shu uemura 植村秀 好用推薦產品

Miranda好用推薦：【質感】 首先講質地。佢係好輕身嘅流質狀，流動性極高，唧出嚟會跣走嗰種。推開嗰下好順滑，好似搽緊輕盈嘅精華液而唔係粉底。上面之後好快就乾，但完全唔會覺得「漿住」或者厚重，感覺就好似第二層皮膚咁薄。 我最驚喜嘅係佢嘅 「粉感極低」 。之前用過好多粉底，就算標榜輕薄，用完之後都仲係會見到粉粒。但呢支小方瓶2.0，我化完妝之後望塊面，係見到皮膚嘅質感而唔係粉底嘅質感。近距離照鏡都睇唔到粉痕，呢點真係好高質。 佢仲加入咗日本大米精華同山茶花籽油，用完之後塊面有種自然嘅光澤，但又唔係油光嗰種，而係好似皮膚本身好健康嗰種透亮感。 【使用感】 呢個位係我最滿意嘅部分。我本身係混合偏油肌，T字位易出油，兩頰有時會乾。呢支粉底液嘅 「控油效果」 做得幾好，但又唔會令到兩頰覺得乾。搽完之後，T字位唔會話好快就出油，就算出咗油，佢都係融合得幾靚，而唔係浮粉或者溶妝。 佢嘅 「遮瑕度」 屬於中度，可以修飾到泛紅同毛孔，黑眼圈同痘印就遮到五六成左右。我本身唔係追求完美無瑕妝感嘅人，所以呢個遮瑕度對我嚟講啱啱好，自然得嚟又有修飾。如果當日有明顯嘅暗瘡印，我會額外用遮瑕膏補一補。 我最鍾意佢嘅 「不氧化

Emily Leung好用推薦：哈嘍～今日同大家開心share下植村秀小方瓶2.0嘅新色號 #784 用後感！😉 ✨ 首先講吓色號： #784 係黃調一白，好適合追求自然白皙感嘅亞洲肌膚！我本身係黃二白，用佢有少少提亮效果，但唔會假面，同頸部色差好細，出街好自然～ 如果你中意啲粉底同膚色融合得好，呢隻色真係好靚！ 💁🏻‍♀️ 質地同妝感： · 質地水潤，推開好順滑，上臉係半霧面啞光妝效，睇落好高級！ · 遮瑕度中等偏上，普通毛孔同暗瘡印一層基本上蓋到七八成，反覆疊加都唔會厚重。 · 因為係持久型粉底，乾得比較快，建議分區上妝，快速拍開！ 🌞 持久度： 廣東天氣咁悶熱，佢真係挺得住！我帶妝8個鐘，T位有少少出油，但冇溶妝，反而同皮膚油分融合後更有光澤感。口罩都只係沾到少少，表現唔錯～ ⚠️ 小貼士： 皮膚偏乾嘅姐妹，妝前保濕要做好！如果唔係鼻翼同眼底可能會有少少卡粉。油肌同混合肌應該會好愛佢～ 總體來講，小方瓶2.0嘅 #784 係隻好百搭嘅色號，妝感自然又持久，好適合日常返工或者出去玩用！推薦大家去專櫃試吓色，睇吓夾唔夾自己膚質啦～ 💕

mika好用推薦：佢係三合一防曬隔離霜，有防曬SPF50/PA++++ 、base、調色效果。我係混合油性皮膚，唔好用既妝前試過令我爆暗瘡，而呢支妝前係一枝輕薄底霜。 如果買自己既膚色嘅話，直接當底妝使用都OK。佢隻粉色好靚，可以做強嘅去黃效果，效果好自然。之後我用佢加上Shu uemura既foundation，妝感貼服有光澤。持妝度好好👍🏻果然同牌子既疊加一齊就唔會出錯，而且佢嘅保濕度又幾好。即使粉底液用碎粉定妝後，都唔會令個皮膚底層乾燥

Bendict好用推薦： 我買嘅色號係colorless $400一支 我覺得麻麻哋 無修飾毛孔效果 第二係太乾 一搽完上粉底 卡粉卡到飛起 如果真心要買 顏色買Beige會好啲 或者試下第二隻牌子我係敏感肌偏乾 用呢一支嘢會太乾 左中右分別係 rmk CPD 植村秀 可以見到植村秀 texture比較厚 rmk同cpd 係偏水狀 推開更加睇到 乾肌用呢支妝前打底 會比較乾 所以唔太推薦

Kitty 好用推薦：唔洗多講，眉筆界經典！硬度高，畫出嚟線條俐落，似真眉毛一條條咁，有毛絨感，又持久。超耐用，一支可以用幾年。而且呢款自動嘅，可以轉出來直接用，唔洗自己刨成砍刀形狀，顏色選擇極多，灰棕色好襯亞洲人。雖然貴少少，但物有所值💸

