Dior 好用推薦產品

Luna好用推薦：Dior 鏡光誘惑唇膏 (Dior Addict Stellar Gloss) 色號 405，係好熱門嘅「辣椒磚紅」色！ ✨ 顏色（香港日光 vs 室內） - 室內白光：係時尚嘅「楓葉磚紅」，帶棕調，顯白唔老氣。 - 戶外陽光：會透出 金橘 shimmer，變「辣味蜜糖色」，低調但又好吸睛。 - 黃皮實測：超級顯白，去黃氣，淡妝厚塗都壓得住。 💋 質地（鏡光但唔漿糊） - 滋潤度：似潤唇膏，有薄荷涼感，唔使查潤唇膏打底。 - 鏡光感：水光但唔「豬油嘴」，光澤細緻。 - 舒適度：輕身，冇異物感，起死皮時查會微微修飾唇紋。 ⏳ 持久度（必須注意） - 食嘢飲水：光澤會甩，留低均勻嘅 染唇印（唔會甩到一圈圈）。 - 補妝：直接疊查就得，唔會卡紋。 ⚠️ 潛在缺點（中肯位） 1. 染唇勁：要用眼唇卸妝液敷先甩得乾淨。 2. 唔修飾深唇：本身唇色好深，會溝色變暗，建議先去專櫃試。 3. 性價比：光澤持久度一般，如果成日要補妝，呢點要考慮。 🎯 適合咩人？ 如果你鍾意 日雜妝（水光感）、想顯白、唔怕補妝，呢支會係你近期最愛。如果追求「查一次頂半日」就唔啱你。 💡 終極建議 去專櫃試真

Tszki好用推薦： 我購買原因是因為顏色隨身體溫度改變的變色彩唇！#001粉紅色（經典自然）質地順滑如牛油，滋潤度極佳且不黏膩，能即時改善乾燥脫皮，維持唇部軟嫩。 通透自然，素顏也能瞬間提亮氣色，打造健康、嘟嘟豐唇效果。提供自然、獨特的粉紅潤色感。十分喜歡使用這個唇膏！大推薦使用

Kitty 好用推薦：Dior 唇膏嘅包裝一向無得輸，拿上手沉甸甸嘅，經典嘅深藍色配銀邊，個感覺已經贏咗！帶出街補妝個陣，虛榮心即刻飆升，哈哈！ 🎨 顏色：超靚木玫瑰豆沙色🎨 #720色號係一隻好微妙嘅顏色！佢係一隻帶住少少啡調同粉棕調嘅豆沙色，但唔會好似普通豆沙色咁悶，裡面仲有微微嘅玫瑰色調，所以佢有個咁詩意嘅名叫做木玫瑰。 - 對黃皮超級友好！我本身係黃二白，搽上嘴完全唔會顯黑或者顯黃，反而即刻睇落個人好精神、好溫柔。 - 顯色度：遮蓋力好好，我本身唇色偏深，薄薄搽一層已經能夠還原到唇膏本身嘅顏色，仲好均勻。 - 場合百搭：呢隻色真係唔挑場合！平日返工、見客，佢低調得嚟又有品味；周末去Cafe打卡、或者夜晚去食飯，佢又顯得你好有氣質，絕對係一支唔會出錯嘅萬能唇膏！ 💋 質地：絲絨啞緻，高級感之選 💋 呢支係柔霧啞緻質地，但係！佢一啲都唔乾！ - 順滑度：搽上嘴個下好似絲絨咁順滑，完全唔會拉扯到嘴唇。 - 滋潤度：雖然係啞緻，但裡面應該加咗保濕成分，我唔打底直接搽都唔會覺得繃緊，亦唔會顯唇紋（當然，如果本身唇況好差，點都要做返個基本護理啦）。 - 持久度：食嘢飲水當然會甩少少，但唔會成層甩到冇晒，底

KDing好用推薦：我用既色號係720號既玫瑰色，搽上嘴好顯色，上嘴顏色都幾深色，搽上嘴好係紅噹噹，絕對係招財嘅顏色，所以好適合去朋友屋企拜年嘅時候，打牌嘅時候贏到開巷🤓 同埋有啲好重要，就係呢支唇膏拎出嚟補妝嘅時候都覺得貴氣十足，顏值已經拉滿咗。本身支唇膏嘅質地都係偏向matt身，所以都要用少少潤唇膏嚟打底，咁樣冇咁容易起死皮。 唇膏嘅持久力都算幾高普通飲嘢飲咗幾次之後嘴唇嘅顏色都唔會話甩得好嚴重，補妝嘅次數唔需要太多。 顯色度：4/5 啞面唇膏

