DECORTÉ 好用推薦產品
DECORTÉ 底妝功效 推薦產品一覽 37 件
Chloeincosme好用推薦：Decorte既碎粉（/蜜粉）係我一直嘅回購品，亦都係我用過最好嘅碎粉（沒有之一）。 雖然價錢望落小貴，但係其實好大容量，除返比開架品牌更平😂 呢盒係好耐之前囤既貨（因為之前嗰盒用咗好耐，終於用晒😆🤣😓）。 1. 粉撲： 暫時未見到比佢更有誠意既粉撲🤣夠軟夠厚長毛，抓粉力恰到好處，唔會太多但唔會上左空氣。  2. 色號：11 號。 妝感：日系自然，好輕微既粉色再加少少閃粉，上面效果精緻，略帶珠光，喺陽光下有一種好自然嘅透膚感。 Zoom近影見唔見到有極細極細既珠光閃粉，唔會令塊面登台咁，但又有光澤。 控油：混乾肌表示返工/ 行街完全夠做，如果全日戶外活動就要噴定妝噴霧。 保濕：偏高（控油比大白餅冇咁好！但比大白位保濕） 簡單黎講，平靚正🤣 
<看全文>Nicole好用推薦：絲柔透光蜜粉 色號101 & 00 101係熱賣王，主打四色粉末，用後膚色通透。 00就係膚色透明款，微珠光，但上面唔會閃令令。DECORTÉ蜜粉粉質好幼細，喺@cosme試用上手背感覺非常絲滑，即時買咗兩盒。 添加透明質酸，適合乾肌使用，效果自然。 屬敏感油肌嘅我，就相對唔夠控油（粉底後上一層仲會有微黏感覺），同埋柔焦毛孔程度都稍為不足。會留待秋冬再用或者乖乖用返粉餅😆😆 整體而言，包裝靚，粉質幼細絲滑，效果自然，但未必太適合油肌/瑕疵肌。
<看全文>
FishFish好用推薦：DECORTÉ 水潤提亮CC護膚防曬霜（#02）用後感 講真，我本身對CC霜呢類產品有啲戒心，因為試過好多隻都係「一係太厚、一係太乾、一係就唔夠防曬」。但DECORTÉ呢支水潤提亮CC護膚防曬霜（#02）又真係有驚喜，用咗兩個禮拜，忍唔住要寫篇文講下。 質地同上面感覺 擠出嚟係淺膚色嘅乳液狀，唔算好稠，推開好順滑，有少少似搽緊貴價防曬多過化妝品。上面之後唔會即刻變「面具臉」，反而係慢慢同皮膚融合，感覺好輕薄。我係混合偏乾肌，兩頰有時會乾到起皮，但呢支唔會卡軟粉，亦都冇乜油膩感。最欣賞係佢真係做到「水潤」兩個字——唔係嗰種假潤，而係皮膚摸落去軟哋、有光澤嗰種。 提亮效果 #02係自然偏白嘅色號，我本身膚色中等偏白，用咗之後係「均勻咗」多過「白咗」。佢唔會死白，係帶少少光澤感嘅提亮，好似瞓足八個鐘嗰種精神樣。如果本身冇乜大瑕疵，單搽呢支再加個碎粉就可以出街。但如果想遮黑眼圈或者痘印，就要另外用遮瑕，始終佢遮瑕度唔算高。 防曬方面 SPF50+ PA++++，日常返工、行街絕對夠用。我試過喺戶外行咗兩個鐘，冇補搽，塊面都冇曬黑或者泛紅。不過如果去海邊或者長時間暴曬，我建議都係乖乖
