Clé de Peau Beauté 好用推薦產品

🌸好用推薦：#火熱新品 最近日圓處於低位水平，喺日本旅行，當然要趁機會入貨啦。行過clé de peau見到佢最近推出咗新嘅單色眼影，我哋呢隻粉紅色非常有好感，所以直接入手。 留意返，佢個包裝盒同埋個眼影芯係分開賣嘅，如果想帶出街嘅話就記得要買埋個眼影殼。打開個殼入面係咁嘅：我買呢隻顏色係101 Pink Ocean Dawn，帶有金色閃粉嘅粉紅色。一般帶閃粉嘅眼影質地都係偏粗糙同埋顆粒比較大，呢隻眼影完全係順滑，粉質細膩，犀利到一個地步可以直接用手指搽上自己隻眼度。而且呢隻粉紅色最大嘅一個優點就係可以當埋胭脂咁樣用，粉紅色中帶金色珠光細閃，搽上去有啲似NARS嘅orgasm. 一物二用完全冇問題。

Carcar好用推薦：買正貨之前用過試用裝幾日，已經俾佢深深咁吸引住😻 呢支精華係洗面後第一個step用，平時洗完面乾爭爭，一用呢個精華就好似救命神仙水咁，塊面嘅肌膚即刻變到好嫩滑。呢支精華質地好水潤，好快吸收。而且用咗咁耐都冇敏感，冇生暗瘡，敏感肌都好啱用！用咗大概兩個禮拜之後，塊面明顯有光澤咗，連朋友都睇得出分別😻推介！

Fng好用推薦：cle de peau the serum 第四代質地更清爽輕盈，容易吸收，一啲都唔黏笠，用後皮膚明顯光亮，就算熬夜後第二天皮膚亦冇疲態， 膚況會keep得穩定，不會爆瘡，有光澤飽滿水潤感， 不存在暗沉。 我用了幾樽後，發現自己皮膚明顯細緻咗，毛孔慢慢收細，有彈嫩緊緻功效，抗老必選，泵裝設計使用上更方便衛生，唔怕產品氧化。

Lydia好用推薦：Product: Cle de Peau Radiant Cream Foundation 色號: 10 呢支粉底已經回購兩次, 係我每次去日本旅行嘅時候都會喺專櫃買嘅日本版。 顏色同質地：10色號好貼我本身膚色，上面之後個質地冇得輸 感覺好似絲緞咁幼滑，好容易就推得勻，完全唔會有厚重或者黐立立嘅感覺。偏向滋潤質地，搽完上面有水潤感，對油肌人嚟講冬天會更好用。 妝感效果：佢最吸引我嘅地方 就係嗰種高級嘅「奶油肌」光澤感。唔係油光滿面嗰種，而係好似皮膚自己透出嚟嘅自然光澤，睇落個人嘅膚質好似好好咁，有貴氣感。 持妝情況：我自己係油性皮膚，坦白講如果喺夏天或者天氣熱嘅時候用，佢嘅控油能力對我嚟講唔算好夠。大約帶妝5-6個鐘之後就會開始有啲溶油，需要補妝。不過天氣涼啲好似而家秋冬天咁，呢個問題就會冇咁明顯，可以保持得好好。 總結心得：雖然控油表現對我嚟講唔算完美，但因為實在太鍾意佢嗰種高級、自然奶油肌嘅妝感，我依然keep住用佢。我通常會喺天氣冇咁熱、或者需要出席重要場合、想皮膚睇落有貴價質感嘅時候揀佢。對我嚟講，呢支係一支可以提升整體妝容質感嘅粉底，每次用佢都覺得自己嘅妝特

Camilalkw好用推薦：以前每日都用呢枝Radiant cream foundation 呢一年用Radiant Fluid foundation多啲 呢枝滋潤遮瑕勁 唔易甩妝 唔好睇佢細細枝 係用極都用唔完咁 夏天用少少碎粉定妝 每次用既分量唔使多 已經夠成塊面 冬天可以就咁出街 用左咁多玍年cdp foundation皮膚日日化妝都好穩定 無第二個brand超越到 張相係暑假下晝影 自己係化妝師 幫客都係用cdp 自己都係🥰

Ronni好用推薦：Cdp嘅碎粉真係大大大愛💕 雖然佢真係貴 但係佢嘅質地係超級輕同超滑 用完絕對返唔到轉頭！！！ 同埋佢都幾大盒 我就2個色都買曬 🫣 原諒我用到好污糟 個粉撲好細滑，上面超舒服 同埋佢中間有間隔 唔會無用但一路痴住啲粉 好個人勁鍾意有網嘅設計 之前用過其他牌子嘅呢個設計 真心覺得好好👍🏼唔會一次拎咗太多粉總結：未試過嘅真係要試一次！ 另外～ 如果你係深色皮膚嘅建議用右邊👉🏽 👈🏽左邊有啲啲紫色，皮膚會比較啱用

Shirlin Ho好用推薦：相信大家對cle de peau呢個日本牌子一啲都唔陌生,趁住今次去日本🇯🇵旅行,緊係要入手呢個貴婦品牌啦。 首先一打開就有一陣香味🌺🌺飄出嚟,加上粉質好幼細,我買嘅係1號色light,用佢附送嘅粉撲上粉之前非常貼面,再過多幾個鐘同粉底融合之後,妝感更加好,所以總結係佢嘅價錢同質素係成正比👍🏻👍🏻

