CHANEL 好用推薦產品

Clara KY Chan好用推薦：我係第一次用貴價碎粉，完全出乎意料之外，效果好出色，非常鍾意！佢粉質未算最幼細但佢持妝度非常好。 一盒30g真係可以用勁耐，我自己T字位比較油，上左之後可以hold到大半日。喺冬天用佢會有少少乾同卡粉， 不過出左少少油之後成個底妝好好睇，定妝效果亦好好。

Irischan0109好用推薦：這款碎粉真的太驚艷了！粉質細膩如煙，上臉瞬間一秒柔焦、隱形毛孔，控油持久卻完全不乾，底妝一整天都高級通透！ 疊加多層也毫無厚重面具感，完美定妝之餘還自帶微微的貴氣微光。不論是日常通勤還是大熱天出門，有它在，妝容就能超時待機、精緻不打烊，絕對是無限回購的定妝神粉！

Nicnic好用推薦：*第一張係140疊176, 超靚!!! 佢係一支我已回購咗嘅唇膏，顯色度中等偏上，可以疊加。妝感輕薄啞緻，搽完過5分鐘就會變霧面。我最鍾意佢係搽上咀超級舒服，好似冇搽嘢咁樣，霧得嚟唔會乾！仲要唔會特別顯唇紋～但都唔會修飾唇紋。持久度方面，如果唔食嘢飲水基本上一路都keep到，如果飲水就會甩小小，食啲油嘅嘢就甩8-9成。 140 Amourex 原來呢隻色係熱賣色，係溫柔嘅蜜桃色，搽上去氣質upup 薄搽厚搽都適合淡妝。不過黃皮要小心，佢個顏色比較淺，容易顯黃。 176 Warm beige 我係已經用完一支，再回購。我大多數薄搽，係偏小小灰調嘅豬潤色。薄搽比較日常，厚搽就型啲！黃皮白皮都入得手！

popocarcar好用推薦：質地唔算乾，很容易推開。 不過好快會甩晒。 細細支容易擺手袋。

Kitty 好用推薦：講真，最初入手Chanel呢支霧面唇膏個陣，我心諗：唔會又係個啲睇得唔用得嘅伏物嘛？點知一試即刻改觀！ 💄包裝設計：經典黑金配搭 Chanel嘅產品一向以簡約優雅見稱，呢支唇膏都唔例外！黑色亮面管身加上按鈕式設計開合好方便，拎出街補妝都覺得自己好有氣場～哈哈！ ✨質地： 雖然係霧面，但佢唔會一搽上去就抽乾你嘴脣啲水分！膏體軟硬適中，好順滑易推，薄薄一層已經夠色，厚搽都唔會結塊或者起粒粒。最驚喜係佢有種絲絨感，唔似一般霧面唇膏咁硬邦邦，反而有少少彈性，落高級又唔老土。 🎨顯色度： 真心無得輸！遮蓋唇色能力超強，深唇色人都唔需要擔心。我入手嘅#107都係熱門色，一搽即刻氣質提升，仲好顯白！持久度都算合格，飲嘢食少少嘢都keep到，當然食大餐就一定要補啦。 💦保濕度： 老實講，霧面唇膏來講佢已經做得好好！唔會好似某啲品牌咁，幾個鐘後脣紋暴現兼爆拆。但建議本身唇部狀態差嘅朋友，先用個脣底膏打底，效果會更順滑。 總結： 如果你係霧面控，又怕乾到似沙漠，呢支絕對值得試！價錢雖然唔算平，但質素對得住個價。唯一要彈係個包裝嘅按掣設計有時唔太順，但睇在佢咁好睇嘅份上就算啦哈哈～

Fish Tse好用推薦：就黎又到聖誕啦！出去玩梗係要化返個靚妝影多d靚相去紀念下個節日啦！ 唇膏係唔少得既環節，揀岩唇膏可以令個氣息睇落去差好遠，想係聖誕受矚目，可以考慮哩款啞緻柔滑唇膏 唇膏既外殼係黑色配搭金色唇膏殼比人有種高貴既感覺令人愛不釋手 我買既係63號色ESSENTIELLE，哩款唇膏有荷荷巴油衍生物同埋乳木果製成柔滑配方好順柔睇落去雖然係咁啞緻桃紅色，但都有種濕潤盈滿既感覺 仲有一點佢既顯示度非常之高，搽一層已經充滿色彩，用既時候直接搽上唇上由中心向外塗抹就可以了

Maisondejuillet 好用推薦：每次打開使用聞到一絲絲的香味，雖然遮瑕度不夠，要多次疊加先可以遮到雀斑，但是光澤感十足。如果當日不是太潮濕或太熱.早上使用後配上定妝噴霧冷氣環境下及外出午餐吃飯1小時也可以維持放工時間不需要補妝。

Amyloid Li好用推薦：色號方面偏黃少少，持久效果都OK ，不過控油效果好似冇咁出色，需要用定妝噴霧定妝比較好

Sanna Cher好用推薦：使用色號794，為當時的特別版，偶爾見到專門店有售。紫兩色為冷調，棕色和卡其綠色接近暖色，使用時可將眼影盤分為冷暖色調使用，每次使用兩色。使用圓形眼影掃，打圈掃上卡其色，見色調可用於不同季節。 眼影色調能夠做到輕微煙熏妝，而妝容有別於黑煙熏或大地色調使用在煙熏妝容方法，是色調非常獨特的配搭。加上卡其綠色作眼線陰影，見色調混搭後有點混濁，可隨個人喜好抹塗，但對個人來說是認為看似很高冷的暖色。完妝照片

