shu uemura 植村秀 好用推薦產品

Emma好用推薦：加入咗日本宇治綠茶萃取同木瓜萃取，連續用一段時間會覺得膚色乾淨通透咗，個樣望落冇咁攰、去到黃氣，有返啲乾淨嘅透亮感，唔會話成面灰灰沉沉。 主打可以洗走面部嘅微塵同空氣污染殘留物，對於城巿人成日接觸廢氣同微粒，呢點真係幾好，不過唔知有冇真實效果。 質地：我好怕嗰啲好難洗甩嘅卸妝油。呢枝一加水捽兩下就瞬間變成白雪雪嘅奶狀，過水一沖就乾淨晒，塊面係清爽嘅，完全唔會有一般卸妝油嗰種洗唔乾淨嘅殘留油膩感。比起其他系列，呢款既味我最鍾意，係帶有淡淡嘅天然綠茶同草本清香，聞到好放鬆，好禪既感覺😂😂去咗日本竹林咁，講起我而家打緊呢篇文都忍唔住拎起黎聞 不過呢，shu其他系列卸妝油都一樣既就係：入到眼真係會迷霧世界，睇野會濛一段時間，同埋都幾痛... 另外冬天用真係會爭少少，去到冬天洗完面如果唔即刻拍 toner 或者查lotion, 塊面會有一路繃緊嘅感覺。所以如果本身好乾嘅朋友，冬天用佢真係未必夠潤，講潤就琥珀果支好啲

Emily Leung好用推薦：講到卸妝油，Shu Uemura 呢支綠茶抗污染卸妝油真係我近排嘅心頭好！🔥 話說我日日返工迫地鐵、行街食塵，塊面污糟過塊地布，返到屋企真係要用佢先安心。 首先講質地，佢唔算好厚身，推開好順滑，好似搽緊護膚油咁。乾手乾面捽幾圈，啲防曬同碎粉即刻溶晒出嚟，連眼線都捽到少少甩。加水乳化嗰下好快變奶白色，唔會那住那住，過水之後塊面係清爽嘅，唔會有層油膜感，但又唔會乾到繃緊，啱晒我呢啲混合偏乾肌。 最正係佢個綠茶味，淡淡地好舒服，唔似人工香精，卸妝嗰陣成個人鬆晒。同埋佢話抗污染嘛，我用咗個零禮拜，覺得鼻翼啲粒粒好似無咁猖狂，唔知係咪心理作用，但至少塊面無咁易暗啞。 不過要彈嘅係，如果化咗好濃嘅防水眼妝，都係要用返眼唇卸妝液穩陣啲。同埋價錢唔平，但一支有450ml，我幾乎日日用都用到三個月，除返開都接受到嘅。 總括嚟講，如果你同我一樣日日同城市廢氣搏鬥，又想卸得乾淨又唔傷皮膚，呢支真係值得投資！用完個塊面係識呼吸嘅感覺，正！💚

格仔餅公主好用推薦：膏狀上面按摩下之後會開始乳化，成個過程都幾溫和唔刺激，減少到對皮膚既刺激，卸都濃妝完全無問題，回購左第二罐

Sarah好用推薦：近年興起卸妝膏，覺得卸妝膏比卸妝油更方便。這款卸妝膏放在手心一推就會變油，不受氣温影響，方便旅行攜帶使用。佢清潔力強，亦可以順便去黑頭，推薦！

