SHISEIDO 資生堂 好用推薦產品

ying好用推薦：✨ SHISEIDO ULTIMUNE 皇牌免疫力活膚精華 皮膚「透明感」UP‼️ 紅腰子・免疫力精華  皮膚透明感 up。」 就幾個字，但已經講晒呢支精華嘅核心價值。 ✅ 皮膚透明感 up‼️ 呢個係最明顯嘅效果！ 用完之後， 皮膚唔係「變白」， 而係「變透」。 早晨起身照鏡： ▸ 皮膚乾淨咗 ▸ 暗沉改善咗 ▸ 有自然光澤 ▸ 望落精神好多 呢種「透明感」， 係由內而外嘅， 唔係表面嘅珠光， 而係皮膚本身靚咗。 ✅ 提升肌膚透亮度 同「透明感」相輔相成。 皮膚望落更亮、 更有光澤、 冇咁黃、冇咁暗。 ✅ 改善泛紅、暗沉 用完之後， 皮膚冇咁易泛紅， 暗沉都改善咗。 ✅ 質地 精華質地，輕盈易推， 上臉好快吸收，唔笠。 用完皮膚好舒服。 ✅ 提升後續吸收 用完佢之後再搽其他護膚品， 吸收會好咗。 ✅ 皇牌地位 ULTIMUNE係資生堂嘅皇牌精華， 全球銷量極高， 用完就明點解咁多人推薦。 🌟 我嘅總結 SHISEIDO ULTIMUNE 皇牌免疫力活膚精華 皮膚「透明感」UP‼️ 用完之後， 皮膚唔係變白， 而係變透。 早晨起身照鏡， 皮膚乾淨、有光澤、 望

Fng好用推薦：資生堂第四代紅腰子精華❤️✨ 我係熟齡偏乾肌，成日覺得皮膚狀態唔穩定，時好時壞。見資生堂紅腰子出咗第四代升級版（約HK$650 / 30ml），主打修護同穩定膚況，就用咗一個月，分享真實感受～ 🧴 質地：蛋清凝露，輕薄易吸收 · 擠出嚟係透白色嘅蛋清凝露狀，好易推開 · 上面後有即時水潤感，輕輕按摩就吸收晒 · ⚠️ 吸收後有輕微存在感，唔係完全「隱形」，過一陣就自然返 · 香港春季潮濕天氣用，清爽唔立，油皮/混合肌都啱用 🔬 升級重點：第四代新加咗咩？ · 獨家專利微生物發酵山茶花精萃：激活細胞、促生膠原，養出彈嫩感 · 8國專利成分＋富純依克多因：高效保濕、舒緩乾燥、增強夜間自修力 · 經典嘅紅脈微循環技術 + 魚腥草提取物：提升肌膚免疫力，穩定膚況 · 無酒精？ 唔係，第四代依然有酒精，但日系大廠配方溫和，敏感肌都有用家話接受到 🌸 熟齡偏乾肌實測：穩定膚況最出色 用咗一個月，有以下明顯感受： · 穩定效果驚人 🌟 皮膚狀態變得好穩定，冇再無啦啦泛紅／出粒粒，真係「潤物細無聲」 · 膚質變嫩滑：持續用一段時間，摸落塊面軟滑咗，粗糙感改善 · 補水夠力：偏乾肌春天日間

Also melon好用推薦：香味有啲勁，聞落係好香。質地比預約潔身少少，好推開，質地算輕透，潤得嚟有輕盈，搽完之後不會生油脂粒。 Vital系列主打去眼紋及緊致，因此添加了A醇，Asen朝早要避光，因此vital眼霜夜晚用較適合。佢會送埋一個冰感提拉塑形按摩棒，可以用來做眼部按摩。主要嚟講去黑眼圈嘅感覺比較強。

JL好用推薦：Shiseido Vital Perfection是我很喜愛的系列，這款眼霜我已用過幾瓶，因為它真的能做到“提拉”的功效！ 每次去買護膚品，櫃姐都說我皮膚好不像40+😁😁。我認為眼部肌膚狀態真的很重要(現在戴口罩的日子更甚)，別人第一眼看的多數是眼睛，所以我不想眼周出現下垂、皺紋、黑眼圈等問題，除了生活和飲食習慣，我覺得護膚品是最能幫助預防眼周肌膚問題的。 這瓶賦活塑顏提拉眼霜質地是乳霜狀，塗抹時我會用指頭做輕按動作，均勻塗開後再沿眼周穴位稍加按壓，刺激血液流動，自從使用這方法後，我發現早已出現的幼紋都淡了，而且黑眼圈也改善很多！ 現在我會配合Shiseido Ultimune紅妍肌活眼部精華使用，增加眼周透亮感，這兩瓶眼部實在是逆齡肌的夢幻孖寶！