<看全文>EC好用推薦：今次入手嘅係紫色 tone up防曬, 由於見到@cosme store九月份做緊呢個牌子嘅promotion, 贈品相當吸引，所以忍唔住買咗嚟試，一用竟然愛上咗！由月頭到而家月尾，我已經用到個瓶身扁咗，差唔多日日都會用到。 首先講價錢，二百幾蚊以專櫃品牌嚟講絕對唔係貴，所以日日搽都唔算太心痛。另外個包裝可愛又靚。香味方面有淡淡嘅花香味，唔太濃，個人幾喜歡。 個防曬唧出嚟係淡淡薰衣草紫色加肉色，唔係市面上嗰種超級紫好恐怖嘅顏色，感覺上佢嘅調色係令到你嘅皮膚唔會死白，但又透到個光澤。實際查上面覺得佢個延展感好強，唔係太水，但搽到上面又夠保濕，有少少似搽護膚品嘅感覺，幾適合輕熟肌。包裝寫佢有SP F50+ PA++++，普通出街用佢感覺防曬度都足夠。 見到實測圖，用之前面上瑕疵比較多，亦都有啲淡淡嘅斑點，用咗之後佢雖然唔會有明顯遮瑕效果，但透過光線折射啲斑點係遮到小小嘅，整體塊面望落都比較透亮。之後再搽底妝或者冚碎粉個 finishing已經好靚。 最後幅圖係出完街流晒汗，又搵紙巾抹過面之後嘅效果，感覺上呢個防曬base令到個妝都算stay，淡妝嚟講算係keep得唔錯。
<看全文>
Monkeyk好用推薦：我本身個人比較麻煩，同埋好鐘意試新嘢，真係會回購甚至空瓶嘅嘢數埋10樣都冇，但係呢支lavender rose# 10, 真係我回購咗而家用緊第四支，一去日本就會買，因為平啲，我本身皮膚混合性偏非常之乾，同埋長期瞓得唔好膚色好蠟黃，搽完佢之後成個氣息真係好好多，但又唔會白得好唔自然，如果懶唔化妝就咁搽佢已經可以提升氣息，如果要化妝搽完佢先化粉底都用少好多，不過有時去到冬天極乾嘅天氣搽佢係有少少偏乾，見到自己面頰會係有少少發霉嘅跡象，但唔多呢個情況(留意返我年紀都唔細,應該好小人好似我乾到咁)有一次買錯咗另外一隻色#01係粉底嘅顏色，都好用，我諗比較適合皮膚唔太黃嘅人，我都繼續試緊其他嘅替代品，想再平啲，但暫時仲未搵到🤭
<看全文>Chloeincosme好用推薦：Decorte的碎粉係我最愛，所以收到呢支cc cream做禮物都幾開心😍 佢嘅提亮同均勻膚色效果都唔錯，雖然遮瑕度屬中等，黑眼圈/ 痘印要額外遮瑕，但日常返工完全夠用～ 🤍 均勻提亮：4.8/5 淺粉色調細緻自然，上臉後膚色即時透亮均勻，偽素顏感一流！ 🤍 遮瑕度：3.5/5 均勻膚色效果好，但明顯瑕疵要疊加遮瑕產品先夠～ 🤍 持久度：4/5 帶妝10 小時鼻翼明顯溶妝，一定要碎粉定妝！整體妝感依然保持得唔錯～ 總結： 呢支cc cream適合追求自然提亮同快速出門嘅人～😂雖然價錢偏高同遮瑕力一般，但作為偽素顏神器值得投資！推薦俾所有想打造透亮底妝嘅你！
<看全文>
Poyobb好用推薦：去日本就一定要行藥妝店，睇吓有啲乜嘢新嘅化妝品，Decorte eye shadow喺眼影類別中嚟講好吸引，粒粒都好似寶石咁靚😍月球形狀既眼影膏🌕玫瑰金色嘅包裝睇落去係好高質😍 摸上去濕潤軟糯，顯色度高，薄薄地一層直接用手指上就得，不用技巧👍🏻一層層疊上去越嚟越顯色。佢嘅閃粉出嚟係超閃，同埋都幾持久，唔會甩到成塊面都係閃粉，出一日街都keep到。 我用既係BR301，呢隻係棕色帶少少紅調，可以加深輪廓，如果買一隻淡色小小嘅可以作為eye base好方便，有三十幾種色，容量大可以用到好耐。
<看全文>rachelnoni好用推薦：質地似mousse軟綿綿，方便易用，輕輕用手指一按，然後直接塗在眼皮。好顯色，而且好貼服不會甩。趕時間時最方便。
<看全文>
