SHISEIDO 資生堂 好用推薦產品

lonia好用推薦：最近入手咗呢款Shiseido 養膚精華蜜粉，主要係因為睇中佢上妝同時可以護膚嘅特點。經常化妝嘅女生，揀啲對皮膚好啲嘅化妝品係好重要！聽BA姐姐講，呢款產品每粒蜜粉都有透明質酸包圍，所以可以做到長效補濕功效。唔好忽略夏天補濕嘅重要性，長期身處冷氣房，都好易抽乾皮膚水份。使用呢款蜜粉，長期身處喺冷氣office都完全冇感覺到皮膚乾燥。 蜜粉附有粉撲，唔需要另外添置。粉盒係網面設計，用粉撲輕壓就可以。我買呢款色號係01，係帶光澤嘅白色細緻蜜粉。上妝後唔會影響妝容色調。佢嘅妝效透亮、有光澤感，雖然透薄，但無損佢嘅控油力，T字位冇出現泛油、浮粉情況，上妝後可以keep到大半日，持妝度都好理想。 同時具備補濕同控油力，推薦俾喜歡透亮而帶光澤感妝效嘅女生！

Hoikiki好用推薦：Shiseido養膚修護精華蜜粉使用心得 喂，呢盒Shiseido碎粉，我用完真係有啲嘢想同你講！ 粉質好輕薄，倒出嚟真係好似煙咁散，輕到無朋友。拍上塊面嗰下，零！粉！感！ 好似第二層皮膚咁，完全唔驚一笑就龜裂。 個妝效都好完美，唔係死白嗰隻，係幫你塊面打咗層天然柔光，鼻翼兩邊啲毛孔即刻隱形，望落似訓飽8個鐘，皮膚好到可以呃人。 養膚係咪堅？ 真心，有扮護膚成分，試過捱夜殘樣用佢，卸妝後塊面仲係軟淋淋、唔繃緊，唔似平時啲碎粉吸乾你水份，敏感肌姊妹都用得放心。 控油頂到幾耐？ 我混合肌，返工朝9晚6都叫hold到，出油後唔會一撻撻，反而變咗靚靚奶油光。不過大油皮就真係要預咗補妝，乾肌冬天用直頭係恩物。 缺點： · 貴！真係貴！買嗰陣個心揪一揪。 · 佢唔會幫你遮雀斑暗瘡，瑕疵要自己搞掂先。 · 個網窿有時出粉一嚿嚿，記得倒落紙巾再上，唔好直接撲，如果唔係變麵粉頭。 一句到尾： 如果你想搵盒碎粉「扮天生好皮膚」，呢盒係頂班。但如果要控油控到乾爭爭，佢唔係你杯茶。 #碎粉 #日系品牌 #平民試貴婦 #養膚碎粉 #Shiseido碎粉 #冇粉感 #扮天生好皮 #化妝#

Kmggigi好用推薦：Shiseido 養膚柔霧修護精華粉底 — 日常夠用嘅柔霧遮瑕底妝✨ 呢款粉底用嚟日常出街其實好方便， 本身已經有 SPF30 防曬度， 平時簡單上妝、返工返學或者短時間外出都幾夠用。 妝感: 佢嘅遮瑕能力相對偏強， 可以修飾膚色不均、泛紅同細小瑕疵， 想要妝感比較完整乾淨嘅人會幾啱。 上面之後係比較柔霧感嘅妝效， 偏啞光，唔會太水光。 整體睇落乾淨利落， 適合鍾意霧面妝感或者想控油感多少少嘅人。 不過以我個人喜好嚟講， 我會更偏好光澤感嘅 Skin Glow 版本， 因為妝感會更透亮、更有水潤感。 呢款柔霧版就比較適合想要遮瑕力同霧面效果嘅日常底妝。 總結：遮瑕力高嘅柔霧養膚粉底 Shiseido 養膚柔霧修護精華粉底適合追求啞光霧面、遮瑕度較高，又想要日常帶防曬功能嘅人。如果你本身鍾意自然光澤肌，可能 Skin Glow 版會更合心意✨ #火熱新品

chewyfruit好用推薦：【SHISEIDO養膚柔霧修護精華粉底・用後感】 （色號：210 ｜ 中性肌／偏乾 質地・輕過空氣 一唧出嚟，流動性好高，似精華水多過粉底。用手指輕輕推開，已經溶入皮膚，完全唔卡粉，連鼻翼嗰兩條暗罅都冇痕跡。用濕粉撲拍開，仲有一種「涼浸浸」嘅感覺，化妝同時好似敷緊面膜。 妝效・柔霧得嚟有光澤 佢話係「柔霧」，但唔係死實實嗰種啞緻，而係由內透出嘅自然光澤，似天生好皮膚再薄薄地蓋咗層絲絨。色號210係中性偏少少粉調，對我偏黃1.5白嚟講，提亮得嚟唔會面具，同頸部零色差，好適合想自然增白嘅亞洲膚色。 遮瑕・中上但唔厚重 暗瘡印可以疊多一層，唔會積粉；黑眼圈大約遮到7成，如果要求完美，可以再補少少遮瑕膏。最驚喜係毛孔修飾效果——鼻頭原本似士多啤梨，撲完粉之後，毛孔好似被「柔焦」咗，平滑得好自然。 持妝・越油越靚 朝早8點化完，到下午茶時間，T區出咗少少油，但唔係浮粉，反而變咗光澤奶油肌，望落仲有立體感。到夜晚卸妝前，粉底依然貼服，冇暗沉，呢點好重要！好多粉底一到傍晚就黃過我隔離阿媽，但210 keep到全日明亮。 養膚驚喜 連續用咗一星期，卸妝後皮膚冇平時咁暗啞，仲好似軟咗、滑咗。佢有

