NARS 好用推薦產品

natanatalie好用推薦：係我用過最清爽嘅精華，高度推薦！❤️ 本身有暗瘡印嘅我面色都係暗沉，唔均勻，用左佢一排，除咗暗瘡印減淡咗之餘，膚色明顯提亮了，也均勻了不少。 這款精華的質地十分清爽，很容易推開，一點也不黏立，用後妝容會更加貼服。

Emily Leung好用推薦： NARS 唇膜測評：轉季救星定係「伏」？ 轉季嘅魔咒又嚟啦！塊面又乾又繃，連個嘴唇都唔放過，爆到開晒巷好似地圖咁 🗺️ 頂唔順啦！即刻用NARS唇膜補救！ ✨ 第一印象：型到爆炸！ 拎到上手，嘩！NARS招牌嘅磨砂包裝，掂呀！一啲都唔娘，擺上妝枱即刻升呢～ 個樽身仲有少少透明白，睇到入面啲奶白色膏體，未用已經覺得好治癒。 👄 質地大檢閱：係「杰撻撻」定「潤而不膩」？ 挖一嚿出嚟，係幾「杰身」㗎，有啲似濃縮版嘅乳霜。諗住咁杰會唔會黐脷嗌救命？點知一推！哇～ 神奇啦！佢係瞬間融化嘅感覺！好似雪花咁輕輕化開，變成一層薄薄嘅油膜，但係又唔會好似食完豬油糕咁反光，係一種低調嘅水潤光澤！ 💦 保濕力PK轉季乾燥怪 夜晚厚敷模式： 臨瞓前豪爽地搽厚一層，第二朝起身！叮！個嘴仔係淋！滑！軟！ 死皮？唔該自動自覺離家出走～ 掂呀！用手指輕輕捽，真係有啲白色屑屑走咗出嚟，係啲死皮投降呀！唇紋即刻隱形咗一半，好似飲飽水咁。 日頭薄塗模式： 化妝前薄薄塗一層做打底，之後再搽啞光唇膏，嘩！個效果靚到呢～ 一啲都唔起「白芝麻」，仲更加貼服。平時轉季必爆坼，用咗佢之後真係冇再發生過，堅係「換季維穩大使」

choichoi好用推薦：最近經常不知名爛嘴角，我會睡覺之前將它厚厚塗抹一層；它的滋潤度很高，但是能在油膩感跟保濕當中取得平衡 #火熱新品

Paris merci 好用推薦：Nars平時都有用開原生光系列setting spray 、大白餅底妝產品，未用過佢哋嘅卸妝產品。 Light Reflecting™ 新出原生光亮肌卸妝油，高效潔淨：採用三效潔淨科技，一筆卸除頑固長效彩妝，單次使用即可清除95%毛孔雜質，並改善黑頭。 質地屬於清爽型，流動性強，好似水咁，好清爽。比琥珀卸妝油更加流動。質地混合性皮膚都啱用，之後都幾好按摩💆‍♀️。敏感皮膚都啱用，一啲都唔刺激。卸妝正常乾淨，過水後唔會乾燥，就算半小時後先搽護膚品冇問題💕 #火熱新品

AnnaChan好用推薦：#火熱新品 之前買既卸妝油用完，見到呢支係可以以油煥光，令皮膚有光澤透亮，就心郁郁想試lu 質地： 雖然係卸妝油，油但質地屬於流質、好推開嘅類型，用上臉完全冇好厚、好悶嘅感覺 香味舒服，帶有一陣淡淡嘅清香，用嗰陣感覺好放鬆，唔會刺鼻。 遇水即化，過水之後好乾淨，唔會有油膜感，亦都唔會令皮膚覺得乾爭爭或繃緊。重點係完全唔拿眼，超溫和。 卸妝與清潔力： 就算係平日用嘅防水防油眼線、睫毛液，或者持久度高嘅粉底，好快可以溶解。 平時用嚟做鼻翼同下巴嘅按摩，可以好有效咁帶走毛孔入面嘅油脂同粗糙角栓，洗完摸落去真係滑溜好多。 養膚效果： 洗完有光澤感，因為成份加入咗唔同嘅植物油同護膚精華（例如山茶花油等），洗完面之後皮膚唔單止唔乾，仲會帶住一種原生透亮嘅光澤感。 用完佢之後皮膚水油平衡，第二日或後續上粉底會特別貼服，冇咁易浮粉。