LoveFN好用推薦：「植村秀櫻花卸妝油」用後感（乾敏痘肌真心話） 用咗琥珀卸妝油將近5年，朋友叫我試紫色嗰支，點知眼大睇過龍買錯粉紅色櫻花款😭。上網一睇個個都話難用，心諗死啦硬住頭皮用……點知！！！好用到喊出聲‼️ 我本身係乾敏皮+勁易生痘，換咗佢之後，其他護膚品冇變，但暗瘡明顯少咗超多，差唔多唔再爆瘡！卸得勁乾淨，越用越愛🥹。 質地：同琥珀比稀好多，似水咁，流動性好高。 用法：乾手乾臉擠2-3泵，捽勻融妝；之後濕少少水上臉打圈乳化（第一下會稠到打唔郁，正常㗎！），再逐少加水乳化多兩次，直到臉上冇晒乳白色先過水，最後先用洗面膏。 驚喜位：佢卸Kissme睫毛膏+燙睫毛器嘅殘妝，竟然快過琥珀！以前捽到眼都紅都未甩，呢支輕輕打圈就融晒，超驚喜✨ 雖然植村秀冇主打呢支，但我想同買咗嘅姊妹講：唔使灰心，放心用！ 真心正，尤其係痘肌嘅朋友，呢支可能仲夾過琥珀啊～[派對R] #植村秀 #植村秀卸妝油 #植村秀櫻花卸妝油 #乾敏痘肌救星

Also melon好用推薦：之前一直用開Shu uemura既潔顏油，依枝係粉紅色加咗日本櫻花粹取💮可深度潔淨，針對毛孔問題根源，適合油性肌。 一如既往我用4/5泵份量，乾手上面打圈按60秒時間，再加水慢慢乳化，然後洗乾淨。 超級清爽～好似用卸妝水一樣咁清爽！一次過可以卸曬眼、面妝，好方便呀！洗完依然好乾淨，塊面好嫩滑。卸完都唔會話皮膚太乾！ 不過就唔係話太平，但大支裝都幾耐用😊不過睇返礦物油有機會有啲皮膚唔太受得，會有機會起粒粒，建議買細枝裝試吓先。

Fng好用推薦：植村秀 紫油淨透煥顏潔顏油｜ 🔮 產品定位：抗氧提亮型卸妝油 核心成分：日本天然紫蘇葉萃取 + 辣木籽油 ✨ 賣點： · 微米乳化科技：遇水0.3秒瞬間乳化，實測防水睫毛膏溶解速度比普通卸妝油快2倍 · 抗氧提亮雙效：紫蘇多酚清除自由基，連續使用14天膚色透亮度提升18% · 毛孔級清潔：辣木籽油吸附角栓，按摩黑頭區可帶出粒狀物 ⚠️ 使用tips： · 乾手乾面：按壓3泵於掌心搓勻再上面 · 按摩時長：濃妝需按摩60秒，日常妝30秒即可 · 乳化關鍵：用溫水沖洗至完全無油膜感 💧 膚感體驗： · 輕盈流動質地：似絲綢般滑順，香港夏天用零黏膩感 · 遇水即白：乳化徹底無殘留油感，省去二次清潔步驟 · 天然草本香：淡雅紫蘇清香，無人工香料刺激 🌿 香港天氣實戰： ✅ 潮濕夏季：清爽不悶痘，油肌都可安心用 ✅ 乾燥秋冬：保濕力足夠，卸後不繃緊 ✅ 敏感期：可作30秒快速按摩，溫和清走防曬 總結：卸妝界的「抗氧化先鋒」！特別適合香港潮濕天氣追求清爽與亮澤的混合肌，性價比更勝bobbi brown潔顏油～💜 #植村秀紫油 #卸妝油評測 #香港卸妝推薦

FishFish好用推薦：講到卸妝，真係要搵支又溫和又乾淨嘅先得。呢支植村秀「淨透煥顏潔顏油」，我回購咗起碼三支，真心覺得要同大家分享下～ 質地係嗰種好輕盈嘅油，唔會立黐黐。乾手乾面㩒兩三泵，打圈按摩全臉，眼妝唇妝都捽得甩，防水睫毛膏都冇問題。 最正係加水乳化超快，變晒白色奶狀，沖水後塊面乾淨到好似剝殼雞蛋咁，但又唔會繃緊。以前用過啲卸妝油，一係卸唔乾淨，一係洗完塊面乾到裂，呢支完全冇呢個問題。 味道方面，有陣淡淡嘅草本清香，唔會搶鼻，卸妝嗰陣順便放鬆下。我本身混合肌，T字位易出油，用咗都冇話生粒粒或者爆痘。不過提提大家，乳化步驟一定要做足，唔係嘅話幾好嘅油都會塞毛孔㗎。 價錢係貴少少，但一支用到兩個月左右，除開都唔算好肉赤。如果好似我咁日日化妝，又想卸得乾淨又唔傷皮膚，呢支真係值得投資。回購清單長期佔一席位，冇得輸！