Karman28好用推薦：我本身皮膚係混合偏油，但最近突然敏感，結果有部份位置又偏油有部份又偏乾，所以本身既控油foundation唔岩用，而Decorte 呢隻foundation又幾岩我依家呢個皮膚狀態使用。 呢隻粉底可以用手指推開，亦可以用手上面後用濕粉撲印開。我覺得淨用手指上會厚d遮暇高d,濕粉撲始終會吸走部份粉，遮暇會低d，但好透薄。 呢種粉底整體遮暇我覺得係中等，但比起一般既日系應該算係高，佢遮暇得黎又不失日系果種清透既感覺，整體黎講好薄，好貼膚。 上妝過左十二個鐘番屋企，我唔覺得佢有特別暗沉，最多都只係暗半度，比起之前用過既控油粉底係幾出色。 控油能力我覺得佢係中等，唔算高，如果出油真係好勁既人可能用呢種粉底都要d勁d 既定妝輔助。 我T字位油肌分泌係較多，一般天熱+日常番工係office，佢都無特別脫妝，放工時既狀態都ok。但如果天氣熱，又多戶外既活動，始終我出油多，佢都係會甩，但我surprise既係佢唔會甩到一撻撻，只係出油既位好似未上妝前有d膚色不均的。 呢個係出左街大半日既before & after 對比，係完全無補過妝既情況下，唔係甩得好勁。 #火熱新品
<看全文>Poyobb好用推薦：Decorte zen stay 粉底液都係有分cool、natural 、warm，我色號係N16。平時一直都係用開Natural tone ，啱啱先出嚟嘅時候睇落去有少少偏紅，有啲擔心會暗沉，不過搽咗上面之後就冇問題，而且同我嘅膚色自然融合，呈現出微奶油光澤感。佢遮瑕能力也令人滿意，感覺上似CPB的柔霧粉底液，非常之貼服。 上年出既zen wear同呢款新版嘅zen stay 質地都差唔多。新版主打根據溫度同濕度自動調節妝效既智慧功能，有機會更加控油。暫時而家嘅天氣都冇乜太大甩妝。遲啲再熱啲就要再試吓。 素顏⬇️ 粉底液後⬇️ #火熱新品
<看全文>
Fng好用推薦：DECORTÉ 恆潤緞采唇膏（Rouge Decorté Cream Glow），色號 12G Birds Chirping 是一款可愛輕快的珊瑚粉色唇膏。 ✨ 產品特點 · 滋潤保濕：蘊含「查爾斯米爾斯玫瑰提取物」及「HYDRO STAY CAPSULE EX」保濕成分，長效滋潤達12小時。 · 豐盈光澤：配合「豐盈雕塑成分」貼合唇部，撫平唇紋，打造豐盈立體的光澤感。 · 自然血色：運用獨特色彩理論，與肌膚自然融合，打造「原生血色感」。 💄 色號 12G「Birds Chirping」 · 顏色：珊瑚粉色（Coral Pink），帶有輕盈可愛的明亮感。 · 適合膚色：特別適合warm tone膚色的人使用。 📝 總結 恆潤緞采唇膏12G 是一款主打高保濕、豐盈光澤的珊瑚粉色唇膏，適合喜愛自然明亮妝感，特別是春季型膚色的用家。 #黛珂 #DECORTÉ #恆潤緞采唇膏 #RougeDecorté #黑管唇膏 #12G #BirdsChirping #珊瑚粉 #CoralPink #2025春季新色 #保濕唇膏 #豐盈光澤 #滋潤唇膏 #唇膏控 #日本美妝 #日系品牌
