Dior 好用推薦產品

takemyokane好用推薦：產品內部本身就鑲嵌了可旋轉的陶瓷珠，輕輕按壓就可以擠出淡淡粉紅色的精華乳質地，可以一邊按摩一邊令產品更快被吸收。雖然我經常擔心這種設計很容易累積細菌……但確實很方便。 使用後無產生油脂粒問題，也不會刺眼，加上有陶瓷珠輔助按摩，精華瞬間就被吸收。平時沒事也可以用來按摩……和許多眼霜一樣，似乎要長期用才有可能看到輕微效果，以性價比來說未必會考慮繼續投資下去。

Sarah好用推薦：都係嗰句，我曾經是Dior 花蜜系列的忠實粉絲，幾乎全線系列都買過。這枝眼霜包裝超華麗，有一個有真金成份的蓮蓬頭和走珠，可用作按摩眼部。 眼霜擠出來的時候是淡淡的粉紅色帶有珠光和極微小的閃粉。佢自稱可減淡細紋，用完之後的確會有大約個半鐘的時間細紋突然消失，但之後當完全吸收後，細紋又會再次出現。我不是成份專家，但我相信這支產品用了可以令皮膚突然變得飽脹的成份，但時間過後又會變回原樣。

cforcat好用推薦：Dior Prestige 花蜜系列好多人都讚，呢隻Eye Cream 都ok，但用量要用多少少，話佢好濃稠難推又唔算，但易推又唔係。質地比平時eye cream 厚少少，有滋潤感，但無令我生油脂粒。 用完兩支sample 共6ml, 暫時睇唔到咩嘢變化，但質地同感覺我都幾ok, 有平價時會再回購。 最後好難唧出嚟時仲開頂，推埋落一個用完嘅眼霜樽度繼續用，都仲有好多...

SunnyZhang好用推薦：用咗兩瓶都無乜特別效果！其實買咗花蜜系列嘅所有產品，用咗差唔多兩年，一直覺得佢味道好味，而且夠滋潤，唔知係咪太潤，搞到塊面會成日生暗瘡！直至換咗另外一個品牌先未出粒粒，先至知道係佢嘅問題！所有的面霜晚箱化妝水全部擺晒一邊未用！好肉赤！因為太貴！

balabababa好用推薦：呢支雖然是男士護理系列，但我照買左黎用。 質地透薄，好快滲透哂入眼底。cream狀質地，延展性好高，持續使用左1個月後，覺得黑眼圈有明顯改善（日夜癲倒休息但黑眼圈竟然冇增加），同埋眼袋位置有收緊的感覺。覺得好用👍👍

🌸好用推薦：我係成set買嘅，保濕效果好好，清爽唔笠，搽完好似全日飲飽水咁。但係冇去紋同去黑眼圈效果。 清新嘅茉莉花香好好聞，而且略帶冰爽嘅清涼感，夏天使用特別舒服。

TsuenMa好用推薦：#DIOR 完美活能超效眼霜 一貫相同系列嘅淡淡花香，令人心情都會愉快啲。 眼霜嘅質地都係偏creamy，但搽左上眼周圍都吾會話太過笠，都係會容易被吸收。 夜晚用個陣會用多少少，朝早因為會帶妝，所以薄薄一層等佢吸收完就算。 差唔多用晒一罌了，但未必會再入手另一罌🫣因為淡紋效果吾算好顯注，同埋我主要想淡化黑眼圈，可能要物色另一款產品會較好。

Rachel好用推薦：官網話有效逐漸淡化眼部細紋與皺紋 我連同同系列嘅眼部精華使用 但唔覺有淡化跡象 只可以話佢滋潤功效明顯啲 不過以佢嘅價格只做到滋潤效果 唔會選擇買佢🫣😂

TsuenMa好用推薦：Dior 護眼小恩物 自帶冷感按摩頭，可以邊搽邊按摩眼部周圍的肌膚，令產品都可以更有效地吸收。 ⚠️眼部的皮膚是比較脆弱的，所以要注意按摩的力度，吾好過大，以免傷害到皮膚，得不償失。 好少有產品會自帶按摩頭，所以好欣賞佢。本身用得電腦多，眼部好容易疲勞，用冷感的工具幫忙舒緩積累左一日的疲勞，感覺可以令眼袋無甘容易形成，夜晚訓教都可以舒服、熟睡d，繼而令黑眼圈吾會惡化🫶🏾 早8年前都無用eye cream的習慣，覺得可有可無，但而家係固定一項護膚程序，不可忽略。 用過兩隻Dior的眼部產品，感覺良好，長久使用下來，係會見到黑眼圈有淡化的蹟象，所以一定要持之以恆地用，吾好甘快放棄吾用🥹

Noel好用推薦：這枝迷你裝由套裝商品獲得，小小一枝，2星期左右完全用完。個人感覺這款 eye cream 比較適合秋冬季使用，春夏季用就會有少少 too much~ Eye cream 呈較深的米色，質感係比較厚的霜狀，帶很微capture 系列香味。產品質地 creamy，沒有流動性，而延展性一般。個人屬於乾肌，這個眼霜滋潤度很足夠，眼周皮膚的乾紋有稍為減淡，因此，上妝之前，個人喜歡使用這枝😍 而緊緻提升等功效，使用了2星期時間，並沒有感~ 個人並沒有覺得必須回購，主因在於產品質地的問題。Eye cream 延展性不算高，塗到眼周皮膚的過程，容易做成拉扯，有機會加深 / 造成更多眼紋🤨 如果心怕在塗抹過程刺激到眼周皮膚，個人就試過多用一點 eye cream，去避免推開的問題，不過，就有小小太潤，似有一層 mon 著了眼周❗