shu uemura 植村秀 好用推薦產品

綺羅香好用推薦：因為上個月搶月光眼影失敗，轉咗去搵代購，好唔容易盼到上手，新月外殼非常之靚，表面有一層軟墊，眼影盒比較有厚度，配寶藍色顯得好高貴，加上用金色線條描繪變色後月野兔嘅經典post，單係外觀已經值得美戰迷收藏 打開一睇配色，比起另一盒永恆稜鏡易配搭好多，容易畫日常眼妝，少少飛粉，霧面乾爽順滑，珠光同亮片就濕潤顯色，特別係大亮片令我有啲驚喜，以往摸過其他牌子大亮片都係比較乾澀粗糙，而且抓皮膚力弱，上眼皮時好易跌度成塊臉都係亮片，植村秀嘅亮片就無以上嘅問題，持妝半日都仲係原來嘅位置，質量真係非常優秀 配搭產品：canmake 眼線膠筆、睫毛打底，ettusais睫毛打底，UD牛郎色眼影 #火熱新品

iliya 好用推薦：植村秀Crossover美少女戰士推出嘅呢款眼影組合梗係美戰迷嘅must收藏list之一啦！藍色嘅新月配搭金色線條，外型高貴，內含9種眼影顏色，眼影顯色度高，有些微飛粉現象！

Kitty 好用推薦：唔洗多講，眉筆界經典！硬度高，畫出嚟線條俐落，似真眉毛一條條咁，有毛絨感，又持久。超耐用，一支可以用幾年。而且呢款自動嘅，可以轉出來直接用，唔洗自己刨成砍刀形狀，顏色選擇極多，灰棕色好襯亞洲人。雖然貴少少，但物有所值💸

Sarah好用推薦：自動款跟手刨款的妝感一樣自然，適合新手用。自動款另一特點係帶有眉刷比較方便，又唔洗下下刨筆咁麻煩，推薦！

mavvv好用推薦： 隨著年末派對接踵而至，我想起我最近試用的Shu uemura無色限絹感柔霧唇膏，而我用的色號BR 793落葉棕，完美捕捉了秋冬的氛圍，帶有紅調橘橙色，成熟而溫柔。🍁 這是BR793塗色次數的效果。 這款霧面唇膏令我驚喜，它的質地比我之前想像的乾澀感好多了，反而有些細滑，塗上嘴唇後不會有顆粒感，保濕效果也相當不錯！ 我進一步測試了用紙巾輕印嘴唇4-5次，效果非常好，雖然紙巾上印走了一些唇膏，但顏色依然鮮豔。 午餐後，我用濕紙巾輕輕擦拭嘴唇，原本以為顏色會全消失，沒想到竟然還保留了一些色澤！這絕對是年末派對的秘密美妝品，吃喝之後依然能保持迷人的唇色。 非常推薦！👐🏻

Fng好用推薦：shu uemura rouge unlimited kinu satin 💄 我買色號係 OR590， 係暖色系，適合黃皮，水光質地的番茄色調，氣質+元氣結合，比較適合夏天， 同埋佢唔顯唇紋單搽唔使打底都ok。

Fng好用推薦：shu uemura 無色限極霧保濕唇膏 BG963 超襯膚色的帶橘奶茶色，淡妝也不突兀，薄擦超美，缺點係顯唇紋， 個人認為佢保濕度一般。

Cheeeeery好用推薦：之前喺專門店買嘢送咗呢支小唇膏試用～ 顏色係OR 570柔霧血橙～ 十分顯色又好推開，而且唔沾杯 但係顏色太鮮艷，同埋上唇感覺有少少乾🤔 平時我先用其他裸色打底再淨係上少少喺唇中間，感覺都會比較日常～ 下次可能會回購其他顏色～

