KOSE 雪肌精 好用推薦產品

Fng好用推薦：雪肌精 美白化妝水 （春夏・熟齡混合偏乾肌） 如果話有一支化妝水，春夏天用完塊面會「發光」，我第一個諗起嘅就係佢。 先講質地：奶白色水狀，清爽到冇朋友 倒出嚟係乳白色液體，唔係透明嗰種，但質地好水好輕。 拍上面之後嗖一聲就吸收晒，完全唔會黐笠笠。 有用家形容係「初雪融化於肌膚」嘅觸感，我覺得幾貼切 — 即係清爽得嚟有滲透力，唔係只係「濕吓塊面」咁簡單。 香味方面，係雪肌精經典嘅草本花香味，隱約帶少少酒精味，但唔刺鼻。 透明感實測：用咗兩星期，塊面「亮咗一階」 呢支係2024年新版，加入咗KOSÉ歷時16年研發嘅甘草有效成分，係日本首個同時拎到「美白」同「保濕防止粗糙」雙重認證嘅成分。 我用咗大約兩星期，最明顯嘅改變係： · 膚色均勻咗：朝早起身望塊面，唔會再暗沉蠟黃，而係有種由內透出嚟嘅自然光澤。 · 粒粒減少：有評測話用後油脂粒都少咗，我都有同感，下巴位平滑咗。 · 泛紅舒緩：本身容易敏感泛紅，用完之後塊面冇咁「躁」，望落乾淨好多。 我自己感覺 呢支化妝水唔係漂白，而係幫你「洗走」暗沉，還原皮膚本來應有嘅透光感。 春夏用：清爽＋保濕平衡得啱啱好 春夏天最怕護膚品「

Emily Leung好用推薦：雪肌精美白化妝水使用心得 講到提升肌膚透明感，點可以唔提雪肌精呢枝經典藍水？我連續用咗一個月，同你哋真心分享吓。 先講質地：佢係好流動嘅白色水狀，有陣舒服嘅草本味（有人話似藥味，但我接受到）。拍上面好快吸收，唔會笠，好啱潮濕天氣。乾肌用可能會覺得唔夠潤，後續記得加保濕精華或面霜。 用法方面：我多數早晚潔面後用手輕拍，如果想加強透明感效果，會用化妝棉濕敷幾分鐘，尤其喺曬後或者膚色暗啞嗰排，敷完即時望落乾淨咗。 效果重點——透明感真係有提升！ 用咗大概兩星期，膚色冇咁黃，尤其額頭同下巴暗沉位明顯均勻咗。佢唔係令你變白幾度，而係由底層透出乾淨光澤嗰種透明感，望落精神飽滿。即使冇化妝，淨係搽防曬，塊面都好似飲飽水、透光咁，確實做到提升肌膚透明感。 注意返：佢入面有酒精成分，對酒精敏感或者皮膚好薄嘅朋友，建議先試咗先。另外，唔好期望佢一晚就見效，透明感係要持續用先累積出嚟。 總結：如果你係追求由內到外、乾淨透亮嘅透明感，雪肌精呢枝化妝水係入門必試。以性價比嚟講，大大枝可以用兩三個月，值得回購！ #提升肌膚透明感#透明感#亮白#提亮膚色

Chinnnnyc好用推薦：膚質： 混合性乾肌（T字微油、兩頰偏乾） 好開心這次能抽中 @cosme 的試用活動！ 身為混合乾肌，夏天挑選護膚品真的很尷尬，太滋潤兩頰舒服但T字會暴油，太清爽兩頰又會乾到脫皮。這次試用了雪肌精 BLUE 系列，覺得非常驚喜，兩款都完美平衡了我混合肌的需求！ 🧪 雪肌精 BLUE 雙層透潤精華水 I (清爽型)質地與吸收：這款是一定要搖勻使用的雙層設計。質地非常輕柔清爽而且完全不黏膩，流動性很高。上臉輕拍非常易吸收，一瞬間就被皮膚「吃」進去，膚觸非常乾爽舒服。 保濕與光澤感：雖然是清爽型，但保濕力對我的混合乾肌來說很足夠。用完後皮膚變得很水潤，而且臉上會散發出很乾淨的光澤感，顯得明亮清透，像幫肌膚開了柔光濾鏡。 膚質改善：持續用下來，覺得肌膚摸起來更有彈性，原本兩頰容易乾到粗糙的地方，也變得比較細緻軟嫩。 整體滿意度： 🌟🌟🌟🌟🌟 📝 總結評論: 簡直是混合乾肌的夏日救星！精華水清爽補水，幫肌膚打好彈潤底子。成功讓我告別夏日暗沉，養出充滿水分的透明感肌膚。 再次謝謝 @cosme 讓我抽中這麼棒的產品，一定會繼續回購！ Before After