lonia好用推薦：最近入手咗呢款Shiseido 養膚精華蜜粉，主要係因為睇中佢上妝同時可以護膚嘅特點。經常化妝嘅女生，揀啲對皮膚好啲嘅化妝品係好重要！聽BA姐姐講，呢款產品每粒蜜粉都有透明質酸包圍，所以可以做到長效補濕功效。唔好忽略夏天補濕嘅重要性，長期身處冷氣房，都好易抽乾皮膚水份。使用呢款蜜粉，長期身處喺冷氣office都完全冇感覺到皮膚乾燥。 蜜粉附有粉撲，唔需要另外添置。粉盒係網面設計，用粉撲輕壓就可以。我買呢款色號係01，係帶光澤嘅白色細緻蜜粉。上妝後唔會影響妝容色調。佢嘅妝效透亮、有光澤感，雖然透薄，但無損佢嘅控油力，T字位冇出現泛油、浮粉情況，上妝後可以keep到大半日，持妝度都好理想。 同時具備補濕同控油力，推薦俾喜歡透亮而帶光澤感妝效嘅女生！

Hoikiki好用推薦：Shiseido養膚修護精華蜜粉使用心得 喂，呢盒Shiseido碎粉，我用完真係有啲嘢想同你講！ 粉質好輕薄，倒出嚟真係好似煙咁散，輕到無朋友。拍上塊面嗰下，零！粉！感！ 好似第二層皮膚咁，完全唔驚一笑就龜裂。 個妝效都好完美，唔係死白嗰隻，係幫你塊面打咗層天然柔光，鼻翼兩邊啲毛孔即刻隱形，望落似訓飽8個鐘，皮膚好到可以呃人。 養膚係咪堅？ 真心，有扮護膚成分，試過捱夜殘樣用佢，卸妝後塊面仲係軟淋淋、唔繃緊，唔似平時啲碎粉吸乾你水份，敏感肌姊妹都用得放心。 控油頂到幾耐？ 我混合肌，返工朝9晚6都叫hold到，出油後唔會一撻撻，反而變咗靚靚奶油光。不過大油皮就真係要預咗補妝，乾肌冬天用直頭係恩物。 缺點： · 貴！真係貴！買嗰陣個心揪一揪。 · 佢唔會幫你遮雀斑暗瘡，瑕疵要自己搞掂先。 · 個網窿有時出粉一嚿嚿，記得倒落紙巾再上，唔好直接撲，如果唔係變麵粉頭。 一句到尾： 如果你想搵盒碎粉「扮天生好皮膚」，呢盒係頂班。但如果要控油控到乾爭爭，佢唔係你杯茶。 #碎粉 #日系品牌 #平民試貴婦 #養膚碎粉 #Shiseido碎粉 #冇粉感 #扮天生好皮 #化妝#

WinWin好用推薦：Shiseido 養膚柔霧修護精華粉底做到真正嘅美妝同時護膚嘅神奇功效，蘊含北海道的發酵米精萃及Niacinamide等高效護膚成分，採用獨創Serum First精華環鎖科技，有效鞏固肌膚屏障機能，24小時持久控油保濕及提升光澤感❤️ Shiseido 養膚柔霧修護精華粉底選用按壓頭設計，方便控制使用嘅份量，質地係偏流質嘅輕盈透薄粉底液，就好似混合咗輕身精華液咁，而且好容易推開，延展性高，搽上面之後唔會有假面或厚重嘅感覺，反而妝感自然貼服，感覺水潤而帶有柔霧透光嘅感覺～基本嘅遮瑕度都幾好，細紋、色斑及痘印都可以輕輕遮蓋，最開心嘅係明顯遮到毛孔，修飾柔焦霧化，令肌膚睇落細緻嬌嫩。妝效都幾持久，到夜晚都只係有少許脫妝嘅情況，而且顏色並沒有氧化變黃，睇落一樣自然🙈🙈🙈 而防曬度數SPF 30•PA+++ 已經足夠日常外出使用，所以就唔洗再另外塗防曬乳，避免因為同粉底液起化學作用起擦膠碎嘅風險，粉底液都無特別嘅香味，感覺自然～💕 #火熱新品

