Dior 好用推薦產品

Shana好用推薦：買左754（圖左）同874（圖右），兩隻色都非常好睇🤤❤️❤️❤️而且好顯色架 754係好適合夏天嘅🍉🍓色，好清新可愛嘅感覺💕滋潤有光澤，唔會太黏，冇閃粉 874係四季皆宜嘅🍇色（個人認為😂），紫得黎有少少紅，非常顯白👻 薄薄地搽少少好有氣質好特別，尼個質地夏天搽都好適合，冬天搽厚d超有型，又可以保濕 有少少藍紫色嘅閃粉 超愛❤️💙💜 不過容易甩色，對持久度有要求嘅朋友慎購

chasiutung好用推薦：我買嘅係新版Dior 豐唇蜜003 ,007同038 我第一支買嘅係一支冷門色色號007搽上唇嘅色係淡櫻桃色 我去到專櫃買嘅時候可以買嘅色吾多本身想買嘅色都賣哂 007搽係手係桃紅色 但我深唇色搽到上唇係日系妝嘅淡櫻桃色 新版Dior 豐唇蜜搽上嘴有薄荷涼涼嘅感覺 搽咗會有嘟嘟唇嘅效果 缺點係太沾頭髮啦 但不減我嘅喜愛度 之後職員通知我003同038返左貨 我即刻買返003係有閃粉嘅搽上唇無咩顏色閃令令咁 038係我最期待嘅一支 我深唇用係裸粉色 Dior 豐唇蜜係有減淡唇紋嘅功效 職員話001 可以當唇膜搽 搽完訓教有效唇部修護減淡唇紋 唇色會變淺 #BA照

Fng好用推薦：我無論冬天或夏天都會嘴唇甩皮，又乾。終於遇到呢枝Dior lip gloss 002号色就有救，它有顏色(淡淡粉紅)得嚟，又滋潤 ，同埋最重要係持久力驚人，朝早搽咗，黃昏補一次，全日唇部已經好夠潤+有少少bling bling感覺。 唯一要挑剔 嘅話，係佢顏色唔會遮到你本身嘅唇色，因為佢係透明咁十足。

🌸好用推薦：我係成set買嘅，保濕效果好好，清爽唔笠，搽完好似全日飲飽水咁，但冇抗皺同去黑眼圈嘅效果，比較適合25歲以下年輕嘅用家。 清新嘅茉莉花香好好聞，而且略帶冰爽嘅清涼感，夏天使用特別舒服。

Sarah好用推薦：2012年生產，2017年停產。作為Miss Dior EDP(2012)的 die-hard fans，為了囤貨找遍全網，最終買了3枝100ml。一枝平日用，一枝後備，一枝珍藏。為咗令佢唔好咁快變質，我唯有用保鮮膜包住其中一支，再放入密封箱。其餘兩支平時都用保鮮袋裝住，不過其中一枝蓋頂的金屬蝴蝶結開始變色。🥲 聽上去好瘋狂，但實在太喜歡2012這個版本的香味。這個版本一開始帶有香甜醒神的橙香、之後以薔薇和茉莉為中調，以及濃厚的廣藿香為木質基調，琥珀色的液體感覺就像香檳一樣，味道層次分明，恰到好處。❤️濃厚的粉感和清新的橙香互相平衡，令人感覺到陽光和大地的氣息，是一支很有活力又甜美的香水。其實沒有怎樣理會這支香水適合什麼年齡使用，總之就是很喜歡這個香味。 但實在不明白為什麼要停產，甚至email過Dior反映意見。新版的味道太着重廣藿香，變成粉紅色，完全比不上這款鮮明和吸引。😔😔

Kura好用推薦：係我最鍾意嘅甜味。味道超好聞，一年四季噴都有唔同嘅感覺，但價錢偏貴，但我都幾鍾意呢隻味 @cosme

Kura好用推薦：價錢偏貴，但搽上手效果真係唔錯，同埋外形非常具有時尚感，我幾鍾意用

Poyobb好用推薦：用到尾先寫評價，我都應該用咗兩三年🤣 感覺冇咩特別。又冇話好差，又冇特別好，所以先會用到鐵皮，但係如果出街影相嘅日子我唔會用呢盒粉餅，佢未算最靚。但係日常日子就會用佢，因為品質又唔太差。 0N，好似最白嘅顏色，因為我主要用嚟補妝，揀返偏白少少嘅顏色。我淨係用喺T位，吸油，補妝都OK同粉底液融合得唔差，無斑駁。 前排睇到有YouTuber介紹介紹呢盒粉餅適合混合性皮膚用，需要再上粉底液。當乾粉餅用，即係直接用完base再上呢盒粉餅，會過白，同埋顯粉感。 我覺得就質素一般，粉質唔差但冇咩特別，但係Dior嚟講又唔算太貴。

Wkk好用推薦：聞起嚟呢個粉餅有一陣淡淡嘅香味，並且可以用濕粉撲作為底妝去使用，用嚟補妝都得，非常方便

Kura好用推薦：搽上手指甲非常有光澤感，同埋搽上手好快乾，可以修飾到指甲嘅瑕疵