Bendict好用推薦：轉天氣 比較乾燥 上妝上唔到 呢支精華水係BA小姐推薦 搽咗係水油平衡好咗 上粉底無咁卡😹 我敏感肌偏乾 呢支植村秀嘅化妝水 加埋佢嘅精華油用 個妝可以化到好貼 但問題就係小貴🫠

maylam好用推薦：買野送嘅sample 一搽上臉即刻feel到保濕咗 成塊面好舒服 我會冬天先用 不過夏天冷氣房用都幾保濕

ZoeTung好用推薦：買嘅係櫻花味 淡淡花香味 噴霧水珠唔算大 唔錯 可能帶咗口罩關係 定妝效果中上 但有機會會回購

maylam好用推薦：之前會員生日禮物送嘅 我會冬天當保濕噴霧用 冇特別當定妝噴霧用 都幾保濕 化妝之後噴上臉會更加舒服

Hippoqueen好用推薦：家姐推介我用Shu uemur 植村秀細緻毛孔潔顏泡沫。呢款潔面產品無化學香味，按一下就有豐盈泡沫，洗面十分方便。足夠潔淨力但又唔會令皮膚繃緊，就算秋冬乾燥季節都適用。#洗面 #潔面

maylam好用推薦：專櫃送嘅禮物 泡泡好多好綿密 清潔力度幾好 洗完面唔會太乾 幾滿意

bbbcls好用推薦：膚質：混合性（T字位出油，面頰偏乾） 清潔力 ★★★★★☆：之前用唔岩方法所以搞到成日起暗粒，之後用岩左方法卸妝，卸得非常乾淨。 清爽度 ★★★★☆☆：始終係卸妝油，所以用完之後眼仔部份會有少少黏笠感，記得要用潔臉產品洗一次全臉。 質地 ★★★★☆☆：油狀，唔會太稀唔會太杰。 香味 ★★★☆☆☆：個人感覺係中性木質香氣。 方便 ★★★★★☆：按壓泵頭，一按即用，十分方便。 shu uemura ultime8 黃金琥珀養膚潔顏油清潔力出色，適合各種膚質。但要注意要正確使用，用唔岩好容易出暗粒！

angelawong114好用推薦：植村秀的卸妝護膚油是我多次回購的好物，眾多系列當中，最適合我的是其琥珀系列，是我每天卸妝潔顏護膚的好幫手，最近還推出了進階版，期待嚟緊試試有什麼分別啦🥳

格仔餅公主好用推薦：綠茶味就唔覺，佢無咩味，個質地清爽唔油，濃淡妝都卸得好乾淨，不過停左產好可惜

Sarah好用推薦：這曾經是植村秀的王牌產品，不過已經停產。用過幾年綠茶卸妝油，有輕微香味，用完之後皮膚清潔乾爽，唔會太乾。

inkitsung好用推薦：👉🏻植村秀巴西莓果潔顏凝露👈🏻 又係回購過好幾次既卸妝乳👍🏻 佢既質地係屬於半透明既乳霜 每次落妝我都係用3-4揼然係打圈洗面 落用妝後會感覺到好乾淨而且唔會覺得乾👍🏻 好溫和唔會有繃緊既感覺✔️ 用呢款卸妝我亦都無敏感同生粒粒既問題 同埋呢個莓味真係好好聞呀♥️

chymiaaa好用推薦：呢幾年成日帶住個口罩出街 用呢一隻洗面就最適合 用完之後又唔會話好乾 而且仲好滋潤 又唔會話癡粒粒咁樣 適合敏感肌嘅人用👍🏻👍🏻