Dove 多芬 好用推薦產品

Emily Leung好用推薦：呢隻 Dove 勝肽修護髮膜（小金碗）喺香港都幾hit，以下係個人使用心得： 質地同香味 質地似濃稠乳霜，唔算太杰，搽上頭髮幾易推開。香味偏甜花香，有啲似沙龍品牌，洗完頭仲留住陣味，鍾意香味嘅人會幾受落。 即時效果 沖水嗰下已經覺得頭髮滑咗，吹乾後毛躁明顯減少，梳頭唔再咁易打結。對染燙受損、乾旱髮質嚟講，柔順感幾突出。 持續力 如果每星期用2-3次，頭髮光澤同柔軟度可以維持到下次洗頭。但若果髮質極度受損（例如漂過），單靠佢未必夠力，可能要配埋護髮油。 缺點 有啲用家覺得質地偏厚重，油性頭皮或者細軟髮質用咗會塌，建議只搽中尾段。另外香味較濃，唔鍾意香精味嘅人要留意。 性價比 以開架價錢嚟講，效果算幾驚喜，難怪被封為「平價沙龍級」。如果遇到藥妝店特價，好值得入手試吓。 小貼士 · 洗完頭擰乾水分先搽，吸收更好 · 停留3-5分鐘先沖，效果更明顯 · 細軟髮質可減少用量，避開頭皮 整體嚟講，係一隻CP值高嘅修護髮膜，特別啱乾燥、毛躁、受損髮質。

Lindabb好用推薦：我用過呢隻Dove小金碗，整體嚟講性價比超高，係日常保養嘅好幫手，但唔好期望同沙龍級深層護理一樣。 質地&香味：似乳酪咁軟滑，好易推開，唔會「漿」住頭髮。香味係好舒服嘅花香，唔會太人工，第二日都聞到淡淡香。 使用感受：搽上頭髮即刻覺得順滑，沖水時明顯變軟，冇假滑感。我係電染受損髮，用完吹頭順好多，打結情況少咗8成。 效果持久度：如果冇用風筒，順滑感大約維持到第二日。但如果有吹頭/用電捲棒，建議隔日就要再用，持久度中等。 性價比：$60-70就有成300ml，一週用2-3次都用到成個月，日日用都唔心痛。 溫馨提示： · 一定要避開頭皮，否則會太滋潤令頭皮出油 · 停留時間跟包裝寫3-5分鐘就夠，唔使敷過夜 總結：適合追求平靚正、懶人日常保養。但如果頭髮嚴重受損（漂到金毛獅王咁），呢盒會唔夠力，要轉用更厚身嘅髮膜。

葉子🍃好用推薦：見到Dove出左藍莓雪酪香磨砂膚就試下，一打開好香藍莓味，顏色係夢幻紫色，包裝印刷幾靚，價錢不貴，質地好似雪糕沙冰甘，沐涼濕水後加磨砂膏搓身，粒子易推易溶，磨擦感唔算大，搓完分兩次沖洗乾淨，用後皮膚變得舒服，無黏笠感

pinkgorgor好用推薦： 首先，多謝 @cosme and @dove 俾我試到兩個新味道嘅身體磨砂膏。 藍莓味比較清新順滑，而今次呢個楓糖餅口味，香味相對較甜。質地唔算太粗，但對腳跟同手踭啲厚角質都幾有用，磨完明顯滑咗。 AHA成分感覺有幫助軟化死皮，用完皮膚唔會乾到繃緊，仲有少少潤。香味係甜甜地楓糖餅，沖涼時幾舒服，不過如果唔鍾意甜味可能會覺得偏濃。整體嚟講適合一星期用一兩次，做下基本去角質都OK。 市面上好難搵到一啲磨砂膏係適合去啲厚角質又唔乾嘅，所以整體用完感覺良好會再購買