Sarah好用推薦：自動款跟手刨款的妝感一樣自然，適合新手用。自動款另一特點係帶有眉刷比較方便，又唔洗下下刨筆咁麻煩，推薦！

Poyobb好用推薦：眼線筆硬筆質地，不容易上色，不容易畫。我將枝筆垂直，用筆尖先出到色！黑色非常濃黑，顏色好出，但非常容易結塊，眼線好難畫到顏色均勻，不過都好難捽甩。 BA教係用於內眼線位置，無咁容易甩色，但我直程上唔到色。每次一大力就整斷支芯😅 Shu uemura 眉筆、底妝產品都唔錯，可能係我唔識運用依枝眼線筆🫣

poonpoon好用推薦：2024年有新嘗試，試新出嘅眼線筆😊 Shu uemura 極細持久3D凝膠眼線筆 👉🏻墨黑色 ⭕️ 1.5mm極幼細筆芯，易上色 ⭕️ 唔易甩色，要用卸妝油先溶到 ❌筆芯偏硬，少少起結塊 ❌偏貴 Shu呢支眼線筆偏硬，硬到唔知點用，用於內眼線好痛、眼線出色唔太均勻。我都係用返眼線液較適合。 雖然眼線筆容易控制過眼線液，新手買眼線筆唔建議買黑色，用返啡色/啡比較柔和🫶🏻

katiimky好用推薦：由2022年用第一支開始 我嘅眉妝首選就一直係shu uemura武士刀眉筆！呢支妝效自然、容易上手又持久✨ 我用開02灰棕色 無論黑髮定深啡髮都完美配搭 顯得溫柔又不失自然～如果染咗淺啡髮 再加層染眉膏就搞掂 一支可以搭配多種髮色 呢支眉筆顯色度好自然 一筆筆填補空隙完全唔怕失手 畫完可以再用眉刷掃一掃眉頭 畫出嚟超有骨相感同日雜鬆弛感 不過記得要喺有底妝/油份嘅眉上畫先易上色 而且持妝同抗汗力亦相當出色 由朝到晚放工返屋企 眉形依然完整唔會甩色 武士刀斜角設計真係好用 闊面打底、尖端畫眉尾 加上極度耐用 一支用到一年以上 CP值超高！唯一美中不足係想維持武士刀筆型要返專櫃搵BA削 但我懶會自己直接用刨筆刨一樣咁好用～雖然要定期刨筆 但效果同耐用度 絕對值得回購🧡

Kelvin好用推薦：Shu uemura武士刀眉筆 02灰棕色 灰棕色略帶紅調棕色，自然顏色不會過深，黃皮膚/髮色自然黑色啡色都啱用，呢支應該最多人啱用 05深灰 呢隻顏色同市面上其他眉筆嘅灰色唔同，偏向亞麻綠色調，如果鍾意粗獷或者注重眉妝嘅女仔會鍾意 筆芯軟硬度適中 ，出黎顏色均勻唔cake，由描繪，勾畫到野生眉，都好幼細 用鈍咗眉筆記得去返專門店可以免費削返武士刀形狀～ $230/4g除返開其實唔貴，質素高！ 提返新手呢支眉筆一定要喺上完粉底液或者防曬，有油性成份嘅底妝下，先會上到色㗎⭐️ 我自己鐘意畫完眉上返眉gel ，就keep到全日😀

mika好用推薦：shu uemura（植村秀）無限輕透持妝粉底液（舊版小方瓶）曾經風靡一時，雖然官方已經推出咗升級版 cosme HK，但舊版喺好多人心目中依然係一代「油肌/混合肌神霜」。 呢款舊版粉底主打輕薄、霧面妝感 🌟舊版小方瓶優點會呼吸的輕薄質地：質地偏水感、流動性高，上臉好輕透，完全冇傳統高持妝粉底嗰種厚重、焗促嘅面具感 。 越夜越美麗（奶油肌）：控油力極強 。啱啱上妝係高級嘅半啞光（霧面）妝效 ,我到下晝肌膚微微出油之後，粉底會同油脂完美融合，變成勁靚、有光澤嘅天生好皮奶油肌 cosme。 仲抗氧化、不暗沉：好多持妝粉底到夜晚會變黃變灰，但舊版小方瓶呢方面做得好好，到夜晚我收工果陣都依然可以保持剛上妝時嘅明亮度 ,十分推介。

Cy好用推薦：我好落心機嘅心得～希望可以幫到想買嘅大家(*´∀`)~♥，見呢隻粉底液嘅好評排名都幾高，同啲人話夠透薄同持久，所以買左黎試～ 。 好多粉底液都冇得揀咁多色但shu uemura有20幾隻色仲要係for亞洲膚色嘅色調，呢個表示wow好pro🤣～但同時太多色揀我都買錯左色，依家呢隻對我黎講有啲黃😭 。 講下質地先：擠左滴落手度試，粉底液流動性幾高，延展性幾好，佢係流質得黎又唔係好水個隻～而我習慣用化妝蛋上妝，上妝個陣質地幾易推開，但佢乾得好快，個人覺得隻粉底有少少乾～另外‼️如果有酒精敏感的話要留意👀呢隻粉底係含有酒精成份㗎！成份表第四位！！！妝感透薄程度，個人覺得都算ok有想像中好，幾輕透ლ(╹◡╹ლ)，有70分～！妝後皮膚係算幾舒服嘅～而妝感望落都唔太厚。但上完粉底後會有少少黐立，所以最好要用蜜粉定妝！ 。 遮瑕度個人覺得有65分，都算唔錯～可以一層層叠上，但如果多瑕疵就建議一定要用埋遮瑕產品啦！(左邊上完粉底加蜜粉)vs(右邊冇擦任何野) ##影出嚟因燈光效果可能有色差！個實色係偏黃，但遮瑕嘅程度都應該ok可以對比到嘅！ 。 有實測過乾燥熱天出完街又冇補妝情況之下，係有出油嘅，但出左

maylam好用推薦：搽上眼之後會顯得好有神對眼好好睇 但係持久度一般 幾個鐘之後就會染到下眼 所以麻麻地

Joyce好用推薦：使用後眼睫毛纖長，而且根根分明，防水，不容易暈染到眼影