Kitty 好用推薦：近排天氣又凍又乾，轉季底妝真係好頭痛🥶 本身係混合偏乾肌，用開嗰啲粉底液一上臉就顯紋、浮粉，仲要兩個鐘後變面具面… 但！最近試咗資生堂呢款養膚修護粉底，真心想寫篇文表揚佢！ 🔸質地＆延展性： 一按出嚟勁易推開～ 似乳液嘅質地，用手指上已經好易推匀，唔使化妝掃都掂！乾肌上臉完全唔厚粉，似第二層皮膚咁貼薄。 🔸妝感： 係嗰種日系天然光澤肌✨ 唔係閃粉嗰種假光，而係皮膚本身飲飽水嘅透亮感。乾肌最怕卡粉，呢款喺鼻翼、眼下完全冇積線，連平時甩皮嘅下巴位都馴服到！ 🔸遮瑕度： 屬於中等遮瑕～ 萬年黑眼圈疊兩層遮到五成，泛紅、暗瘡印加層碎粉都隱形到。最驚喜係佢遮瑕得嚟唔厚重，唔會一撻撻。 🔸持久度： 朝早8點化妝，到下午2-3點妝容仍然健在，對持久度要求高嘅話一定要定妝！到放工前成塊面冇暗沉變灰，越夜越靚嗰種奶油肌效果💯 🔸適合邊類人？ ✅乾肌、混合偏乾必試 ✅鍾意光澤感、自然妝效 ✅追求貼服唔卡粉 ❌大油肌可能要諗諗，或者冬天先用 小總結： 雖然價錢比開架貴少少，但以質素嚟講絕對對得住個價！尤其係乾肌sis，呢個冬天真係要靠佢救返塊面～

Mandy好用推薦：呢支養膚粉底嘅#220色號真係有驚喜！遮瑕力我俾80分，平時啲毛孔、暗沉位一推就隱形，妝感好細緻，望落似天生好皮膚。但老實講，如果啲暗瘡印太深，都係要另外用遮瑕膏搞搞佢，單靠佢未夠全面。 不過要留意，上妝前一定要搽返支保濕精華打底，如果唔係，鼻翼兩邊真係會卡到一撻撻，勁樣衰！我專登室內室外各影咗張相，室外自然光下個妝仲靚，室内就睇到光澤感，大家自己睇相衡量吓。總括嚟講，妝效係靚嘅，但要花少少心機打底囉！

Sanna Cher好用推薦：使用產品240色號，左面是用手簡單抹塗的效果，右面是未使用的妝效。質地方面是有流動性但不至於超輕薄，未抹塗前，會覺得是中規中矩的粉底液。使用一字掃延伸，見整個皮膚色調有被提亮，有透明感和均勻膚色，是真的非常適合日系的妝容。完妝的照片

Wuxx好用推薦：第一次投稿 多多指教~ 因為真係太好用所以想多啲人知道依個冷門粉底液！ 大家都知資生堂有好多唔同定位嘅副線品牌， 而主線嘅光芒成日都會俾人忽略， 今次就講下依個個人覺得無敵嘅粉底！ 係香港依個夏天室內乾寒，室外濕熱嘅奇怪異世界黎講， 要搵到枝平衡到極端氣溫嘅粉底液真係唔容易，但資生堂做到啦！ 依隻粉底極高遮瑕，半泵已經可以用到全面。 我自己雖然唔係啲咩大瑕疵肌， 但透薄粉底有時疊加都未必可以做到好嘅修路作用， 所以有枝高效嘅遮瑕粉底液會方便好多。 而佢最令我佩服嘅位係， 雖然佢係霧面，但佢無霧面粉底液嘅通病， 就算係冷氣房都唔會收乾皮膚。 而鍾意水光面嘅朋友， 依隻粉底係有出光澤型咖！ 可以滿足到唔需求嘅人士。*一小泵已經可以大範圍使用* 希望依篇感想可以幫到仲未搵到心水粉底液嘅你♥️ *是次購入色號為130