Kmggigi好用推薦：Shiseido 養膚柔霧修護精華粉底 — 日常夠用嘅柔霧遮瑕底妝✨ 呢款粉底用嚟日常出街其實好方便， 本身已經有 SPF30 防曬度， 平時簡單上妝、返工返學或者短時間外出都幾夠用。 妝感: 佢嘅遮瑕能力相對偏強， 可以修飾膚色不均、泛紅同細小瑕疵， 想要妝感比較完整乾淨嘅人會幾啱。 上面之後係比較柔霧感嘅妝效， 偏啞光，唔會太水光。 整體睇落乾淨利落， 適合鍾意霧面妝感或者想控油感多少少嘅人。 不過以我個人喜好嚟講， 我會更偏好光澤感嘅 Skin Glow 版本， 因為妝感會更透亮、更有水潤感。 呢款柔霧版就比較適合想要遮瑕力同霧面效果嘅日常底妝。 總結：遮瑕力高嘅柔霧養膚粉底 Shiseido 養膚柔霧修護精華粉底適合追求啞光霧面、遮瑕度較高，又想要日常帶防曬功能嘅人。如果你本身鍾意自然光澤肌，可能 Skin Glow 版會更合心意✨ #火熱新品

Miranda好用推薦：【質感】 先講質地。佢係塗改液式嘅設計，用之前要搖勻。唧出嚟係好稀嘅白色液體，流動性極高，會喺手背跣走嗰種。推開嗰下係好滑嘅，但同時你會feel到入面有啲粉狀嘅微粒，應該係佢嘅防曬粉末。呢個感覺我唔係好鍾意，因為推嘅時候會覺得有啲「沙沙地」，好似有層粉喺表面磨緊皮膚咁。 上面之後，佢會形成一層好明顯嘅薄膜。呢層膜嘅存在感極強，感覺好似有一層「膠」封住咗塊面咁。用完之後塊面係清爽嘅，摸落去滑捋捋，但呢種滑唔係天然皮膚嗰種，而係好似有一層粉喺表面嗰種「假滑」。 味道方面，佢有陣好濃烈嘅酒精味。每次唧出嚟都聞到，搽上面嗰下直情會攻上鼻，過一陣先會散。我本身唔係對酒精好敏感嘅人，但都覺得呢陣味有啲刺鼻。如果你皮膚偏乾或者敏感，呢支可能會令你覺得「那」。 【使用感】 呢個位係我最矛盾嘅地方。好嘅方面，佢嘅 「防曬效果真係好強」。SPF50+ PA++++嘅最高防曬系數，配合WetForce技術，遇水之後防曬力仲會增強。試過去沙灘暴曬幾個鐘，返到屋企塊面完全冇變黑，連一啲暗沉都冇。呢點係我俾佢分數嘅最大原因，佢嘅防曬保護真係做到足，令人好放心。 佢仲有抗摩擦技術，戴住口罩幾個鐘都冇話俾口

Yty好用推薦：夏日命定防曬！Shiseido「藍樽」用後感：越熱越防水的日本神級防曬工藝身為資深防曬控，我對防曬的要求極高：既要高防曬力，又要清爽不黏膩。試過無數品牌後，這款被暱稱為「藍樽」的 Shiseido The Perfect Protector SPF50+/PA++++ 徹底征服了我。 產品第一印象與獨家科技這款防曬最厲害的地方，在於它打破了「流汗會洗走防曬」的定律。它採用了日本 Shiseido 頂尖的 SynchroShield 感肌同步防禦科技。遇熱愈強 (HeatForce)：當皮膚表面溫度上升，防曬網反而會變得更緊密。 遇水愈強 (WetForce)：當防曬接觸到水分或汗水，防禦層會變得更鞏固。這種將「防曬死敵」（汗水、高溫）轉化為「最強後盾」的逆向思維，真的只有專研防曬的日本大廠才能做得到。 我的真實用後感與個人化好處 1. 水感質地，極速成膜打開是淡淡的清香，質地是流動性很高的乳液狀。擦上臉非常水潤，推開後幾秒鐘就迅速成膜。最讓我驚喜的是，它完全不泛白、不豬油燜痘。在潮濕悶熱的天氣下，臉部依然能保持清爽的微啞光妝效。 2. 戶外流汗後的「安心感」以前去行山或者沙灘，最怕

