SK-II 好用推薦產品

Kathy Wai好用推薦：SK-II神仙水用後感 🧐 基本資料 · 正式名：SK-II 護膚精華 (Facial Treatment Essence) · 暱稱：神仙水 · 核心成分：PITERA™ (超過90%) · 適合膚質：最出名係 油皮/混油皮親媽，乾/敏皮要試清楚先 👃 質地、味道、點樣用 · 質地：好清爽，真係好似清水噉。流動性極高，拍上面幾秒就吸收晒，完全唔黏立 。 · 味道：傳說中嘅「口水味」。因為PITERA™係酵母發酵，所以有陣類似過期口水嘅微酸味。有人覺得好難頂，但多數用家為咗效果都會忍 。 · 用法：「一泵、二按、三拍」。倒3-5滴喺掌心，輕輕拍上面至吸收。想慳啲或者去閉口，可以用化妝棉濕敷 。 ✨ 真實用後感 (連續用1-2個月) 1. 水油平衡：最明顯就係塊面冇咁油。以前下晝T字位會反光，用咗之後朝早起身都清爽，膚質穩定咗 。 2. 透亮細緻：毛孔有收細，皮膚變滑。去暗黃效果唔錯，用完素顏都會有種「通透」嘅光澤感，粉底都貼啲 。 3. 去閉口：額頭或者下巴有細粒閉口，濕敷幾日真係會平，呢個係最多人推嘅一點 。 4. 緊緻抗老：長遠可以維持皮膚彈性，但呢樣要時間先睇到

Myonlyone好用推薦：SK-II真實空瓶記 Hello姐妹們！純素人分享，放心睇！💙 先講下我嘅情況：混合偏油肌，T區勁出油，下巴易生閉口，間中爆粒暗瘡。人工普通，買呢支神仙水真係儲咗一排先夠膽入手。而家用晒，同大家傾下真實用後感～ 關於味道：傳說中嘅「口水味」真係有😂 但用幾日就慣咗，而家甚至覺得幾安心哈哈哈！ 關於質地：就係水狀，超級清爽！拍上塊面吸收勁快，完全唔黏。油肌混合肌夏天用真係爽，乾肌姐妹冬天可能要疊多層保濕。 用落最明顯嘅改變： 1️⃣ 塊面滑咗！ 呢個係我最驚喜嘅。用咗大概一個月左右，發現下巴嘅閉口少咗，塊面摸落比以前滑溜。化妝嗰陣都感覺到，粉底貼服咗。 2️⃣ 出油少咗：以前下晝T區勁反光，而家改善咗好多。覺得皮膚水油平衡咗，個妝可以維持耐啲。 3️⃣ 透亮感：唔係話變白，而係塊面冇咁易暗啞。捱夜第二日，面色都唔會太差，呢點我好滿意。 缺點： · 佢唔可以祛痘！應酬爆瘡嗰陣都係會爆，但皮膚狀態確實穩定咗 · 毛孔冇消失😂 唔好指望佢可以收毛孔 · 價錢真係貴！要量力而為 總結：對我嚟講，神仙水唔係「神藥」，似係「長期調理型選手」。佢令我皮膚更穩定、更滑溜、冇咁油。如果你係

Kitty 好用推薦：講真，一開始仲心大心細，咁貴一塊面膜係咪真係值？佢塊膜布係幾厚身，同平時用開嘅唔同，但敷上臉又幾貼服，精華多到可以搽埋頸。 敷大概15分鐘，拎落嚟嗰刻已經覺得塊面光澤咗，摸落去滑捋捋，好似飲飽水咁。最明顯係第二朝起身，成個膚色冇咁黃同暗沉，毛孔都好似細緻咗，上妝真係貼服好多，冇咁易卡粉。如果第二日有重要約會或者場合，摞嚟急救真係一流。 當然啦，價錢確實有啲辣手，當係獎勵自己，或者皮膚狀態唔好嗰陣用來急救，效果都算對得住個價錢。

Kriskirs09好用推薦：SKII 前男友面膜 點解佢叫前男友面膜？ 因為佢聲稱敷完之後係會令到前男朋友後悔，所以大時大節或者有重要嘅場合都可以用佢哋急救皮膚，令到你嘅皮膚去到最佳嘅狀態。  上網有教使用方法 第1步：面膜紙比較厚，所以建議瞓喺度敷，先敷15分鐘左右，唔好撕走面膜。 第2步：將面膜剩低嘅精華倒出嚟搽喺面上面再敷15分鐘左右。 第3步：呢步好重要將面膜除出嚟，然後將精華倒喺手上面開始幫自己面部按摩，大概5至10分鐘左右就會起擦子膠碎。 第4步：按摩完之後一定一定要用清水洗面，會發現皮膚即刻光滑咗好多。 ✨個人使用感覺： 我係根據以上嘅方法，用咗一次即刻發現毛孔好細同埋皮膚好光滑，但係第二日我係起咗幾粒小暗瘡，我個美容師話我唔係好啱酵素嘅產品，但係實際原因我都唔知道點解。 但係我男朋友同我同時間用，佢嘅使用效果就好好，第二日皮膚一樣咁光滑，所以真係應該係睇人🫠最後尾我成盒送咗俾佢用🫠🫠🫠

Camilalkw好用推薦：用神仙水已經好多枝 清瑩露呢一年先開始用 覺得太遲先買 佢配搭神仙水一齊用效果即刻好明顯 感覺皮膚好咗皮膚有彈性 保濕力夠 所以keep住早晚一定用 有時用棉抹完會見到棉上面的黃色 十分有效嘅二次清潔和去角質 超級推介同神仙水一齊用

wintonggg好用推薦：質地都係watery嘅，唔會笠，好清爽，保濕度適中，不過搭配神仙水一起用就覺得保濕度好足夠😆同埋我自己嘅皮膚係混合肌偏乾性，但局部都不時有D痘痘，例如額頭，用左都唔會敏感，面部就不時會泛紅，堅持用一排都真係feel到冇咁紅同埋皮膚冇咁暗沉，整體來講幾滿意！

