Kiehl's 好用推薦產品

Yty好用推薦：喺護膚呢條路上，我真係交過唔少「美白學費」。好多美白產品一係就溫和到好似擦水咁完全無感覺，一係就成份太刺激，搞到我塊臉動不動就泛紅抗議。直至我入手咗呢支周圍都見到人講嘅 Kiehl's 醫學速效淡斑精華（Clearly Corrective Dark Spot Solution），先至真正打破咗我對美白精華嘅偏見。 佢唔係個種令你一晚之間變白三個色階嘅「神仙藥」，而係一支潤物細無聲、幫你由內到外亮返起身嘅「發光瓶」。 個人實測：點解佢會變咗我嘅「熬夜救星」？網上關於佢咩「活性維他命C」嘅官方介紹有大把，但對我來講，最直接嘅個人用後感就係呢三點：早晚都用得嘅安心感：以前用親維C精華都要避光、一定要夜晚先敢擦，放得耐仲會變黃。但 Kiehl's 呢支竟然係用透明玻璃樽裝！證明佢嘅成分真係好穩定。我依家早晚都放心擦，出門口做好防曬就得，完全唔驚會變黑。塊臉去黃真係超快：身為長期對住電腦工作嘅打工人，塊臉最容易泛黃、好顯老。 我連續擦咗大半樽，最明顯嘅改變唔係膚色白咗幾多，而係個種「透亮感」。就算前一晚熬夜煲劇到凌晨兩點，第二朝醒來塊臉居然無平時個種慘情嘅蠟黃色，望落去好有氣色。死掐新痘印

Emily Leung好用推薦：講起呢支 #科顏氏維C淡斑精華 真係要大力推！ 用咗半支已經想同佢平反 之前聽人講話會『癢身』 其實係維C喺度努力工作緊啊！ 質地係透明水感 上臉吸收得快 頭兩次用會有微微刺刺哋嘅感覺 （櫃姐話正常，建立耐受就得） 果然第三日開始就冇事喇 最驚喜係額頭啲痘印 淡咗超多！ 成塊面睇落勻淨咗 冇以前咁『花面貓』 同埋透白感係由內而外咁發出嚟 唔係死白嗰隻 而家化妝唔使特登用遮瑕膏蓋黑眼圈 慳返唔少時間 會繼續回購嘅一支！

莓莓好用推薦：Kiehl's 金盞花精華水測評｜一瓶穩膚神器，用過就懂它的好！ 大家好～今天想跟大家推介這罐Kiehl's金盞花植物精華化妝水，很多人簡稱它「金盞花水」。它不是新品，但經典到幾乎每個混油、油肌、痘痘肌的朋友都聽過或用過。下面不廢話，直接分享我的真實感受。 🌼 質地＆香味 · 質地：完全像水一樣清爽，不黏不稠，夏天用超舒服。 · 香味：天然的草本茶香，帶一點點金盞花的甘甜，沒有酒精味，聞起來很放鬆。 ✅ 最推薦給誰？ · 油肌、混油肌、痘痘肌、粉刺肌 · 容易泛紅、敏感不穩定的人 · 刮鬍／除毛後的鎮定舒緩 · 喜歡濕敷的人（這罐濕敷很舒服） 💛 實測有感的重點 1. 鎮定退紅：擠完痘痘、或是臉頰泛紅時濕敷5分鐘，紅腫會明顯消退，舒服很多。 2. 控油＆平衡：T字出油量會減少，但兩頰不乾，油水平衡有感。 3. 改善粉刺：長期用會發現下巴、額頭的小顆粒變少，皮膚更平滑。 4. 溫和不刺激：不含酒精、香料，敏感肌也能用。 👎 小缺點 · 花瓣會掉出來：倒的時候偶爾會跑出一兩片金盞花，不影響效果，但有人覺得麻煩。 · 保濕力偏清爽：乾肌冬天單擦不夠力，一定要後續加強保濕。

