KOSE 雪肌精 好用推薦產品

FishFish好用推薦：老實講，呢支藍色雪肌精眼霜，我當初都係俾佢個包裝吸引咗，藍色玻璃樽真係幾靚，拎上手好有虛榮感。 質地方面，呢支杰身好多，似膏多過似cream，但搽上面又唔會話推唔開，指尖溫度一溶到佢就變返油潤，好順滑。 我自己最鍾意佢嘅位係滋潤度真係好夠，冬天喺屋企開暖氣瞓，第二朝眼底都仲係潤潤地，冇嗰種乾到繃繃緊嘅感覺。而且搽完之後化妝，眼底啲粉底貼服到呢，以前成日卡粉嗰啲乾紋，而家都唔見晒。 另外一樣嘢係，我發覺用咗個零月，眼周望落冇咁灰，黑眼圈好似淡色咗少少，雖然唔係話消失咗，但係望落精神咗，呢點我幾滿意。 不過都要講返，呢支嘢真係幾潤，如果你本身眼周偏油或者夏天用，可能會覺得痴咗少少，我自己就淨係夜晚先搽，或者冬天先用，夏天我會轉返輕身啲嘅。 價錢方面，佢定位係高端線，比白色基本款貴一大截，俾錢嗰下真係會有少少肉赤。同埋個玻璃樽好重手，只適合放屋企慢慢用，拎出街就免啦。 整體嚟講，如果你係乾眼人，或者成日覺得搽完眼霜都唔夠潤，呢支值得一試。但如果你係年輕肌或者怕痴，就真係要諗清楚先。

Nicole 好用推薦：眼霜呈乳霜質地，標準的雪肌精味道，有點厚實感覺只要一點點就足夠，真的很滋潤，暫時用了大半瓶，都沒有長脂肪粒；可見有提亮眼周、淡化細紋和黑眼圈的功效。

維他他好用推薦：平時覺得眼霜功效唔係好出，但呢隻雪肌精eye cream係可以減到少少幼紋，亦都夠滋潤，同時唔會出油脂粒，可以一試

JuneL好用推薦：呢款眼霜質地呈白色gel cream 狀，質感柔滑易推，質感偏輕及清爽，還帶有kose 美肌精一貫的香味。 據稱產品能改善鬆弛、無光澤的情形， 且添加豐富的潤膚油及滋潤成分，能調理眼周部位易流失的油水平衡。 對於眼紋較深人士，這款眼霜可能會覺得滋潤度唔夠，去紋效果唔太理想，比較啱只有細紋的人士。