<看全文>Kmggigi好用推薦：多謝 @cosme 贈送rouge decorté cream glow👏🏻 呢支係一款質地滋潤、成份優秀嘅唇膏， 帶來極致光澤嘅雙唇效果！✨ 呢款唇膏嘅成份非常高質，專為滋潤雙唇設計， 質地柔滑滋潤，搽上去好似幫嘴唇搽咗潤唇膏咁， 唇紋即刻被淡化，嘴唇感覺柔軟又保濕， 特別適合乾燥天氣使用。 唇膏搽上去可以減淡八成唇紋， 有多款顏色選擇，非常適合日常使用 而且滋潤嘅質地令嘴唇帶有極具光澤感嘅效果， 營造出健康又有氣色嘅妝感🤩 用後雙唇長時間保持滋潤狀態， 唔會出現乾燥或者起皮嘅情況， 無論係日常妝容定特別場合，都能輕鬆駕馭🥳 05G blush beige
<看全文>
Fng好用推薦：DECORTÉ 超進化水感鎖妝噴霧 用後感 ——混合偏乾肌嘅「保濕＋定妝」雙效神器，香港潮濕天氣實測 💖 我係熟齡混合偏乾肌，喺又濕又熱嘅香港想搵一支「保濕得嚟又定到妝」嘅噴霧，真係有難度。黛珂呢支粉紅色蛋型設計嘅噴霧（60ml ）喺2026年迎來全新升級，被稱為「史上最美定妝噴霧」～ 🥚 包裝與設計：史上最美定妝噴霧 · 粉紅色蛋型設計，小巧精緻，放喺手袋超方便 · 60ml容量，啱晒隨時帶出街補妝 · 磨砂玻璃瓶身，手感好，拎出嚟補妝都開心 💨 噴霧質地：極細密水霧，唔會「滋水槍」 · 噴頭設計出色，噴出嚟係極細密水霧 · 用前要搖勻（雙層液體設計），距離面部約15cm噴灑，建議按壓約10次 · 有清新柑橘花香/綠色花香味 💧 保濕力：混合偏乾肌大愛，冷氣房都頂得住 · 含透明質酸、植物鞘氨醇等多種保濕成分，噴完水潤唔乾，噴完臉頰摸起來是柔韌的，不是假滑 · 保濕感持久，噴完可以keep到水潤感 ✨ 持妝定妝力：防水抗汗，改善卡粉泛油 · 搭載晶透薄紗定妝科技，能加強底妝嘅持妝度 · 含有定妝成分，有效改善脫妝、卡粉以及泛油問題 · T區冇斑駁或暗沉 ·
<看全文>EC好用推薦：#火熱新品 呢款 DECORTÉ 超進化水感鎖妝噴霧一出，香港好多地方都斷貨，好彩我 7 月去日本時買到一支，返香港一用真係完全愛上，依家每次化妝都必定會用佢！ 首先講講外型，佢比較大嚿，所以唔太方便帶出街，但好欣賞佢個粉嫩顏色，擺喺屋企梳妝台上面睇落好靚、好有質感。香味方面係淡淡雅致嘅花香，聞落好舒服，有種高級感。質地係水油分開嘅設計，用之前要搖勻，噴出嚟嘅水珠極之幼細，個噴頭非常之友善，可以好平均咁分佈喺全面唔同位置，而且噴嘴唔會乾咗或者黐立立。 經過呢兩個月嘅實測，我發現無論係妝前、妝中定妝後用都完全冇問題： 妝前噴：幫皮膚打底保濕，好似飲飽水咁。 妝中間噴：令每一層化妝品更加貼服。 妝後噴：令整體妝容更為一致、完美 blend 埋一齊，仲會喺皮膚表面留下薄薄嘅光澤感，令個妝望落去更高級。 總括嚟講，呢個產品令我覺得非常滿意，用起嚟好安心，完全唔挑皮膚狀況，喺化妝嘅任何時候用都係得心應手嘅好幫手。我唯一後悔嘅，就係當時去日本居然只買咗一支咁少！
<看全文>
