shu uemura 植村秀 好用推薦產品

Jasmine L好用推薦：shu uemura定妝噴霧質地係好細好輕盈嘅霧狀，一噴落面完全唔黏膩，瞬間有種清爽水膜感。 對敏感混合偏油肌嚟講，控油同定妝能力都算唔錯，噴完T字位油光明顯被壓住，妝容持久度提升，化完妝後噴一輪，返工6-7小時妝感都keep到，唔易暗沉或溶開。 整體係一支好實用嘅定妝噴霧，特別適合香港悶熱潮濕天氣同混合偏油肌。

Youpi 好用推薦： 噴霧非常幼細，噴出嚟好平均，唔會有大水珠整花底妝，呢點係我覺得佢最大優點。上面感覺輕盈，乾得都算快，妝面唔會變黏笠。 不過以定妝噴霧嚟講，我覺得持妝效果比較普通，未有明顯令底妝更持久或者大幅減少溶妝。保濕感亦唔算突出，乾肌用完唔會覺得特別滋潤。 另外佢有香味，雖然唔算太持久，但對香味敏感或者唔鍾意香精產品嘅人可能要留意。 整體嚟講，噴頭表現好出色，但定妝同保濕效果未算驚喜。

Emma好用推薦： 呢款係屬於貴婦級嘅養膚型底妝，主打高保濕同奶油肌妝效 超鍾意佢既奶油肌妝效，上臉之後會呈現出一種好高級、好有光澤感嘅奶油肌，望落皮膚好飽滿、好有質感。 入面加入咗好多護膚精華成分，質地好滑順，推開時好似用緊面霜咁滋潤，完全唔會拉扯皮膚，配合埋佢自家既粉底掃，係可以15秒上完成塊面好均勻仲要冇掃痕！ 對於乾性肌膚或者冬天嚟講，佢嘅保濕持久度真係一流，去到黃昏夜晚眼下同嘴角都唔會出現卡粉或者乾紋，亦都唔會易溶妝。 雖然有一定嘅滋潤度，但佢同皮膚油脂融合得好好，就算微微出油之後，個妝反而會變成靚靚奶油光澤，愈夜愈靚～ 不過佢遮瑕力中等，質地行透薄路線，如果面上有比較明顯嘅暗瘡印或者深色瑕疵，單靠呢樽遮唔晒 樽裝設計取粉較麻煩，類似面霜嘅廣口樽設計，覺得冇泵裝咁方便衛生

Zoe好用推薦：一直用開植村秀嘅小方瓶 但由於冬天怕乾 所以試下轉用佢地粉底霜 意外地混油肌 秋冬天都好啱用 首先絕對唔會乾 亦都唔會斑駁甩皮 遮瑕力中等 瑕疵肌可以薄上兩浸 再加遮瑕膏都無問題 大半日後出油皮膚都好靚 會有種水光感 鍾意光澤粉底嘅 絕對推薦 下個冬天都會再回購