敷10-15分鐘就沖走，效果比敷過夜更好更舒服！

Verna好用推薦：我一向對這品牌的綠茶系列很有好感，感覺很保濕 我試過用某韓牌的睡眠面膜，那是寬口瓶包裝的，感覺有點不衛生，而且用的時候要用膠棒淘出來用，有點麻煩，但這睡眠面膜卻是吱出來用的，十分方便。一吱出來，它是白白地色，帶點透明的凝膠狀，一推開，就變成水狀，感覺水份都要直滲肌底 大約10至15分鐘左右，皮膚都差不多吸收了大部分面膜，只餘薄薄一層，但卻不會黏頭髮，或者弄污枕頭被鋪，非常好 到了第二天睡醒，洗完面後，皮膚都變得水水潤潤，很柔軟滑溜，而且膚色也明顯明亮了

zetalhc好用推薦：保濕效果好好，而且用法好簡單敷10分鐘之後洗乾淨就得，即時feel到皮膚有補水同埋有彈性咗

葉子🍃好用推薦：一打開綠茶香味飄出黎，好提神，包裝係膠囊設計，外出旅遊好方便，份量比想像中多，我用黎做晚安面膜，用後貼服易推，吸收得快，唔笠，第二日起身洗完面仲好滑，水份充足，下次想試下其他味

Emily Leung好用推薦：Innisfree支綠茶睡眠面膜，我都用咗一排，同你分享下感覺。 首先，佢嘅質地係淺綠色嘅啫喱狀，一推開就化水，唔會「拿」住塊面。味道係好清新嘅綠茶味，唔會好假好濃，聞落幾舒服。 補水力我覺得係合格有餘。尤其係捱夜或者冬天覺得塊面好乾，臨瞓前厚厚敷一層，第二朝起身塊面真係會軟熟啲，冇咁繃緊。對於懶人來講，佢真係好方便，洗完面搽咗就可以直接瞓，唔使再洗，保濕呢個基本任務佢做到。 不過，油性皮膚或者夏天就要小心啲。我有朋友係油肌，用咗話覺得有層嘢「冚」住，唔多透氣，甚至生咗兩粒油脂粒。所以如果你係油皮膚，最好唔好敷過夜，當普通水洗面膜敷15-20分鐘就沖走會穩陣啲。 總體來講，我覺得佢係一支合格嘅入門保濕睡眠面膜。價錢唔貴，保濕力夠，懶人恩物。但你都唔好期望有乜神奇功效，例如美白或者抗皺，佢主要就係幫你補水。乾肌同中性肌可以放心試，油肌或者痘痘肌就真係要諗清楚，或者試用裝先啦。

chasiutung好用推薦：我混油肌 吾係咁喜歡用睡眠面膜 吾鐘意嗰種 黐立立嘅感覺 依個係朋友俾我 我用黎當普通面膜敷 厚敷幾個鐘之後洗面 有保濕效果 皮膚嫩滑 水潤有光澤