Kitty 好用推薦：個質地真係好鬼特別——又軟又綿，濕濕地但又彈彈吓，好似啲Jelly溝Cream嘅混合體！手指頭輕輕掂一掂，已經黐到啱啱好嘅份量，搽上眼嗰陣，好似暖咗嘅奶油布甸咁滑，手指一推就化開晒，延展性勁到呢～完全唔會拉眼皮，仲要一撻上去就變咗粉霧感，但又唔會乾爭爭，反而有種由底透出嚟嘅微光澤，好高級！ 用法簡單到笑——直接用手指點上眼皮，由眼窩向眼尾暈開，幾下就搞掂！想再靚啲就用扁掃暈一暈邊緣。我呢塊係蜜桃橘色，帶珠光細閃，温柔得嚟又唔挑人，黃皮都用得開心。搽一層已經好自然，返工返學快靚正；如果想濃啲，疊多一兩層就搞掂，疊完都唔會顯髒，啲色仲係好乾淨！我試過朝早搽，到夜晚都仲係度，完全冇摺痕，冇積線，就算香港呢排又濕又熱，出油出汗都冇話溶到一撻撻。有人話捽都捽唔甩，我試過真係堅！抗摩擦能力超強。 呢塊真係新手老手都啱用！我已經諗緊下次買邊個色號喇～🛍️
<看全文>Fng好用推薦：身為混合偏乾肌嘅人，夏天化妝最怕眼影積線、溶妝或者顯乾紋。最近試咗Decorté嘅慕絲眼影（色號#25M），呢隻帶微微珠光嘅玫瑰棕調，號稱質地輕盈、貼服度高， 所以買嚟試下！ 質地 & 上眼感受 慕絲質地：一摸係軟滑嘅cream狀，但推開後會變粉狀，好得意！手指或掃都上到，不過建議用手指按壓更貼服。 - 延展性：幾順滑，但乾得算快，要快手暈染。 - 滋潤度：對我嘅偏乾眼皮嚟講，冇卡紋，亦唔會令眼周繃緊，但建議打底前做好保濕（尤其冷氣房長待）。 持久度 x 香港夏天 抗汗度：朝早化完出街，中午行到出油出汗，眼影冇明顯溶，但珠光位會減淡少少。 積線問題：冇用primer嘅情況下，6小時後眼摺位有輕微積線，但唔明顯，用primer應該更好。 色調 & 妝效 #25M 色號：低調嘅玫瑰棕，帶細緻金閃，日光下好氣質，Office lady或日常都啱用。 顯色度：屬自然系，一層偏透薄，疊兩層先顯色，適合鍾意偽素顏或淡妝嘅人。 ✅ 優點 - 質地輕薄，混合肌夏天用無負擔 - 珠光細膩，顯高級感 - 方便攜帶，手指上妝快靚正 ❌ 缺點 - 大油
<看全文>
Nicole好用推薦：DECORTÉ 光透融膚遮瑕盤 02色號 質地：非常滋潤，輕輕打圈兩下已經激活，絲滑同薄身。 效果：真係做到融膚效果！輕輕掃上黑眼圈已經遮咗八成，多次疊加都唔會顯乾紋！易用！ 功效：4格各有用處（冇廢色）。基本上唔同色號嘅遮瑕盤左上嗰格都係帶閃的，主打做高光，例如眼頭/鼻頭等。右上三文魚色就遮黑眼圈，左下用嚟遮淚溝提亮，而右下就遮荳荳印或者少瑕疵。 +加分位+ 隨盒跟兩枝掃，一枝細掃另一頭係海綿（方便！），另一枝就大掃。基本上可以分開唔同用途用唔驚啲顏色mix埋一齊，重點係啲掃毛好柔軟～疊加多次都唔見有掃痕。用後用紙巾抹一抹就ok。 因為全色號有五款，建議買之前記得㨂啱自己膚色，咁就事半功倍啦😉 其中一款主力調色（綠/紫/粉紅/白），當中白色遮毛孔試上手感覺唔錯，考慮緊會唔會買埋😅 #火熱新品 #DECORTÉ
<看全文>Shan好用推薦：非常順滑易推，而且好滋潤！ 我買00號色，用橙色同提亮色可零技巧遮好眼圈淚溝。深色果格遮暗瘡印同斑都好啱用，用絨毛樸印少少碎粉可以keep到成日唔甩遮瑕！對於熟齡肌非常友好！ 唯一高光果格比較少用，不過有時懶都會印啲上顴骨同眉骨盒，但效果就一般。 不過都會為另外果三格繼續回購！
<看全文>