Yty好用推薦：睇張相已經知我屋企長期有嘅貨啊，shiseido美白面膜我同媽咪一樣用咗超過四五年，係我面膜中頭10名內，面膜質地非常貼面，唔容易滑落剪裁好好，精華非常足夠，亦都唔會滴落嚟，用完之後皮膚「透明感」好明顯改善左，作為急救面膜去非常好，長期用我覺得真係有幫助改善膚色，如果追尋一個美白面膜，我非常推薦，大家去買，希望產品能夠一直出產我亦都會一直購買的 # 「透明感」 #美白透亮#【提升肌膚透明感的護膚品】

Lumi Kwan好用推薦：Shiseido美白產品來講，喺日本都相當出名，所以佢嘅美白產品長賣長有，以前讀大學嘅時候我甚至乎係全個美白系列咁用。而家我會選擇性去用唔同品牌嘅產品，但依然有用SHISEIDO嘅美白面膜。但我個人認為，單靠美白面膜唔可以做到美白作用，必定要用足夠嘅防曬產品，先可以抵抗黑色素。我會建議每星期至少用一次，連續用六片作為一個療程，會覺得皮膚真係白淨咗少少。官網話”撕除面膜時，黑色素亦隨之清除，肌膚重現明亮均勻膚色。 “，我唔太敢肯定。 呢款片裝面膜感覺比普通韓牌面膜厚。敷上面部後都幾貼面，唯獨係個下巴，我覺得mask可以再大少少。

lkylky3003好用推薦：質感輕盈不油膩，搽上面完全唔會粘粘笠笠，可以修復強韌番肌膚屏障之餘仲長效保濕,為肌膚提升水份

jojoma123好用推薦：感覺不算太厚身的面霜、由於功效主要是保濕、故塗搽後、肌膚水嫩度及透亮度彷彿有明顯的改善、但於格外乾燥的冬天使用、鎖水力稍有不足、要配合鎖水精華一同使用.

son son好用推薦：主打功效：提亮、改善毛孔細緻度。 Shiseido呢個系列嘅化妝水，算係品牌長青產品之一。佢有Shiseido產品一貫嘅優雅香味，臨瞓前使用有種舒緩壓力嘅療癒感。呢款化妝水，我會將佢倒落化妝棉，再喺面上輕輕打圈，幫助軟化同帶走老角質，加強提亮肌膚嘅功效。佢嘅質地清爽，使用完冇黏笠感，補濕效果亦都尚算理想，適合夏天嘅時候使用。秋冬比較乾燥嘅時候，就略嫌補濕度唔夠了。 使用咗大概兩星期，皮膚望落亮白咗。鼻翼兩邊本身毛孔較粗大嘅位置，毛孔亦變得較為細。 唯一缺點就係以化妝水嚟講，價錢比較昂貴，適合有充足預算嘅人士。

Sanna Cher好用推薦：產品質地屬流動性，塗抹在臉頰時，會感覺臉上佈滿精華，而且有輕微的拉扯感。塗抹兩次後，會見臉上有明顯的光澤感，而且飽滿感亦更強。

Josephine Lau好用推薦：質地清爽，不會太過黏笠，不會導致生油脂粒。 考慮可能會回購。

Kelvin好用推薦：半透明啫喱霜狀質地，推開後感覺到有好多水份，保濕度高，眼睛周圍得以舒緩。依種啫喱狀嘅質地，用無名指去按壓眼周可以減輕浮腫，但可能真係比較夜瞓，退黑眼圈感覺弱小。眼霜可以令到眼部周圍的皮膚增加彈性。即使眼霜入眼都冇刺痛感👀

Youpi 好用推薦：之前未用過防曬棒，貪得意買來用下，官方網頁話唔黏立，可以化妝前或化妝後搽，隨時可以補，我成日化完妝都唔知點樣補防曬，於是買來試吓。 始終係膏狀，啱啱搽完都有少少立，唔油膩，係有少少光澤感。我主要搽喺手臂，因為搽上塊面感覺太厚重，同埋搽完手臂，碌上臉感覺不太衛生。同埋茶想上塊面都係會有少少脫妝同黐住頭髮，好處係完全不泛白，一啲都唔乾。最後，可能手臂範圍好大，支嘢比我想像中快用完，之後都唔會再回購了。

維他他好用推薦：熱防禦果凍防曬棒，好得意，係扭出嚟用嘅，有spf 50+嘅防曬，防水，幾方便夏天攞出嚟補茶，唔笠嘅，有少少防曬嘅味道，冇色嘅 但係防曬功效不敢肯定，因為棒嘅感覺比較流😛 都係搽防曬乳液感覺會踏實啲