Emma好用推薦：產品特色：採用溫和的氨基酸配方（Amino Acid-based），並蘊含核心成分 Pitera™ 及白柳樹皮提取物。 質地/氣味： 乳霜狀潔面乳，但只要擠出大約一粒黃豆大小，加水就能搓出非常豐盈、像雲朵般綿密的泡沫。洗臉時觸感極度舒服，清潔力溫和。有玫瑰花香味，個人覺得為令人舒服平靜的花香味。 用後感：洗完臉後皮膚摸起來非常水潤、軟滑，完全沒有一般皂基洗面乳那種「繃緊、乾澀、甚至會澀手」的感覺。對於乾肌人十分適合，但有時候夏天出汗出油嚴重，就清潔力不足，需要用double份量洗面奶（兩粒黃豆size)

Camilalkw好用推薦：溫和 保濕力不錯 好好沖洗 唔會有殘留感 但唯一缺點係無乜泡泡 另外佢都有添加經典既Sk2 PITERA™成分 可以調理肌膚平衡

Kitty 好用推薦：質地係半透明乳液狀，推開好水潤，唔會好黐立立。我通常用滴管吸一泵就夠搽全面同頸，輕輕按摩十幾秒就已經完全吸收，之後上面霜，秋冬保濕度啱啱好。 用後膚感： 最大感覺係皮膚彈性同飽滿度有改善，尤其朝早起身，面頰位睇落冇咁癟，有種嘭返起嘅感覺。另外保濕力都幾好，我係混合肌，T位出油少咗，兩頰又唔會乾，幾平衡。 緊緻效果： 我本身有少少Baby fat同下巴位鬆鬆哋，用咗一段時間，覺得輪廓有輕微收緊，唔算好誇張，但線條睇落精神啲，冇咁浮腫。 適合咩人： - 想改善皮膚彈性同飽滿感 - 需要輕度緊緻、去浮腫 - 混合至乾性肌膚（油肌可能夏天要減量） - 預算充足、想投資護膚品嘅人 整體評價： 因為係日系高端品牌，價錢的確偏高，但如果你係想針對皮膚彈性、輕度鬆弛同保濕，呢支精華幾有效。配搭神仙水一齊用，皮膚整體光澤同穩定度都好咗。不過如果主要想抗皺或者去紋，可能要再配搭其他產品。建議夜晚用，等皮膚修復；同埋一定要配合按摩，由下至上、由內至外推，效果會更明顯！

Fng好用推薦：SK-II SKINPOWER 能量精華✨奶白色輕盈乳霜質地，推開瞬間化水，吸收超快！唔黏唔笠，夏天用零負擔。混合肌T位唔會油膩，兩頰又有足夠保濕感，後續上妝仲更加貼服～ ✨效果與驚喜： 網上一致好評💡熬夜救星！用咗兩星期，膚質明顯更飽滿有光澤，嘴角同眼底乾紋有淡化。最驚喜係佢嘅穩膚力📢就算熱到出汗出油，皮膚都冇咁易泛紅或敏感，毛孔都睇落細緻咗！熟齡肌用後有種澎潤感，睇落減齡～ ✨適合邊類人： 混合偏乾➕️熟齡肌夏天抗老首選！怕厚重又想修護嘅人絕對要試。極乾肌可能冬天要疊加面霜。 缺點：貴🤑🤑🤑，唔算"強效"去紋，要配合其他重點抗老產品。 總結：除了價錢之外零缺點！ 清爽修護二合一！

unclecar好用推薦：SK-II 嘅男士👨🏻神仙水係一直間歇性回購嘅產品。用咗出油都會比較少，望落氣息好咗仲感覺細緻啲。男裝同女裝唔同嘅係只係加入咗薄荷成份，令到用嘅時候有少少清涼感，好岩夏天用，身邊更加有唔少女士👩🏻 朋友夏天都會用佢。到秋冬可以用返普通版，會比較保濕滋潤。如果唔鍾意神仙水本身獨有嘅味道，男士版可能比較容易接受。 我係混合偏乾敏感性皮膚，係狀況比較差嘅時候，用返一個星期左右加上濕敷就會開始見到變化，皮膚變穩定返亦都無敏感。但因為Pitera 係天然成份加上評價兩極，建議首次用先買試用裝睇吓同自己皮膚夾唔夾。 比較可惜係香港SK-II 男士系列只有洗面同神仙水，無任何套裝或折扣。

choichoi好用推薦：用的時候肌膚狀態真的好好，連痘痘也長得比較少，看上去也比較有光澤，只是停用以後狀況會稍有回彈，以上來自一位用了整年此產品的男友人分享

Jasmine L好用推薦：之前用過一次試用之後就愛不釋手！ 小燈泡完全可以為肌膚提供到穩定膚況嘅效果，而且質地輕盈，容易吸收，完全唔會喺面上殘留。 使用一段時間後，見到肌膚透白冇咁殘，而且淡淡嘅香味怡人，成為我經常回購嘅產品之一。

CestFou好用推薦：呢隻精華液真係值得推介，用後皮膚明顯變得更加透亮同均勻。佢嘅質地清爽，好快吸收入皮膚，完全唔會留下黏膩感。長期使用下來，淡斑效果相當明顯，連細紋都有改善。雖然價錢唔平，但係效果確實，對於追求高端護膚品嘅朋友黎講，絕對係一個好選擇。