olitong好用推薦：必須回購的本命單品🩷 本身一直有用開雪肌精的化妝水，由於非常適合我自己的膚質，因此對其品牌的產品亦特別有好感，今次有幸試用新上市的雪肌精 BLUE 雙層透潤精華水(清爽型)更加是喜出望外！這支精華水是要搖勻的，之前買過市面上其他類似的產品通常會一陣中藥味，但雪肌精這款氣味就清新舒服得多，有點很淡的薑汁撞奶味，我個人挺喜歡的，但重點還是它的功效！ 因為我是混合偏油肌，典型T字位油+U字位乾，對我而言長時間確切的保濕就是控油的最佳方法，亦是維持我肌膚穩定的最重要途徑，雪肌精今次這款BLUE 雙層透潤精華水完全做到，早上用完後即feel到佢嘅保濕效果維持到全日！上妝時很貼，外出全日妝容也沒出油，非常穩定，而且用了只是幾天已明顯感覺到皮膚比幾天前毛孔細咗滑咗！超級驚喜！佢質地非常清爽，輕拍上臉後很快吸收，完全不黏膩，即使不上妝也能看到皮膚明顯變光亮，像打了燈一樣，用了一段短時間已覺得膚色變明亮美白了一度，很開心呢～不知道圖片看不看得出來，塗上之後皮膚是亮得反光的，但體感完全不立，挺清爽的，我很喜歡💕

Emma好用推薦：少少份量已經起到好厚實嘅泡泡，洗完塊面唔會好乾，反而摸落去好柔滑，就連今次擠少少係手做示範，洗完隻手都變到滑捋捋😂 我乾性肌膚，所以啲泡泡都冇喺塊面停留得太耐，就唔覺得用完會繃緊。 氣味係有少少酒精或者番梘香，建議敏感肌嘅朋友一定要做吓test先上面，我乾肌唔敢喺朝早用，主要都係夜晚用，因為塊面出咗啲油。 可能洗面奶停留喺塊面嘅時間好短，我只係大約捽咗30秒，所以都唔期望會有啲咩美白效果，但係作為洗面奶最主要嘅效果都做到，就係：洗得乾淨、keep住用會減少粉刺，同埋唔會令到皮膚好乾 總括嚟講，原價買呢支洗面奶要考慮吓，因為做到同樣效果既洗面奶仲有其他平啲嘅選擇。

Paris merci 好用推薦：Kose藥用雪肌精潔臉轉換了新版本，佢嘅味道同以前一樣都係好好聞。雪肌精系列咁多產品都有甘草萃取同埋多種和漢植物成份，佢嘅產品嘅味道係獨有嘅。 潔臉乳嘅泡沫好綿密，喺手心起泡之後，可以好輕鬆咁推開，感覺包住晒個面，真係洗得好淨！對於我呢個乾肌嚟講，都冇一種假滑嘅感覺，洗完後皮膚唔會緊繃，而且有種柔滑嘅觸感！新版本嘅膚感比舊版好。 雖然洗面之後皮膚唔會好大變化，但皮膚冇咁乾澀，係好輕盈既狀態方便續後skincare。 我覺得唔單止係乾肌，其他膚質嘅女仔都有機會適合呢款潔臉乳，尤其喺冬季使用。我係覺得即使油肌或者混合型肌膚嘅朋友都可以試下，因為佢嘅賣點係標榜洗走暗瘡肌，幫助清除多餘油脂💕

JuneL好用推薦：用呢支產品都係因所購套裝中有呢支化妝水，呢支化妝水用一嚟可作早晚作化妝水用，二來也可作toner mask 用。 化妝水呈水狀質感，清爽中帶少許滋潤，所以用完肌膚帶有保濕感，不過我個人鍾意早上用它來濕敷5分鐘，敷後肌膚變得水潤白皙，敷後上妝都特別貼服。

Ni好用推薦：有酒精味也有他們經典的香味的一瓶 保濕度普通 適合夏天用 敏感肌的我擦上去不會感到刺激 但喜歡拿來針對t字部位比較油的地方用化妝棉畫圈 加強清潔及帶走多餘角質

