KOSE 雪肌精 好用推薦產品

Kathy Wai好用推薦：藥用雪肌精美白乳液 廣東話使用心得 💧✨ 講到美白，好多人都會諗起雪肌精，我之前都心思思買咗支藥用雪肌精美白乳液嚟試，而家就用咗成兩個月，同大家分享吓感受。 質地同氣味 支乳液係白色嘅，質地偏水潤，唔算好厚身，流動性都幾高，吱出嚟好易推開。氣味方面，一打開就聞到陣好濃嘅酒精味，仲有少少藥草味，初初真係有啲唔慣，覺得好刺鼻。不過搽上面之後，陣味好快就散，都算接受到。 使用感受 我通常喺洗完面、搽完化妝水之後用，攞大概一毫子咁多，喺塊面度推開。佢吸收得幾快，唔會話好笠，但搽完之後塊面會有一陣涼涼哋嘅感覺，應該係因為有酒精。夏天用都OK，但冬天用就覺得有啲乾，可能要再加多層面霜。 美白效果 講到最緊要嘅美白效果，我用咗兩個月，老實講，又冇話白到成個層次，但係塊面嘅膚色均勻咗，冇以前咁黃，同埋啲暗瘡印都淡咗少少。不過要提提大家，用美白產品一定要搽防曬，如果唔係點用都冇用！ 優點 · 質地清爽，夏天用唔笠 · 吸收快，唔使等好耐 · 膚色均勻咗，暗瘡印淡咗 · 大支裝，可以用好耐 缺點 · 酒精味好濃，敏感肌要小心 · 冬天用保濕力唔夠 · 美白效果比較慢，要耐心用 · 酒精

Yty好用推薦：KOSE 雪肌精藥用美白乳液試用裝 用後感： 質地極之水潤輕盈，流動性高，喺面上輕推開即刻化開，秒速被肌膚吸收，完全唔會留下任何黏膩或者悶厚感 保濕力剛剛好且極之清爽，能及時補充水分並鎖住潤澤，洗完臉後擦上能即時撫平乾紋，令膚觸摸落去極之柔嫩平滑 #乳液部門

choichoi好用推薦：終於找到一款高防曬度但又同時擁有美白效果的防曬乳液，50度跟PA 4+絕對適合通勤又要往外走動的，就算平常需要出遠門也可以使用它完全沒有乾燥的感覺又不怕曬黑

twl22好用推薦：攞黎化妝前當化妝乳用，有防曬和tone up功效，質地易推開。

Tszki好用推薦：質地水潤，滲透力強且不黏膩。長期使用能提升肌膚的「透明感」，解決暗沉問題。酒精味明顯,對酒精較敏感，或是受不了強烈香味。保濕力有限,對於乾肌而言，單擦乳液可能不夠滋潤，冬天需額外搭配面霜。

natanatalie好用推薦：酒精味略重，但適合油肌 質地好清爽，有依照sales姐姐介紹的用法，倒落化妝棉抹，感覺會無咁厚重，而且可以令肌膚更柔軟，保濕力都不錯！

A&R好用推薦：用完一支，美白效果唔多覺明顯，滋潤效果還可以，但覺得不夠清爽，用完一支唔打算再繼續用，會想轉下其他產品。

Yukochan好用推薦：差不多用完一支 沒太大感覺有美白效果 但保濕效果是有的 唔太黏立

Kura好用推薦：面膜質地偏潤身，冬天用會比較適合，敷完皮膚水潤度有所提升，我通常都會厚敷，用完皮膚會有光澤，但唔會變到非常白，長期用都唔錯嘅面膜 #面膜 @cosme

natanatalie好用推薦：質地搽上面非常舒服，有降溫功效，而且用完會令肌膚提亮了不少，推薦

bibubibu好用推薦：我一向都喜歡用雪肌精嘅產品，無論係爽膚水精華面膜全部都有試過 今次就試用呢一款晚霜 佢嘅質地好似凝膠咁樣 搽上面會形成一層薄薄嘅保護膜 但又唔會太黏立 適合係冬天或者開冷氣嘅時候使用 多數我用完精華之後就會搽呢一個面霜作護膚程序嘅最後一步 佢可以令到皮膚更加軟熟，達致補水效果

natanatalie好用推薦：一款滋潤的美白面霜，適合秋天使用的美白產品，性價比高，滋潤又保濕，不過美白功效不太明顯

katie2001102好用推薦：流動性高吸收很快，抹上後幾乎立即吸收，有涼涼感覺和淡香味。個人使用多於兩個月無美白效果，只會夏季用，因為唔夠補濕。