Noelle S好用推薦：質地非常順滑，223 Shizuka Red顏色濃郁，品質非常好，帶微微啡調的成熟cranberry色，淡妝要另用唇掃薄塗才能配合整體妝容。近來Shiseido出咗全新TechnoSatin緞光凝亮唇膏，期待靠櫃細心挑選。

shadow影子好用推薦：質地好似軟雪糕咁柔滑，容易塗沒在嘴上，而且筆筒幼身，形狀和嘴唇貼合，比較容易使用，無咁易出界。

Nicole 好用推薦：色號是505，啞光粉，質地很驚喜，雖然是啞光的但是非常順滑，不會乾。 我覺得它比較適合淺唇，因為淺塗厚塗效果一樣，沒有變化，深唇塗了更看不出來。 適合素顏和淡妝用，是比較自然的色調。

Noel好用推薦：又一枝非常順滑好塗的資生堂唇膏，這枝唇膏係 comfort matte，塗到唇上，滋潤感不錯，不用護唇膏打底也 ok 👌 顯色度一層約七成，可堆疊到 100％飽和，屬於個人愛用的秋冬唇膏產品。因為它的啞緻 finish 夠 matte，同時又沒有抽乾唇部，這個 formula 值得一推❗ 包裝方面亦和品牌風格一緻，黑×紅 slim 包裝，唇膏蓋更帶磁石開關，加分❣小小一枝，可以攝到小廢包內，配合生活需要👍 顯色 🌟🌟🌟🌟🌟🌟🌟 滋潤 🌟🌟🌟🌟🌟 持久 🌟🌟🌟🌟🌟🌟 #我的秋冬愛用彩妝

inkitsung好用推薦：依家佢換左新包裝~ 但舊版呢個我都覺得好用~ 佢質地係勁水水, 唔太似粉底液~ 非常透薄順滑之餘又有護膚效果～ 夏天用好舒服, 不過就真係好薄，屬於皮膚狀態好先用得嘅粉底液

BwTw好用推薦：這是去年舊版的sample，上妝非常自然，但coverage有中上程度，一整日都唔脫妝，唔會變色，唔會變乾，非常好用。

bibubibu好用推薦：呢款就係傳說中嘅淚溝神器 本人淚溝問題比較嚴重 所以任何聲稱可以令淚溝淡化嘅化妝品 我全部都會好有興趣用 呢個係一個有藍色閃粉嘅打亮 佢比較低調 用多啲都唔會誇張 我會喺上完遮瑕 定好妝後 上喺淚溝最深色 凹陷嘅位置 佢會令到凹陷地方好似漲返少少 有淚溝淺咗嘅錯覺 另外 我都會將佢掃喺鼻梁 下巴等需要打亮嘅位置 佢嘅粉質幼細 閃光低調 可以令妝容更精緻

lingbb好用推薦：曾經網上紅極 既pk107粉餅！ 質地幼細，顏色係淺粉色，好岩打亮用，係比較低調用黎均勻膚色，少少提亮效果用。 佢既作用係以前閃光燈打出黎塊面會有機會白咗好似麵粉咁，使用佢之後就會無咗呢個問題，用耐咗覺得佢有d乾，所以就無再用。

katrina523好用推薦：Omg 平靚正 $2xx 每次用少少 好出色 好自然 有my skin but better 的感覺 ， Cream texture 容易同粉底blend together and make a very soft and natural look. #1 成日缺貨，你見到一定要買！！

jojoma123好用推薦：感覺這胭脂有點像mousse狀,很滑很易推開,而且色澤很柔和,呈現出來的胭脂很自然,不過使用的份量不好太多,建議逐少逐少的加上去,以免效果太過誇張

Kelvin好用推薦：今次介紹既highlight係香港好難買，去過好多間shiseido專櫃都話無貨，我也是去日本🇯🇵先買到。 以前shiseido出過隻帶藍光既光影PK107，以加轉咗依盒Innerglow cheek powder。 啞身黑色鋼琴面設計，扁身，Shisedo既日系design風格⭐️賣點可以令蘋果肌位置漲起 。 我用佢黎做眼下提亮，做到少少遮黑眼圈，再係眼下後半部份上胭脂，做返對比修飾。 依盒highlight 唔係珠光閃粉，係比較低調既光影粉，藍藍粉粉，用完皮膚睇落係變粉嫩👶🏻好加咗柔焦濾鏡效果📷凹陷既地方有漲返少少既感覺 唔建議做鼻子👃highlight，會變Avatar 依盒highlight係低調咁調整皮膚瑕疵，可能有種無需要買既想法，但又真係有效果睇到，視乎個人需要

Poyobb好用推薦：10 Medusa Pink 代替之前好出名嘅PK 107，表面睇落去淡色平平無奇，但其實好有用，佢盒光影係系唔同光線下呈現藍藍粉粉嘅顏色，微珠光光影，靠光線折射原理，令皮膚睇落膨脹返🍎 我用係淚溝、鼻翼凹位，用三角掃高掃逐下逐下輕手按壓上去，已經有柔焦效果，份量唔洗多、色素暗沉、面部凹陷位置即刻有膨脹，尤其影相好有效果。 香港成日無貨，係日本見到快啲買🗾