Fng好用推薦：Clé de Peau Firming Serum Supreme 作為一款專為熟齡肌設計的貴價抗老精華，CdP呢支精華喺香港夏天同醫美後嘅表現，確實對得起貴婦定價😂。 質地與膚感：👍👍👍👍👍 (滿分驚喜) 首先，佢嘅質地絕對係一大亮點。奢華嘅乳白色絲滑精華，推開瞬間極速被皮膚吸收。完成後皮膚是軟嫩的觸感，零黏膩、零厚重，完全冇一般抗老精華嘅油潤負擔。呢種「貴婦級清爽感」，對於混合偏乾肌嚟講，喺香港夏天用係一種享受，後續疊加防曬或底妝都毫無壓力。 緊緻提升效果：👍👍👍👍 (可見效果) 用咗大約三星期，最明顯係下顎線條有更緊緻嘅感覺，皮膚彈性同飽滿度有提升，唔會好似以前咁容易「耷」落嚟。那種「V面」效果唔係即時幻覺，而係一種持續嘅緊緻感，抗老功能確實到位。 修復與保濕 (醫美後考量)：👍👍👍👍 (溫和高效) 對於有做開醫美（如Laser、HIFU）嘅熟齡肌，最怕產品刺激或唔夠力修復。呢支精華非常溫和，冇酒精香料，做完療程後皮膚偏乾敏感時用💡，都完全冇刺痛感，而且能提供極佳嘅保濕同修復，能感覺肌膚屏障被養住，褪紅速度快咗，令療程效果維持得更持久。 環保樽身設計♻️♻️:可換refil

choichoi好用推薦：配合按摩的話，緊緻輪廓有感，臉頰看上去有比較年輕，加上質地討好不厚重，容易吸收，整體印象屬不錯

royu3好用推薦：唇釉中最喜愛之一，可惜的是這枝唇釉已停產 (;_;) 光是包裝質感已經無可挑剔，以厚玻璃製成，深藍色配上多角的折射切割，增添不少奢華感！我買的是11號，屬於裸粉色，很清新減齡👍🏻 質地潤身富光澤感，顯色度高，薄塗也OK。刷頭設計很優秀，不會沾過多唇釉、既不會造成浪費，又防止沾太多令唇妝厚重。開首提及過這枝已停產，或可考慮它家其他唇妝產品，一樣很出色喔！💯

Christyi531好用推薦：上色持久，樽靚，又唔易甩色，日本機場買平香港好多，#我的命定唇彩

Hoilly好用推薦：效果驚人～～～有效即時減淡細紋，令眼周肌膚變得幼滑！係物有所值！！！

katrina523好用推薦：佢呢個eye mask 好大塊 1次過可以敷額頭顴骨位 好抵買 用完即時見到效果 紋會淡咗，黑眼圈都會冇咁明顯

sp_113好用推薦：空瓶分享！！！！！ 一直用開平價開架或磨砂牌子，腦海有「捽幾下洗咩買咁貴」嘅諗法。直到去日本旅行，買左依支cle de peau 磨砂膏，完全顛覆以前睇法！ 以前平價磨砂膏粒子一般比較大及密集，次次去完塊面會輕微紅，刺激性較高，唔適合敏感/暗瘡性皮膚使用。 而Cls de peau 依支磨砂膏，當中嘅粒子非常幼細及密集適中，有效帶走死皮之餘，唔會刺激皮膚。每星期用一次，長期使用加快暗瘡印減淡，膚色亦明顯均勻左。

Natp好用推薦：保濕度幾好的一支兩用磨砂， 可以當清潔mask fu 10分鐘先洗走， 可以好温和咁去死皮， 感覺幾refresh ! 勤力用可以慢慢減少黑頭！

KumaXKuma好用推薦：好香，磨砂好細滑唔會太粗整損皮膚，貴婦級產品， 冇缺點，cdp 產品都十分有保証！

kameari好用推薦：呢一枝磨砂膏，功效同價值成正比，性質感覺很溫和唔怕傷皮膚，但又能夠去角質，用完之後唔會乾反而有被保水感，係好唔錯嘅一枝

Yuki好用推薦：官網買野送嘅贈品質地厚重豐盈 帶淡淡花香延展性非常好 輕易就可以推開瞬間轉化為油狀 滋潤感十足帶有油膜感 十分適合乾肌同熟齡肌 但鍾意清爽產品嘅 就未必合適喇 同埋化妝前用會浮粉 感覺夜晚用會比較好

Fng好用推薦：cle de peau 眼霜質地比較潤，秋冬天氣用perfect ，它有淡淡清香，質感絲滑。 升級版用起來更清爽，滋潤感同樣足夠，用少少份量，用手指腹部輕輕拍上眼底週圍，輕輕按摩，一段日子後，感覺眼部細紋和黑眼圈明顯有改善 ，又不會起油脂粒。 內帶咗一個小按摩棒，非常方便，能充分促進眼霜吸收。我用了幾年，它仍然係我嘅至愛眼霜，崇光一做promotion 必買產品之一。 #我的崇光感謝祭必買眼部護理