BIODERMA 貝膚黛瑪 好用推薦產品

natanatalie好用推薦：夏天用 Bioderma B3 保濕修復彈潤精華，對油性肌嚟講真係有驚喜。質地係水感啫喱，一推開就好快吸收，唔會焗住皮膚，仲帶少少清涼感，好啱返工捱夜之後用。 用完之後，皮膚即刻有種「飲飽水」嘅感覺，飽滿但唔會泛油光，底妝仲貼服咗。最重要係夏天最怕精華用落去好似一層膜咁，但呢支完全冇，反而令皮膚穩定咗。 持續用幾日，感覺屏障有被修復，泛紅同乾燥位減少，皮膚有返彈潤感，好似自己有活力咁。對我嚟講，呢支精華係夏天油性肌嘅 必試，因為佢做到「保濕但唔焗」，用完仲有修復力。

lonia好用推薦：呢款BIODERMA B3保濕修復彈潤精華，係一支適合輕熟肌嘅長備精華。主要針對改善乾燥、暗啞、細紋嘅問題。 佢質地係透明微稠狀態，延展性高，只需幾滴就可以搽勻全臉，感覺輕盈，好快就被皮膚吸收，搽完唔會有焗促感，亦都冇同後續嘅護膚品/化妝品產生碎屑，上妝後感覺妝容更加貼服。 搽完已經即時有補水效果，好似有一層水膜覆蓋。喺乾燥嘅冬天用，補水力都好充足。我每日早晚都會使用，用咗一排，由於補水力充足，連帶膚色暗啞、乾紋嘅問題都有所改善，皮膚感覺透亮咗，個人望落精神咗。 另外佢有20倍維他命B3，有效修復肌膚屏障，改善皮膚嘅防禦力，減低出現敏感泛紅嘅機會。基本上係一支幾全效嘅精華，正價都係四百幾蚊，CP值幾高，值得推薦。