美容L好用推薦：多謝@cosme同Dove，我有幸試到兩款Dove雪糕感身體磨砂膏，分別係藍莓雪酪香同楓糖餅乾香，兩款我都試完幾次，想同大家分享真實感受，因為今次撿到寶了😊 首先講藍莓雪酪香嗰隻。味道相對比較淡，唔係那種濃烈果香，而係清新帶點酸甜嘅藍莓味，聞落去好舒服，不會太甜膩。質感就係我最鍾意嘅地方，綿密又幼滑，推開時好易推，顆粒細緻，磨砂感明顯但完全唔刺激。即使我有幾處皮膚紅腫，搽上去都好溫和，冇覺得刺痛或者不適。磨砂完之後皮膚即時變得柔軟好多，好似剛食完一碗藍莓乳酪咁滑嫩，保濕感都幾足。沖洗都好乾淨，一沖就走，唔會殘留。我今次挑選咗有少少紅腫嘅地方嚟試。持續用咗幾次之後，感覺全身角質薄咗少少，皮膚光滑咗啲，特別適合敏感或者容易紅腫嘅肌膚使用，我覺得好安心🙌 另一款楓糖餅乾香就完全唔同風格！呢隻啡色磨砂膏顆粒明顯粗粒好多，磨砂力強得多，尤其係手肘、膝蓋同腳跟這些角質厚嘅位，用落去即刻有感，一推就覺得老化角質被帶走，好滿足！香味係我最愛嘅部分，甜美嘅楓糖餅乾香超吸引，好似真係有塊暖暖嘅餅乾喺度，聞到就開心🍪 磨完之後皮膚一樣好滑，但因為顆粒較粗，感覺去角質效果更徹底，特別係關節位。沖洗都幾方便，

Cole Cole 好用推薦：Dove價錢親民，香味選擇多，最緊要係夠溫和，唔會令皮膚敏感，日常用真係啱晒。經典牛奶香味淡淡甜香，沖涼時聞到好放鬆，但留香唔算持久，適合唔鍾意太濃烈味道嘅人。泡沫屬於細密綿滑，用沐浴球會更豐富，用手就比較適中。 保濕力good，用完皮膚好滑，完全唔乾燥，秋冬用都夠力。清潔力偏溫和，日常去汗水油脂冇問題，但唔會有「超乾爽」感覺。 整體好用，保濕、溫和潔淨嘅沐浴露，特別啱乾燥肌或者鍾意滋潤膚感嘅人。

Sakura醬好用推薦：Dove沐浴露，家中必備好物 用咗好多年，一直都用呢個牌子！價格優惠，香味選擇多！最緊要係夠溫和，唔會敏感！作為日常用嘅沐浴露，不過不失！ 香味： 經典原隻款係陣溫和嘅牛奶甜香，唔算好濃烈，但沖涼時聞到好放鬆，留香唔算持久，沖完過一陣就散得七七八八，適合唔鍾意太濃味嘅人。 泡沫豐盈度： 泡沫唔算超級多，屬於細密綿滑類型。如果用沐浴球可以搓出豐富泡泡，但如果就咁用手，泡沫量就比較適中。 滋潤保濕： 呢個係Dove嘅最大賣點！用完好明顯感覺到皮膚好滑溜，完全唔乾燥，更加唔會有「繃緊」嘅感覺。就算係秋冬乾燥天時用，保濕力都相當夠。 清潔力： 清潔力屬於溫和乾淨型，日常沖走汗水同油脂絕對足夠。如果你追求洗完有「好乾淨、好乾爽」嘅感覺，佢就可能未必係你杯茶，因為佢主打滋潤，洗完會留有層潤滑感。 總結： 係一支保濕力突出、溫和潔淨嘅沐浴露，特別適合皮膚乾燥，或者鍾意滋潤膚感嘅人。如果你係大油皮或者鍾意極致乾爽感覺，就可能要諗諗。