誠實豆沙包好用推薦：產品簡介： ‘和漢植物植物奢侈潤澤的優質泡沫，可洗去造成肌膚黯沉的老舊角質與毛孔髒汙。溫和淨化每一吋肌理，洗出滑嫩又明亮、令人不禁想觸碰的肌膚。實現整體柔彈光滑的透亮肌膚。’ 用後感： 質地偏水狀，加水後起泡，泡泡不算綿密，清潔力強，感覺洗完好乾淨，洗完後不乾澀 多謝@cosme的試用

Monchhichi好用推薦：慣咗用洗面皂, 之前做Monchhichi promotion買埋佢, 啱啱開始用, 濕少少水已經起泡好快, 洗面後感覺乾淨又唔會乾, 之前用開嗰隻洗面皂停產, 所以好開心搵到佢！😊

貓餅好用推薦：雪肌精潔面番梘，清潔力強，洗完面後很乾淨，但番梘一般用完後面部會太乾，洗面後要加強保濕

Chloeincosme好用推薦：呢排用緊 雪肌精美白化妝水（滋潤版），雖然叫做化妝水，不過佢嘅保濕能力真係拍得上精華😂油肌應該用唔到，上完面會笠痴痴要時間吸收～ 🤍 保濕力：5/5 質地濃潤似精華水，拍上臉有種肌膚食飽水嘅滿足感，開大冷氣既日子用特別舒服！ 🤍 吸收度：3/5 滋潤度高的確需要多少少時間吸收，用完會有層薄膜感，油肌可能會覺得負擔～ 🤍 美白效果：4/5 持續使用覺得膚色均勻咗，暗沉位置有提亮，配合乳液效果更明顯！ 🤍 使用感：3.5/5 鍾意佢濃潤質地同草本香味，但夏天用會嫌太潤，更適合乾肌同秋冬使用！ 總結： 雪肌精呢支滋潤版化妝水係將化妝水同精華二合一，保濕力令人驚艷～會回購，推薦比追求極致保濕同光澤感嘅你！

Steffie 好用推薦：一枝保濕美白精華於一身的美肌產品, 質地清爽輕盈,容易推開,即使春天潮濕季節,也不會有黏黏的感覺,用後膚色漸白,而且有淡淡清香,睡前使用,有放鬆的感覺！捧!!!

choichoi好用推薦：今天第一次使用，可以輕鬆乳化，過水後沒有很油膩的感覺，算是易洗淨；長不長痘就要再多用幾次才知道，但目前感覺良好

hmein9400好用推薦：卸妝效果都ok，但市面卸妝產品選擇太多，呢個性價比一般般，除了卸妝又無咩太突出效果，而且卸完有少少乾

Also melon好用推薦：我幾鍾意呢款卸妝油，因為味道唔錯，好似貴婦咁嘅感覺。至於佢同化妝水比，其實冇特別嘅香味，就係一樣嘅味道，有啲微微酒精味，但接受得到。 使用感嘛，對比其他卸妝油其實就唔算太特別，唔可以話佢好差，但又唔會話佢好出色。平時用嚟卸日常妝真係毫無壓力，感覺幾輕鬆。不過，我覺得佢乳化嘅速度比起植村秀慢少少，但都唔算大問題，正常用都冇影響。植村秀係礦物油底，好容易卸得唔乾淨，但雪肌精卸妝油就冇呢個問題。 佢卸妝真係超級乾淨，雖然有酒精，但完全冇刺激眼睛，感覺好溫和！同埋佢唔會令到皮膚有敏感。佢有細支裝都係幾十蚊，超抵用，如果日日用可以用到一星期，之後再決定買唔買正貨裝。

Paris merci 好用推薦：Kose卸妝油屬於輕透嘅油質，卸除防水化妝品，輕輕搓一搓就可以完全卸哂，方便使用，我每日都用。洗完之後臉上好似有層薄薄嘅保護膜，皮膚好軟熟，係用完之後唔會感覺到乾燥，但又唔會落妝唔乾淨，不會致痘，因為有時皮膚敏感，真係擔心用錯產品會爆痘。卸妝後會加洗面奶再清潔一次。最鍾意佢呢個系列嘅所有雪肌精味道。 雖然卸妝油細細枝，但其實幾耐用，性價比高，價錢又合理💕

ZoeTung好用推薦：有商場優惠卷 本身想白色個款 但無曬貨 所以轉買依款 好容易起泡 用量可以好少 所以都可以好耐用 清潔力還好 無咩特別感覺 而且個人幾中意個香味 唯一缺點 價錢少貴加入眼會好痛 但有機會會再回購！