Yty好用推薦：CHANEL 拜占庭四色眼影 #328 👑✨ 依盒特別版簡直係藝術品！金色內襯加寶石浮雕，復古奢華感拉滿。 ✨ 用後感與好處： 【超愛入面個藍色】： 我最心動就係入面嗰格藍色！隻藍色調得極有質感，點綴喺眼皮中央或眼尾，眼妝即刻多咗種神祕、高冷嘅貴氣。 【濃郁復古感】： 紅磚、金閃同深啡配色好顯色，粉質細滑，輕輕暈染就有種微醺嘅富家千金妝感。 💡 溫馨提示： 【新手要輕手】： 佢比普通版更顯色，建議用鬆散嘅眼影刷少量多次上，先至畫到嗰種通透嘅深邃感。 💬 總結： 隻藍色真係成盒眼影嘅靈魂！妝效高級，鍾意收藏限量版、復古風嘅人必入。 #專櫃彩妝 #CHANEL #眼妝部門 #拜占庭眼影 #限量特別版

ying好用推薦：✨ CHANEL LE TEINT ULTRA 持久啞緻粉底液 剛上完・好無瑕・妝感勁靚 乾肌・幾個鐘後會乾 ✅ 剛上完：好無瑕・妝感勁靚 呢個係呢支粉底最大嘅優點！ 一上完嗰下，個妝真係好靚。 好無瑕，但又唔會假面。 毛孔柔焦咗，膚色均勻咗， 望落去係好乾淨、好精緻嘅妝感。 呢下嘅驚艷程度，真係會令人「嘩」一聲。 ✅ 質地水潤易推 上妝嘅時候好順， 唔會卡粉，唔會一撻撻。 好容易推勻，新手都搞得掂。 ✅ 遮瑕力中高 泛紅、痘印都cover到， 唔使另外用太多遮瑕膏。 ⚠️ 乾肌要注意：幾個鐘後會乾 呢個係我嘅真實感受。 剛上完係好靚， 但過咗幾個鐘之後， 會開始覺得乾。 尤其係兩頰、鼻翼呢啲位， 會feel到繃緊，甚至會有少少乾紋出現。 唔係誇張嘅「裂開」， 但係你會feel到：「嗯，乾咗。」 如果你係極乾肌，秋冬可能會有啲吃力。 💡 解決方法： ▸ 妝前保濕要做足（保濕噴霧＋面霜＋妝前乳） ▸ 可以混合一滴精華油一齊用 ▸ 或者只係夏天用 ▸ 上完之後用保濕型定妝噴霧 🌟 我嘅總結 CHANEL LE TEINT ULTRA 持久啞緻粉底液 剛上完：好無瑕・妝感

TinaWongLK好用推薦：𝗖𝗛𝗔𝗡𝗘𝗟 — 𝗨𝗟𝗧𝗥𝗔 𝗟𝗘 𝗧𝗘𝗜𝗡𝗧 持久啞緻粉底液 夏天我皮膚keep住都係乾肌 其實勁頭痕 用保濕粉底/氣墊皮膚會黐笠笠 甩妝 用霧面粉底 皮膚就會太乾&甩皮 而用Chanel就吾會有以上呢啲問題 每次用都無甩皮/太乾嘅現象 質地方面 上面好容易推開 好水潤嘅感覺 但同時又吾會覺得乾 另外，仲有陣好舒服嘅花香味 （一聞就知Chanel 化妝品嘅味道） *會氧化一個度 #火速新品

xkatxx好用推薦： -帶口罩嘅最佳拍擋- 疫情之下日日都帶住口罩 😷 大部分嘅粉底都會甩曬係個口罩到 一除口罩就上下兩隻色 Chanel 呢支粉底粉雖然都會痴左啲顏色係口罩到 但呢隻粉底只要一上面就會好穩固咁痴住塊面 十分貼服 👍🏻而且控油能力都唔錯 唔易出油！ 但遮瑕力較弱少少 比較岩天生麗質無咩瑕疵嘅朋友 但疫情下帶哂口罩 遮瑕度我自己就無太著重！帶左成日口罩個妝感都仲好靚 奶油肌👍🏻 每之用嘅份量唔洗多就可以上哂全面👍🏻好慳粉底

kakawong525好用推薦：好清香，每次用心情都變得好放鬆好療癒 妝感出黎好水潤透薄，打底用咗CHANEL LE BLANC 嘅base 好似原生肌噉，睇落皮膚好好。出咗油會變奶油肌😍😍大愛

Kmggigi好用推薦：Chanel Les Beiges Healthy Glow Sheer Powder嘅粉質確實細緻輕盈， 上臉之後感覺自然又貼膚，唔會有厚重感或者粉感， 打造一種輕透健康嘅妝效， 幾適合用嚟定妝或者補妝。 不過，盒入面附送嘅粉掃唔算好好用， 毛質ok但掃粉嘅效果唔係好理想， 會出現唔上粉嘅情況🤔 如果想用得更好，建議搭配自己嘅高質粉掃， 效果會提升好多！ 雖然粉質輕薄，但呢款蜜粉嘅修飾力比較有限， 對毛孔同細微瑕疵嘅遮蓋效果唔算突出， 用完後妝效會有一種自然健康嘅光感， 但如果期待即時「磨皮」效果嘅話， 可能會覺得有啲失望。

jojoma123好用推薦：粉餅質地十分幼細,能打造出透薄自然的妝容,膚色看落亦見均勻,但若要徹底修飾紅印,還是需要concealer 來加強效果

940727.0好用推薦：依款粉餅搽完吾會好厚粉，有一定嘅遮暇程度，但又唔會好死白。仲有防曬20+++，方便快速完成底妝。