Clé de Peau Beauté 好用推薦產品

Yty好用推薦：Cle de peau防曬喺日本高島屋專門店買，已經買過超過10支，質地粉紅色滋潤乳液狀，非常容易推開，全日保持到保濕水潤，化妝之前用唔會有擦膠碎，而且令到粉底液更加貼服，喺日本買平好多架，所以次次都會起碼買四至五支 不過而家香港夏天嘅天氣都建議加返碎粉，咁半日之後微微出油就會有好自然嘅水光肌出現啊，呢一支基本上長期屋企都會備用，配搭好多類型嘅粉底液都冇問題，而且每次出完小小油啲皮膚更加靚 小提議如果係油性皮膚或者非常在意啞光妝容嘅女仔就唔適合啦，除非配搭一個好控油嘅碎粉，咁一樣效果可以好靚架

TsuenMa好用推薦：Cle de Peau #高效防曬 #修護細胞 產品介紹： 採用深層細胞抵禦科技，此技術可以駕禦及過濾破壞性光線 –藍光及紅外線，並選擇性地讓陽光中對肌膚有益處的紅光傳遞到肌膚。長期使用下，可以令改善細紋💖 產品質地： 偏潤、易推，淡黃色，配有蘭花同玫瑰嘅淡淡花香。 用後感： 上面後會有輕微黏膩感，但好快會溶入左皮膚，無太大厚重感，不過後續吾上任何粉類產品，可能會摸到有啲笠笠地嘅感覺。 我好看重防曬夠吾夠輕薄、防曬系數夠吾夠高，會吾會可以multi function，一枝就可以handle 2-3個steps，雖然佢呢枝無提亮、均勻膚色，不過佢有護膚成分，一枝防曬就可以做埋妝前乳霜，從而減少厚重感，又可以搽少啲，比皮膚易吸收啲，上妝速度會快啲😉 呢點有加分。 如果講到佢標榜有嘅改善細紋效果，我就有些微保留，因為始終有用其他護膚產品，吾可以斷定係米佢嘅功勞🙈

Fng好用推薦：我係熟齡混合偏乾肌，香港又濕又焗又成日開冷氣，搽防曬最怕笠黐黐同假白。入手呢支 CPB 御齡養膚型防曬乳霜（SPF50+ PA++++，50ml / 約HK$539-800），膚感冇得輸😊！ 🧴 質地：絲滑乳霜，唔立唔假白 擠出嚟係淡白色乳霜，質地幼滑好似精華一樣，輕輕一推就化開，吸收速度超快，完全冇油膩感。我試過搽完直接上粉底，冇卡粉亦冇擦膠碎，順滑到不得了！零泛白，敏感肌嘅朋友都唔使擔心，配方無添加酒精同香料，用起身好溫和。 ✨ 養膚 vs 修護：名副其實嘅「抗老防曬」 一支防曬竟然含有超過50%嘅護膚成分！用完最驚喜嘅係，膚質肉眼可見變滑溜同細緻。呢支嘢仲識過濾藍光，吸收對皮膚有益嘅紅光，平時對住電腦手機，啲傷皮膚嘅藍光就交俾佢擋住。 🌞 清爽持妝：全天候防護，懶人恩物 喺又濕又熱嘅香港，搽完面之後即刻清爽成膜，全日冇補塗都冇有怕，出汗之後都冇流白湯。夜晚只需普通洗面奶已經可以輕鬆卸乾淨，懶人必備！ 💸 總結：貴得有道理，值得 坦白講，呢支防曬係我今年用過最貴嘅，但每次用完望住塊面嗰種自然透亮感，都會覺得錢真係冇白洗😂。如果你同我一樣係熟齡偏乾肌，又想一支搞掂「防曬＋抗老＋

Sarah好用推薦：挤出来系柔滑嘅乳霜质地，推开完全唔会卡、唔会搓泥，吸收之后皮肤会出一层自然嘅柔光，唔会干到紧绷。 我系混干皮，冬天用够润，夏天用會有d闷，易出油。 整體來說防曬效果不錯，但唔適合夏天用。

Ki Lyko好用推薦： 之前可以除口罩，所以每天上班開始要化回少少低妝, 一直想找一支可以令皮膚看起來變得好像有化妝與沒化妝之間的妝效, 這支底霜可以完全滿足了我。 質地是比較滋潤的, 化上後會令皮膚嘅氣息變得很好。於我而言，因為在夏天的時候皮膚比較容易出油, 用後比較容易出粒粒, 所以我只可以在秋冬的時候使用它,現在正是一個合適的時間。價錢小貴但還是推薦的。

Ednababe好用推薦：坦白說，這個cream不是非常容易推開，但唔算太差。平時懶唔想揸粉底，淨係揸呢隻都幾好，遮到面上啲flaws，有返啲精神，又有SPF 50防曬。

Kura好用推薦：夏季必備保養嘅嘢點少得一款帶有防曬度數嘅日霜，因為我每日都要出街，夏天又熱又曬，搽日霜帶有25度防曬度數可以幫助到我抵禦基本嘅紫外光令到我嘅皮膚冇咁快老化幫我抵抗初老，同埋呢款日霜用完後續上妝都好貼服，同埋用完我嘅皮膚望落都冇咁暗沈，質地清爽不油膩易推，搽上臉好快吸收，今個夏天嘅好皮膚都係靠呢款日霜 @cosme #夏季必備保養 #夏季必備保養