JZ好用推薦： NARS SKIN Light Reflecting Moisturizer使用心得： 一款出色的面霜，無明顯氣味，補水、保濕效果顯著，但gel狀質地的霜體並不會油膩厚重，而是令皮膚仿佛飲足水一般水潤飽滿。 我最滿意的一點是它可以給予原本黯淡乾燥的皮膚一種自然光澤感，甚至不需要使用highlighter，也可光亮照人。 於妝前使用，可以令後續底妝粉底更加貼服持久，改善浮粉、卡粉等情況。 使用前後對比相片：可以見到，使用該面霜後，面頰上highlighter的位置可以自然反射光線，適合打造韓式妝容的水光感/glass skin妝效，的確如其產品名所言，做得到light reflecting的效果👍 成分表：#補水 #水潤

HYL好用推薦：已經用了兩罐了！ 這個面霜很冷門，但是我的朋友用了以後皮膚變得巨好 我是混油皮，有時候皮膚乾燥 每天早上化妝前用它，皮膚就馬上水潤

choichoi好用推薦：粒子尚算幼細，用後不會感到緊繃及乾燥感，可清除表面老化物，感覺皮膚光滑得多

lucrezianoin好用推薦：日本買平少少, 雖然都係貴, 但係唔係日日用所以都ok... 磨砂粒子都幾圓滑, 唔會好傷皮膚, 但係有效去角質. 用完都唔會太繃緊, 幾好用!

PorscheB好用推薦：呢枝Afterglow lip balm 已經係第二枝 顏色是 orgasm，偏桃橙色 加啲閃粉 上咀效果好自然 ，而且有足夠滋潤度 官方介紹仲話可以 將Afterglow護唇膏點印在雙頰最高位置， 可達致自然啞緻的提亮效果。🫶🏻 下次回購會試下呢個用法

popocarcar好用推薦：見朋友用得好靚，所以見到專門店買滿額有sample 送，就買多少少，拎咗支sample妝試。 顏色唔算十分出色，不過好滋潤。

mandy好用推薦：NARS AFTERGLOW LIP BALM AFTERGLOW悅光護唇膏(全新升級配方) $270 #237 Fast Lane #777 Orgasm 全新升級配方的AFTERGLOW悅光護唇膏以角鯊烷、矽靈、乳木果、椰子油及玻尿酸鈉為主打保濕成分，另外亦添加了抗氧化成分、抗衰老成分及鎮靜消炎等成分，可以上唇妝同時護唇，是真正有護唇效果的有色潤唇膏。 悅光護唇膏的新設計將管身換成可愛的粉管，絕對是粉紅控必收的一款有色潤唇膏。 悅光護唇膏的滋潤度剛剛好，使用感極舒適，不會有黏笠感，跟以往用過的NARS唇妝產品一樣都是不油不笠。由於是有色潤唇膏，悅光護唇膏要塗抹2-3次才會較顯色，塗1次就較淡色。持久度就是正常有色潤唇膏的程度，吃喝後要記得補唇妝。此外，NARS的唇膏很多時大熱色號會sold out，大家如果要入手可以去Sogo啟德睇睇有冇想要的色號。（啟德冇咁多人行，可以慢慢行，慢慢揀。） #237 Fast Lane 帶少少紫調的唇色，完妝非常水潤，有少少嘟嘟唇的效果。有時出街想化淡妝，配合悅光護唇膏就剛剛好，不會很誇張、很濃妝。 #777 Orgasm NARS的

Viannie好用推薦：色號777 ORGASM帶微微珠光，上嘴後顏色同閃光都唔明顯，自然血色感，幾適合日常使用。 冇香味之餘我覺得帶少少蠟味，滋潤度比舊版last得耐咗，唔使成日補。

maylam好用推薦：好少用NARS嘅護膚產品 呢支我理解為係妝前用嘅爽膚水 有鎮定肌膚嘅作用 有少少笠 有助後續底妝貼膚 但係個人覺得好多護膚品都做到呢個效果 唔會特登去買呢支用

kykyky好用推薦：清爽又有保濕既爽膚水，第一次用完之後，皮膚覺得柔軟咗，再搽上其他護膚品都吸收得快咗，持續用咗一排皮膚冇咁暗啞，覺得岩依家暖暖地天氣用

Cindy好用推薦：質地輕盈，搽上後肌膚感覺到迅速渗透，我習慣晚上使用，讓它幫我一整晚修復皮膚。用咗一排，能幫助强化皮膚，改善細紋，摸落去我的皮膚變得比以前柔滑，年輕有光澤。

Tsyyy好用推薦：外國好似都出左一段時間 主要係當妝前精華用 用係爽膏水同而霜前 又或者同粉底溝嚟用 持妝效果好同出少啲油

natanatalie好用推薦：價錢有一點貴，是溫和不刺激的落妝，眼妝也很容易可以落到，但性價比不高