Fng好用推薦：shu uemura無色限炙烈漆光唇膏 我買咗AL OR 595，偏暖色調，奶茶系橙啡色，温柔格調，些許光澤感，顯色度高，薄薄一層已足夠。

貓餅好用推薦：容易上色，顯色度高，滋潤度都夠，唔會好乾，但易脫色，飯後一般都要補補色，都幾好用

Kitty 好用推薦：好耐之前入手咗植村秀嘅胭脂 #225 色號，佢都曾經heat过一段時間！呢隻色號屬低飽和粉紫色，上臉之後超級自然，黃皮打亮面中一絕，面部凹陷位置掃一掃，神奇膨漲，好似本身皮膚透出嚟嘅透亮粉紅感同膨潤感，可以後續再疊加其他胭脂，唔會太過誇張，適合日常淡妝搭配。 質地同顯色度： 粉質比較鬆，搽上臉會少少飛粉，易暈染。顯色度中等，唔會一掃就變關公臉，反而可以慢慢疊加，新手都唔怕失手！如果你鍾意自然妝感，掃一層就已經好靚；如果想突出啲，多掃兩層都唔會結塊。 持久度： 試過帶妝8個鐘，其間冇補過妝，提亮感同埋膨漲感依然keep到！冇咁易因為出油或者流汗而消失，抵讚～ 點樣用最好？ 我通常用圓頭腮紅掃，掃係眼下淚溝再輕輕向上暈開，個效果即刻年輕又精神！可以再疊加其他胭脂加強少少修容效果，睇落塊面細啲添～ 適合咩人？ 白皮同黃皮都駕馭到！尤其係亞洲人膚色，呢隻 #225 真係友好，唔會顯黑或者顯黃，反而提升氣色一流～ 總結： 如果你係鍾意自然妝感、想搵一隻日常百搭嘅腮紅，植村秀 #225 係值得投資！雖然價錢有少少貴，但品質同效果對得住個價錢～不過其他平價替代產品市面都

Mimi好用推薦：我隻色號係 strawberry parfait p01, 顏色好靚，好閃🫶🏻🫶🏻上色容易 唔會上到一達達，可以用黎當眼影用都無問題🌸

Fng好用推薦：SHU UEMURA HELLO KITTY 植村秀 唇膏 KS BR 784 brick fever 買佢嘅原因就梗係因為佢hello kitty外殼好鬼靚 ，呢個色號係近磚紅色，比較適合冬天搽， 一貫佢哋品牌嘅品質勁顯色， 持久度good，食完嘢都有四成唇膏顏色留在嘴上， 但有少少顯現唇紋， 要預先搽潤唇膏 做好打底。

Sarah好用推薦：這支是特別版和HelloKitty聯乘，因為包裝可愛所以買咗。顏色是紅磚色，非常顯色。 質地幼滑，添加了很多保濕成份，但對我嚟講都係會顯唇紋，所以要先用唇膜或潤唇膏打底再用佢。

natanatalie好用推薦：非常滋潤和顯色❤️ 價錢不算十分平，但有應該有的質素。首先，佢嘅包裝係簡單有型嘅包裝，唔係好girly fancy嗰啲，同樣佢都算幼身幾慳位。👻 唇膏本身好顯色，我買嘅係RD 163色，比較鮮紅嘅色，平時返工用好啱。佢係偏滋潤，唔會顯唇紋，所以有時我無帶潤唇膏，就咁搽佢都可以。持久度我都幾滿意，唔會話食餐飯就甩曬！🥰

Anna好用推薦：質地順滑，顯色度唔錯，持久度OK。一開始都幾滋潤，過一排其實覺得有少少乾。我隻色系350，梅紅色，有少少紫調，網上買完發現唔係好襯我😭，可能要配翻皮膚白D嘅人。

Fng好用推薦：Shu Uemura植村秀無色限聚光豐潤唇膏 -＃LS RD 163， 它富光澤感，有半透明感覺，質地超水潤，適合冬天、嘴唇偏乾用。上嘴後是漆光感，正紅很顯白， 妝感較強。

beanya好用推薦：唇膏本身好潤，有時冇搽潤唇膏打底都唔會乾，或者出哂紋，而色都keep 到大半日。

Emma好用推薦：【唇彩部門】 產品特點： 高達 74% 護唇精華配方，質地似水一樣輕柔薄透，主打將護膚成分融入彩妝中，上嘴水潤舒適。 ✨ 「絹」絲質感，搽落去好順滑唔顯唇紋。並帶有檜木香氣，使用時可以放鬆心靈。 ✨呢個brand好多色號都係亞洲專屬低飽和裸色調，專為亞洲人膚色設計，主打清透、低飽和裸感與提亮膚色效果。 ✨極佳保濕與修飾唇紋效果：質地非常滋潤，能有效撫平唇紋，乾燥嘴唇瞬間變玻璃唇一樣飽滿。 ✨清爽不黏膩：雖然含有高比例既精華成分，但質地輕透、不黏笠，全日維持舒適感。雖然水潤，但唔容易沾杯，持色度滿意。搽完就有立體亮澤且全日滋潤既雙唇。 呢隻係KG BG958色，係偏向冷色調（影完出黎變咗橙tone)但又唔會係barbie粉咁，隨便一搽，就算冇化妝都會好靚有鎖色效果，搽完一陣之後用手不停搓都依然有顏色，而且唔會推開到周圍都有色