Yty好用推薦：Dior 高訂五色眼影 (669 Soft Cashmere左邊 & 聖誕限量 543 Promenade Dorée右邊）👁️ Dior 嘅五色眼影一直都係我眼妝盒入面嘅摯愛，最近呢兩盒真係不得不提！ 669 Soft Cashmere 用後感： 睇試色圖 3 就知，669 呢盒真心係超級日常又實用！成盒係好高級嘅大地灰棕與玫瑰木色調，粉質極度綿密好暈染。 669上眼之後完全唔會顯腫，反而係好自然咁加深眼廓。無論係返工薄塗，定係去街疊加做深邃煙燻感，都好易駕馭，係一盒唔需要思考、隨手拿起來塗都唔會出錯嘅日常必備眼影！ 聖誕限量 543 Promenade Dorée 用後感： 其實543呢盒係我以往入手嘅聖誕珍藏！每年我都非常期待 Dior 彩妝嘅聖誕節系列，真係每次都冇令人失望。呢盒眼影壓花都精緻到好似藝術品咁，就算過咗咁耐睇番依然覺得超級值得收藏！ 543 呢盒整體調色充滿節日嘅華麗氛圍，而我最鍾意嘅就係佢中間嗰格銀色！質地閃得好高級、好有清透感，只要喺眼皮中央或者眼頭輕輕點綴一下，成個眼妝即刻變得精緻爆燈，好似自帶光影咁美！ 我而家已經開始期待Dior今年嘅聖誕

Sarah好用推薦：色號429 粉質系一貫嘅細膩，啞光色上眼好貼服，唔會飛粉，顯色度都剛剛好，唔會一上手就太重手，新手都可以慢慢疊加出層次。閃片色系低調嘅細閃，唔會誇張，反而帶少少光澤感，提亮眼中或者臥蠶都好自然，日常用唔會太閃，返工、上學都啱用。 配色系溫柔嘅玫瑰豆沙調，就算唔識玩好多技巧，簡簡單單用淺色調打底、中間色加深眼尾，再加少少閃片，都可以畫出乾淨嘅眼妝，成個妝感好溫柔，襯日常妝或者淡妝都好合適。持久度方面都唔錯，我系混油皮，帶妝一日都唔會話好容易積線、暈開，保持得幾乾淨。 整體嚟講，佢冇咩大驚喜，但勝在夠穩陣、好駕馭，想求穩、想要一盤日常百搭嘅眼影，呢盤真系幾合格嘅選擇。

Cosmeemee好用推薦：🌟Dior Beauty🌟 Diorshow持久眼線筆 Color: Matte Brown 781 🇮🇹：Made in Italy Dior beauty 的聖誕包裝真是美爆！ 原本只是打算去買包裝🫢 就選較小資的眼線筆 更是新出不久的 #火熱新品 只要$230，沒太大期望 但！用落驚喜超大🤯 首先，一支筆入面有埋迷你筆刨同海綿刷頭 用海綿刷頭拉長眼線超方便 精準咁畫到尖長眼線尾🥹 另外，佢真係超防水 點抹都唔甩😂😂 卸妝就同睫毛液一齊卸🙌 眼線膠筆持久得嚟又易畫 真係好適合新手 難怪啡色同黑色成日繼貨… 行咗3間先有1間有得買🥹 冇後悔買呢個比自己做聖誕禮物😚 大推！

Fng好用推薦：買咗最新色號703，係乾燥玫瑰色，含細閃，容易配襯，顯白， 少少偏冷色調， 飽和度唔算勁高 ，有點個性，日常薄薄搽一層，妝容不突兀，上咀感覺自然，唔會起死皮。 因為它外殼貌美，有質感，節日要送禮物畀朋友，它是不錯嘅選擇💜💚💛🧡🩷❤️🎀🎁✨️

Poyobb好用推薦：我用Dior glow foundation之前淨係用精華水加埋水凝霜，因為暫時夏天關係唔使太多保濕產品。之後再用YSL嘅instant glow base，保濕度已經足夠。冬天就要加多少少保濕產品。 另外呢款粉底液嘅遮瑕度唔錯，輕鬆遮到我嘅痘印，最重要係用咗幾次都冇爆暗粒，真係對我呢個肌膚狀態來講，已經好優秀。就算我而家唔用碎粉定妝，佢嘅持久性都好好，甚至可以持久到全日！晚上嘅時候，膚色依然保持到大約八成，整個妝容都仲係微微自然嘅光澤。 有啲人就將Dior同Nars小方瓶做比較，之前我都有提過我好鍾意Nars小方瓶，因為佢做出來的水光韓妝感覺好靚。但問題係冬天用的話，有時會有浮粉情況，真係好可惜。對比之下，Dior呢款粉底液嘅光澤度真係接近90%，我覺得非常啱我。下次我會寫埋dior forever foundation款。 剛上妝⬇️ 4小時後⬇️

takemyokane好用推薦：如果你一直嚮往奶油肌就絕對不要錯過這支 Dior 粉底。我用 1N 色號，不偏黃也不偏粉，可以稍為修飾暗沉，質地順滑。擦上後臉部立刻提亮，有如自帶高級光澤。它不是那種油光滿面的豬油感，而是一種從皮膚底層透出來、充滿水分的緞面光。同時對毛孔的修飾力意外地好，能把肌膚紋理修飾得像磨過皮一樣平滑。 官方標榜 24h Wear 雖然有點誇張，但持妝力確實不錯，氧化也不嚴重。