YSL BEAUTÉ 好用推薦產品

Hoikiki好用推薦：YSL水光唇膏 #7B，呢支我最近真係日日袋住，同你分享下最真實嘅用後感， 包裝顏值：銀粉嘅管身，加上中間粒YSL標誌性「Cassandre」logo，拎出嚟補妝虛榮感滿分！佢唔算好重手，但絕對有質感，擺喺手袋都係一件飾物。 質地＆膚感（水光感）： 呢支係水光唇膏，但一啲都唔似傳統唇膏咁厚重。一擦上嘴，好似融化嘅牛油咁滑，極之順手！佢入面有護唇精華，擦完個嘴好似飲飽水咁脹卜卜，但完全唔黏笠，就算大風吹都唔會黐住頭髮。最正係佢個「水光」效果，係入面透出嚟嗰種潤澤感，唔係油淋淋嗰種，非常高級。 顏色（#7B 迷霧玫瑰）： 呢隻色官方叫「迷霧玫瑰」，實際係帶一點點冷調嘅玫瑰豆沙粉，再加少少灰調，令到成個色好有高級感。佢唔會太少女粉紅，亦唔會太成熟姨姨色，係知性溫柔得嚟帶點型格。白皮搽會顯白到反光，黃皮搽都完全Carry到，仲會提亮成個膚色，非常日常，素顏或淡妝搽都零違和感。 顯色度＆遮蓋力： 呢個系列雖然係水光質地，但顯色度一啲都唔輸蝕！薄薄搽一層已經睇到原色，如果來回搽多兩層，顏色會更飽和，但又唔會顯老。最驚喜係佢嘅遮蓋唇紋能力，我本身唇紋算深，但搽完佢之後，唇紋好似被「填平」咗，嘴

🌸好用推薦： 今次試用嘅產品係YSL LOVESHINE LIP OIL STICK 全新情迷水光唇膏(左邊嗰枝）。睇一睇介紹，原來佢就係金色嘅ROUGE VOLUPTÉ SHINE LIPSTICK BALM 迷魅亮彩唇膏升級版！嚟張新舊對比圖先:新舊兩款唇膏都係3.2 g，重量同形狀都係一樣嘅。新版嘅唇膏換上銀色外殼同埋全新橫向YSL CASSANDRE標誌，比舊包裝更顯型格同時尚。 我用嘅呢隻色係202 Peachy Glow - taupe nude 蜜桃光澤的裸色唇膏呢個係我喺素顏狀態之下嘅試色。唇膏質地輕薄，顯色度唔算高，反而顯得柔和、自然，如果想要顯色嘅話要反覆咁樣搽。質地柔潤唔黏笠。202呢隻色相當於一般有色嘅潤唇膏，比較接近我本身嘅唇色，係一隻睇落溫柔嘅偽素顏色。因為我本身即使唔化妝都會搽唇膏，呢隻顏色就非常之合適，即使化淡妝或者素顏用都可以，對於追求自然妝容嘅朋友非常友好。 唇膏搽上去之後帶有水光感，觸感絲滑、柔軟。用咗之後有效感提升咗唇部嘅光澤感，同時滋潤雙唇。睇返資料，原來佢今次呢個新升級配方，加咗來自YSL Ourika社區花園嘅無花果精華萃取成分，同時做到補濕同鎖水特

wingbks好用推薦：要換啲滋潤啲嘅唇膏嚟迎接秋冬，轉季咀仔比較乾，YSL一定係其中一個品牌我放手袋👜嘅唇膏，咁多年嚟出嘅「夾心唇膏」，外層係護唇精華，中間圖案係晶透亮色粒子，隨嘴唇溫度轉換釋放護唇精華，越搽越水潤，高滋潤度又唔會顯唇紋！

🌸好用推薦： 今次試用嘅產品係YSL LOVESHINE CANDY GLAZE情迷凝亮唇蜜（右邊），係固體狀嘅lipgloss，對於嘴唇長期乾燥嘅我嚟講絕對係福音！ 呢個係我喺素顏狀態之下嘅試色: 使用前：使用後： 我呢隻色係15 SHOWCASING NUDE奶茶裸色，係一隻比較百搭嘅顏色，冇拎着深、淺色衫，返工定係去街，乜嘢場合都啱用。 唇蜜啫喱狀嘅質地，但口陣陣清香。搽上去之後有豐富嘅水光感，觸感絲滑、水凝。用咗之後有唇部睇落豐盈、有彈性。顯色度高，可以完全遮蓋原有唇色，對唇色較深嘅用家相當友好。由於佢滋潤度非常高，感覺上秋冬天都會好舒服。而且卸妝好方便，一抹就甩，食嘢之前唔使擔心會唔小心食咗唇膏。 睇返資料，原來呢隻唇蜜含有78%唇部修護基底配方，仲有透明質酸和石榴萃取，所以做到長效水潤感，強化唇部肌膚鎖水屏障。唇膏既有修護唇膏嘅效果，又能夠提高唇部嘅血色感同豐盈感，包裝又相當美觀，完全係內外兼備嘅代表作。 #火熱新品

Chloeincosme好用推薦：🤍 光澤感：5/5！YSL呢支THE INKS VINYL CREAM唇彩真係一試愛上～搽上嘴即刻有種高級玻璃唇效果，水潤透亮得嚟又唔會癡立立，望落唇部飽滿又年輕，仲有種「唇況極好」的感覺✨ 🤍 顯色度：4.5/5！雖然係光澤型唇彩，但顯色度依然出色～薄薄一層已經好出色，厚塗更加有種濃郁果汁感，而且顏色均匀，唔會積線或者斑駁～ 🤍 持久度：4/5！作為一款光澤唇彩，佢嘅持久度算係交足功課！飲水食輕食都唔會完全掉晒色，依然留有淡淡底色，亦唔會變得斑駁難看～ 🤍 質地同舒適度：4.5/5！質地絲滑水潤，容易推勻，唔會好似傳統唇彩咁黏頭髮～帶妝幾個鐘都唔會覺得乾燥或者緊繃，保濕度做得幾好～ 總結： 如果你同我一樣，一直覺得YSL啞光唇膏太乾，但又鍾意佢哋嘅顯色度（同包裝😂），咁呢支INK VINYL CREAM絕對係完美平衡！佢結合咗光澤感、高顯色同舒適質地，輕鬆打造出時下最流行嘅玻璃唇效果～雖然價錢偏高，但效果絕對對得住個價，係近期必入心頭好！特別推薦比喜歡水潤妝效同追求光澤唇妝效果嘅你！

Water好用推薦：來自專櫃嘅贈品，YSL新出嘅漆亮唇釉，以往唇釉都比較matte，今次呢款比較有光澤，回應近年回歸嘅光澤嘟嘟唇妝感上咀試咗N440號色，可能我搽得少，冇廣告咁誇張嘅漆面亮澤感，但都見到有光澤同唔顯唇紋唇釉帶有甜甜嘅香味，個人好喜歡 #火熱新品

maylam好用推薦：紐約機場買嘅YSL唇油 我印象中近年都係由YSL開始又興返唇油 我買嘅色號望落好紫色 但搽上咀係好通透好似提子糖嘅色 涼涼辣辣地略有豐唇感 好有光澤感好靚！