Dior 好用推薦產品

Kitty 好用推薦：香港終於可以買到Dior 2026年隻新唇油，即刻試咗！呢支煥彩潤唇油真係幾有驚喜。 搽上嘴嗰陣，感覺好得意。質地好似糖漿咁，濃潤又柔滑，一掂到唇好滋潤，好舒服。個刷頭係大大棉花糖刷頭，好軟熟，好貼唇形，好輕易就搽得均勻。我揀咗#085 呢隻色，係好靚嘅煥彩粉紫色，可以同其他唇彩疊搽，一搽個心情都跟住好起來。 佢話用到水漾潤色科技，我搽完之後，個嘴真係好似有層糖衣咁，鏡面水光好明顯，睇落即刻嘭嘟嘟，好有透明感，呢點我好鍾意。至於保濕力，我試咗大半日，就算冇補搽，嘴唇都keep住有潤潤哋嘅感覺，冇平時咁易乾，唇紋都冇咁顯眼。 總體來講，呢支唇油嘅光澤感同保濕度真係唔錯，日常用好方便，簡簡單單就已經有bling bling嘟嘟唇。如果你鍾意水潤透亮嘅唇妝，呢支值得試下！ #火熱新品

YY好用推薦：Dior誘惑煥彩潤唇油 比佢晶瑩剔透既顏色吸引到，再加上Dior brand加持，咁就入手咗依支Lip oil 新手可以先用唇膏💄打底，然後疊加依枝lip oil 係面，造返鏡面效果！ 🌟依枝 Lip oil唔算黏笠，冇黐頭髮，潤唇作用，即時淡化唇紋，上唇舒服 🫥相反Lip gloss好似有層膏狀塗咗喺嘴唇上面，但無滋潤作用 依枝Lip oil 比透明lip gloss更好用👍🏻 臨近歲末，一定要約朋友出嚟開party，想要吸精，喺眾人間閃閃發亮，一定唔少得呢支Dior lip oil，超加分🩷 薄唇厚唇都岩用，減唇紋，嘴唇脹卜卜，超減齡😻😻😻

Hoikiki好用推薦：DIOR 指甲油 #100（裸色系） 嘅真實用後感 顏色 & 質地 · #100 係好溫柔嘅杏仁奶茶裸色，帶一丁點灰調，唔會太粉紅太少女，顯白到暈（黃皮都啱）。 · 質地偏水潤薄身，唔係杰撻撻嗰種，掃頭係扁平寬身，一筆就cover到成塊指甲，好易掃勻。 搽嘅感覺 · 乾得好快，等一兩分鐘就表面乾，但完全乾透建議等5分鐘。 · 上色度超均勻，搽一層係透透地嘅自然感（似自己指甲天生靚色），搽兩層就係滿滿嘅高級裸色，官腔感十足。 持久度 · 正常日常（打字、洗碗）大約3-5日開始喺指尖有少少甩邊。 · 如果加咗佢哋嘅底油 + 面油，可以撐到5-7日，甩都係整塊剝落，唔會碎修修咁難睇。 優點 · ✅ 顏色好百搭，返工、行街、見家長都唔會出錯 · ✅ 搽完光澤感勁靚，似做咗Gel甲 · ✅ 除甲油時唔會染黃指甲（好多平價裸色會） 缺點 · ❌ 價錢貴（專櫃約 240） · ❌ 如果指甲表面唔平滑或有坑紋，會顯得好明顯（因為質地薄） · ❌ 想遮到甲白邊，一定要搽兩層以上 總結 如果你鍾意氣質系裸色，呢支絕對係投資得過嘅經典款，尤其見工或重要場合用佢，成個人即刻高級咗。但如

🌸好用推薦：我買嘅係306色，使用感很好，色澤自然顯白，而且快乾唔易甩。

olitong好用推薦：色號：451 natural coral 因為戴口罩而買的lip tint，搽完搵紙巾印走多餘的，然後便不會甩在口罩上了。 顏色挺持久的，剛搽上去很好看，印走之後會淺色一點，時間久了或乾透後會比剛搽時深色 （💡因此若要襯衣服的話要一塗便印乾，不然就不是珊瑚色了💓） 如果想要顏色深一點，搽完的時候可以在嘴唇上停留耐一點才再用紙巾印走，但我個人喜歡淺色一點。 ✅持久 ✅戴口罩適用 ✅顏色好看精神 ❌有點乾 ❌嘴唇乾的話要搽潤唇膏打底

Noel好用推薦：Dior 的唇部產品，無論包裝及質感，都是美美的❣這枝絕美的 Dior染唇液更加係新包裝，做了超好看的 Oblique 老花經典 logo，手刀買下了色號 #541❗ 染唇液帶點果汁味，不難聞。海綿棒沒有小尖頭，所以塗抹上有少許不方便，唇尾想 sheer out，就要用用手指幫忙了。顯色度良好，塗到上唇後，可以用手指幫忙掃到下唇，顏色飽和度高👍持久度極佳，滋潤感一般，但染唇類產品都沒有多大滋潤效果，至少沒有甩皮及乾燥👌 OK！ 留意，染唇液塗到唇上，不會全乾，約乾70％，建議先用紙巾壓一壓，吸走多餘的染唇液。之後就算帶囗罩，都不太沾😆 很推這枝超靚 Dior lip tint，附上圖三 before after 及 圖四全妝，過鏡後唇妝依然鮮明❣ #BA照 #BeforeAfter