A&R好用推薦：Dove強韌防斷洗髮乳，乳白色洗髮乳，起泡力適中，泡沫柔滑易沖洗。清新花果香，洗完頭後有淡淡香氣，唔會太濃烈。洗頭髮洗得好乾淨。 洗完頭髮感覺乾淨但唔乾澀，髮絲柔順易梳。針對容易斷裂、脆弱嘅髮絲，提供滋養同強韌保護。價錢親民，性價比高。

Emma W好用推薦：Dove 髮源強韌防斷髮專注於修復和強化頭髮。用後感覺頭髮不再乾燥毛躁。對髮質感覺強韌左，但唔用護髮素後，有少少潤，又有點棘。 產品質地輕盈，香香的，少少水就有好多泡，容易沖洗。 適合肌膚：任何 成效度：3.5/5 持香度：4/5 易起泡程度：5/5 值得推薦度：4/5

Kelvin好用推薦：Dove清爽水嫩沐浴乳 果香系列：小黃瓜 x 綠茶 🥒 🌟比其他味道較為稀身，用完皮膚乾爽，但皮膚不會乾 🌟起泡力強，沖完涼好乾淨 🌟平價大枝，而且係買孖裝會有細支裝送 青瓜的味道好夏天，有青臭的味道，十分強烈，而且青瓜味大於綠茶味，不是每個人都喜歡，之後應該會買返其他味🤭

mcosmetics好用推薦：Dove嘅沐浴露大支抵用～白桃x白茶味係其中一隻我最鐘意嘅味，唔會太甜又夠fresh. 但佢聲稱24小時 持久水嫩，個人覺得冬天用黎沖涼係好乾，所以天氣乾燥會轉用bioderma (我係乾肌）不過性價比高，全年多數日子用得💝

Paris merci 好用推薦：Yuzu味道清新，感覺十分舒適，用後感清新水感。這一款比較適合夏天使用，沖完涼會留有淡淡嘅香味，足夠的清潔力，再加上價錢大眾化。保濕度夏天足夠，普遍都可以接受嘅味道☺️ 最底係萬寧或者屈臣氏做八八折嘅時候買，定價平時$35一支💕

Milo101好用推薦：價格較大眾化，沐浴乳效果一如既往的潔淨，柚子香氣更是清新的，適合夏天使用

Sakura醬好用推薦：夏天熱到成身汗，最驚「噏味」兼腋下黐立立。我用咗Dove止汗噴霧（粉色款）成個夏天，真心有啲驚喜，想同大家分享下實測心得。 1. 止汗力 & 氣味（夏天實戰） · 真係止到汗：朝早噴兩下，喺戶外行半日，腋下只係微濕，冇誇張到成灘水漬。 · 味覺層次：粉紅「絲滑乾爽」款，似爽身粉味，夏天著T恤唔驚黃漬。 2. 質地 vs 夏日濕度 · 噴霧夠幼細，乾咗完全冇白痕（黑衫實測過關）。 · 最正係「瞬間冰涼感」——噴嗰下好似沖凍水涼，喺翳焗夏天用超疏乎。 · 但留意：如果本身大汗，建議夜晚沖涼後噴一次（臨瞓止汗效果最持久），第二朝出門前補多下，咁就頂到放工。 3. 適合夏日的護膚品？ 我會話佢係「夏日必備嘅體貼單品」，因為： · 冇酒精，噴完腋下冇敏感泛紅（我皮膚薄都OK）。 · 添加1/4保濕乳液，沖涼後用唔會乾爭爭，比起普通止汗劑更親膚。 · 唯一缺點：噴頭用耐咗會少少塞，要定期用濕紙巾抹下。 總結：如果你受夠夏天「汗味+白漬+黐立」三部曲，Dove呢枝絕對係性價比之選。記得噴前搖勻，離遠15cm噴，咁就均勻又省用量。成個夏天靠佢，終於敢舉高手搭地鐵啦！💪 #夏日#夏

