Dior 好用推薦產品

karun好用推薦：第一次用 dior 防曬，新包裝的質地透薄，用上皮膚馬上有潤色的作用，會白一些，夏天使用較黏膩，建議秋冬使用！

TsuenMa好用推薦：#DIORSNOW Ultimate UV Shield SPF 50+ PA++++ #防曬 全年無休嘅課題之一，無論陰天落雨，定係室內活動，都會expose係UV之下，所以防曬更加specific應該要講係抵擋紫外線傷害皮膚。夏日，要同陽光玩遊戲就更加要做好保護！ 但係Dior呢款防曬未必岩香港濕悶嘅夏天，因為佢質地比較滋潤厚重，上左面就算等佢吸收晒，都有有少許焗住嘅感覺，對於我喜歡透薄清爽感覺嘅用家，撞過幾次板後就學識左呢枝吾會全面搽，只會用作第二層加強部分少許上面，或者係暗啞有色差，需要提亮嘅地方去上多薄薄一層，因為雖然呢枝有笠，但係佢提亮個part真係做得好好，用佢上完成塊面，都會白左一度，或者都可以就甘用完佢，上碎粉定妝同時減輕黏笠感就可以出街了。

Nicole好用推薦：用過G(無色, Glow)同00(自然偏白), 有一貫prestige嘅淡淡玫瑰香氣。如果需要上粉底，可以用G, 00色號就可以直接當做BB cream, 均勻亮白膚色效果唔錯～SPF+, PA++++, 防曬度充足, 而呢個本身係under花蜜純白系列(有玫瑰萃取成份同維C), 所以可以做到防曬同時美白。

Wuxx好用推薦：早排去日本旅行買左少少Dior Beauty， 專櫃哥哥執Sample嘅時候聽到我話想試下新粉底， 佢就二話不說拎左幾包唔同色仲要Glow同Wear都有俾我試， Very sweet guy唔係講笑。 雖然網上已經有超多比較/評價，但我都分享下啦hahaa 混合偏乾肌嘅我平日office日吹冷氣9個鐘， 霧面嘅遮瑕幾高我覺得， 但一個唔小心搽厚左嘅話粉感都重， 朝早8點上完妝， 番到公司10點左右就開始覺得繃緊， 11點開始會出白芝麻。 雖然大家話有保濕/流動性高， 但應該唔適用乾/偏乾肌， 中性都可能要注意下。 我搵左日出街試用stay， 我知係咪手法問題， 上完妝無耐法令紋位積左超多粉， 然後我就果斷落妝，無再試用過stay。 光澤面相對地舒服好多～ 朝早8點上完妝， 番到公司1點左右開始會出油， 3點左右就會有甩妝情況出現🥹 不過可能因為我無落碎粉定妝嘅習慣所以持久度差啲， 不過相對地Glow面遮瑕度真係低好多， 所以最後2隻粉底我都無入手到。 另外要注意嘅係時間長左glow有暗沉同變紅🤔 #火熱新品