ORIGINS 好用推薦產品

jhope0725好用推薦：不知道大家會否出現一朝早起身覺得面容冇乜氣息，乾燥暗啞，浮腫？呢枝精華正正就係標榜針對以上情況而設，為早晨肌膚注入活力，所以當初吸引我購買。 成份包含咖啡因以及人蔘，協助減退浮腫以及提升皮膚活力，呢支已經係我使用嘅第二支產品，早上用佢，係可以令到膚色相對均勻，輕微提亮，肌膚變得飽滿，亦都為後續其他護膚產品以及化妝產品打好個底~ 唔會同其他產品打交！ 可以睇睇使用前同即時使用後嘅效果，會見到皮膚嘅亮度輕微提升，蘋果肌附近，略見飽滿撐起。不過要留意佢相對適合油性皮膚使用，保濕持久都唔算好高，如果你想單靠佢做早上護膚，乾性皮膚或者敏感性皮膚就要留意了~可能要再配搭其他有效保濕成份🍀

Nicole 好用推薦：淺粉色的乳液質地，上臉也算是潤，但不會很黏笠，推開延展性也很好，還帶有淡淡的橘香味。 由於含酸，對我膚質（油痘肌）來說，上臉有點刺激，使用感非常不好😑 使用了一段時間，感覺效果也不是特別好，能看得出來皮膚是有變細膩，但也不是很明顯，可能唯一直觀的感受就是用完之後，皮膚沒有之前那麼粗糙了，光滑了不少。

natanatalie好用推薦：第一下泵出嚟已經覺得佢質地幾特別。唔係厚重嘅乳霜感，而係偏水潤嘅精華，推開好快就吸收，唔會留低黏膩膜感。夏天用嘅時候，皮膚即刻有種飲咗水嘅感覺，但同時帶住少少柔滑度，唔會令我覺得焗。 用咗一段時間之後，我最深刻係膚質嘅細緻度。平時油肌好容易因為出油同毛孔粗大而顯得唔平滑，但呢支精華好似幫我慢慢調整，毛孔冇咁明顯，膚色望落去均勻咗。雖然抗皺效果唔係即刻見到，但眼角同笑紋位置搽完之後，感覺有被保護住，冇再咁乾燥，妝容都貼服啲。 仲有一樣令我覺得安心嘅係佢冇強烈香味，搽上面好舒服，唔會同防曬或者晚霜打架。朝早用完再上底妝，成日喺冷氣房都唔會覺得皮膚繃緊；夜晚用完，第二朝起身皮膚仲係有光澤，唔係油光，而係健康嘅亮澤。 Origins 悅肌再生活膚抗皺精華對我呢個年紀嘅油肌嚟講，係一個平衡得幾好嘅選擇。佢既有保濕力，又唔會加重油膩，仲慢慢改善膚質，令我覺得自己嘅肌膚有被好好照顧住。