ESTEE LAUDER 好用推薦產品

Poyobb好用推薦：以前用過原生液，保濕度好好，只限冬天，夏天用會就爆粒粒。 睇返產品原料嘅片段，感覺櫻花水比原生亦係多咗櫻花萃取成份，一樣主要用嚟做抗老功效。質地上比原生稀啲啲，但都有一浸發酵味，即使試過倒落化妝棉度做二次清潔，而且用完都會有浸黏笠感，一啲都唔清爽，依種感覺夏天好唔舒服，混合肌唔太鐘意🫣 上網睇啲人話要建立耐受性，但我都用咗幾日至一個禮拜，皮膚都唔覺得變靚咗或者穩定咗，依個係面頰兩邊出好多暗粒，唔太適合唔會再用🥲

Mformomo好用推薦：Estee Lauder 嘅產品一直係我最愛最愛 呢枝Estee Lauder 櫻花微精華活膚原生液 我四年內不停回購同回購， 用過佢之後真係番唔到轉頭 四年前嘅我完全買唔到一直合適嘅爽膚水 直至遇見佢，我嘅T字位終於出少左好多油 皮膚亦好左好多。 佢嘅質地係唔油 好似水一樣 搽完真係好舒服 非常清爽 好適合唔鍾意笠痴痴感覺嘅朋友 佢產地有時會係內地有時係英國 要開左盒先知產地係邊度

芝媽芝豆好用推薦：ESTÉE LAUDER既Micro Essence應該無人唔識，呢支系櫻花版本，對於我混合偏乾，又容易T -zone有油，我夏天非常鍾意用呢一款，我會用棉花抺上面，會用嚟急救突然好乾皮膚，會用左爽膚水之後再用呢個加强保濕。佢可以幫助皮膚水油平衡，唔會出太多油又可以保持唔乾，可以幫助收細毛孔，自己已回購過好多支！