莓莓好用推薦：Dove多芬止汗香體噴霧，夏天必備！ 對呢支嘅味道真係愛到唔識講！係BB味、軟綿綿嘅味、爽身粉嗰種味！ 香港一到夏天就熱到癲，一出門就變汗人！就算係咁，朝早噴完出街，到下晝都仲隱約聞到香噴噴，真係好堅！我本身唔算大味，但出汗腋下總會有少少酸酸哋，噴完呢支之後腋下基本冇味！超勁，仲要好持久！ 噴嗰下係有少少冰涼嘅，但想靠佢止汗就唔使旨意喇。 總結嚟講： 清涼度：⭐️⭐️⭐️⭐️（得噴嗰幾秒有） 味 道：⭐️⭐️⭐️⭐️⭐️（如果你鍾意軟綿綿嘅BB味） 抑 味：⭐️⭐️⭐️⭐️⭐️（大熱天時腋下都冇噏味） 持久度：⭐️⭐️⭐️⭐️（唔做劇烈運動，頂到8個鐘冇問題） 性價比：⭐️⭐️⭐️⭐️⭐️（港幣20幾蚊，感覺可以用成個夏天） 呢個真係好適合夏天嘅一款止汗噴霧，夏日必入！ #夏天#夏日#夏日護膚品

poonpoon好用推薦：Dove滋潤柔膚沐浴乳（溫和低敏配方） 買兩支優惠套裝嘅時候配搭到呢一款🤣 感覺冇乜泡，但都乾淨嘅，滋潤度都OK，比原味嗰支滋潤低少少，冬天用完皮膚唔會太乾，感覺真係幾適合敏感皮膚用。 價錢同其他dove沐浴露一樣，無話特別貴，多一個幾好嘅選擇👍🏻抵用呀

Kelvin好用推薦：Dove滋潤柔膚沐浴乳（溫和低敏配方） 🌟平價大枝，有唔同味道，總有一款會鍾意 🌟雖然呢款係溫和性質，但清潔力度足夠 🌟起泡唔會太強 🌟有如其他嬰兒護膚產品的味道，感覺比其他同系列產品高質，但價錢一樣💕 最喜歡Dove嘅沐浴乳唔同味道有唔同功效，真的有分別，我會回購依支味道👍🏻👍🏻👍🏻

sscxy好用推薦：Dove這支護髮膜，相信非常多人用過，不只便宜大枝，而且還很好用。  Dove的這支護髮膜算是我經常回購的產品之一，如果我有時間的話會搽上頭髮1至2分鐘左右沖走，但沒有時間的話亦會用它來當護髮素使用。  佢嘅質地唔算杰身，非常容易推開，上頭髮輕輕按摩後我就會等一兩分鐘左右就沖水，沖完嗰陣仲會覺得頭髮有少少滑身同順服，但效果唔算好持久。 呢一支我通常會春天同夏天使用，秋冬嘅話可能唔夠力，但大多數我都會當做護髮素使用，可以有修護效果亦唔會太立。最重要係佢價錢非常平，而且份量足夠多，所以我已經多次回購了。 對我來說，佢係介乎護髮素同髮膜中間。我就睇自己時間多少決定點樣用。由於佢使用時間比較短，所以好適合繁忙嘅都市人，推薦想短時間護髮嘅人。👍🏻

Chloeincosme好用推薦：特價$30/2 枝😍每次吱勁多都唔心痛dove 護髮精華！ 佢嘅質地輕盈易推，我通常洗頭後搽勻髮尾，輕輕按摩等一分鐘就沖水，超級適合趕時間嘅日常～ 🤍 柔順效果：4/5 沖水即刻感受到頭髮變滑，梳開時冇咁打結，毛躁有明顯改善～ 🤍 持久度：3/5 柔順感唔算好持久，大概維持到半日 🤍 使用感：4.5/5 用完頭髮唔會黏笠或厚重，亦唔會影響造型 🤍 性價比：5/5 真係平靚正之選！一支可以用好耐，已經回購咗好幾次～ 總結： Dove呢支護髮精華係懶人恩物～介乎護髮素同髮膜之間，方便快速又有效。推薦俾經常趕時間、又想保持頭髮柔順嘅你！