Chloeincosme好用推薦：🤍 穩定效果：4/5！Kiehl's金盞花爽膚水嘅鎮靜能力確實唔錯～當皮膚有少少泛紅或者暗粒，用化妝棉濕敷幾分鐘，即刻有舒緩到，紅印同唔穩定嘅情況都有改善！ 🤍 保濕度：2/對於乾肌來講，佢嘅保濕力真係唔夠～用完之後好快就覺得皮膚有啲繃緊，好似層水分被抽乾咁，後續一定要即刻搽保濕精華同面霜，否則會愈用愈乾😢 🤍 溫和度：4/5！成分天然，金盞花瓣有助舒緩，一般肌膚用都幾溫和～但如果你係極乾或者敏感肌，可能就要注意，因為有少少朋友反映用完好乾甚至有點刺刺哋～ 🤍 使用感：3/5！質地清爽，吸收快，夏天用可能幾舒服～但秋冬或者乾燥環境就真係頂唔順，用完反而令皮膚更缺水，唔太適合我這種乾肌人～ 總結： Kiehl's金盞花爽膚水嘅鎮靜同舒緩效果確實出色，尤其適合油性、混合性或者容易出油泛紅嘅肌膚～但如果你同我一樣係大乾肌，就可能要慎重考慮，因為佢保濕力不足，甚至可能令皮膚更乾～未必會回購了！建議乾肌朋友可以選擇更保濕嘅 toner 替代～

Desse好用推薦：Kiehl's Ultra Facial Cleanser 一款溫和保濕潔面乳，適合所有膚質，特別是係乾性同敏感肌😌😌😌 💡含有鯊烷、鱷梨油同甘油 幫助保持肌膚水分同修復屏障 💡質地輕盈，啫喱狀💓 搓出細膩泡沫，可以輕鬆卸除污垢、油脂和彩妝殘留，但又唔會令皮膚乾燥繃緊⭐️ 💡pH平衡溫和，無防腐劑同合成香料 🧏🏻‍♀️🧏🏻‍♀️總結嚟講 使用後一啲都唔乾，係一款安全又高效嘅日常 #潔面 產品

Blooming好用推薦：Kiehl’s 特效保濕潔面啫喱，先說氣味，個人來說覺得很臭。洗面後不繃緊，但氣味很影響用後感。

Mandy好用推薦：用咗呢隻金盞花洗面啫喱超過十年，中學開始用，真心覺得冇得輸。洗完塊面完全唔會繃緊，好舒服，用完之後d毛孔好似係度呼吸咁。以前用其他洗面奶，洗完塊面「嚡熠熠」又繃緊，手感差到好似用洗潔精洗面，仲要好快就出返油，勁煩。但呢隻真係唔同，用完皮膚清爽得黎又唔會乾爭爭，感覺痘痘同粉刺都少咗。雖然唔係咩神奇魔法，但長期用落真係穩定好多。絕對係會無限回購。

Poyobb好用推薦：佢叫做金盞花潔面泡沫，但其實係透明gel狀，茶花味，佢嘅味道令我洗面時感到好relax🛁 起泡量適中，輕盈質地泡沫，洗面溫和，沖乾淨後唔會啜手，溫和嘅潔面產品都有類似嘅效果🥚 比同系列嘅爽膚水好用好多。保濕度好，用完感到皮膚嫩滑，任何季節都啱用。就算敏感泛紅皮膚都用得。 成熟皮膚開始注重穩定皮膚狀態，温和產品更適合，依枝潔面相信會再回購😊

A&R好用推薦：Kiehs 呢支磨砂潔面啫喱好好用，質地好潔嘅啫喱，唔係稀的啫喱，有少少難推開，會令到你洗面嘅時間長咗，洗面嘅時候要捽耐少少，磨砂的感覺越明顯，洗完之後塊面好乾淨，好清爽都仲好滋潤。美白嘅效果見不到，但係清潔效果很好，推介使用。

Kura好用推薦：磨砂粒子嘅質地唔會好大粒，用上臉都好舒服，泡泡清潔得好乾淨，用完皮膚白皙

Emily Leung好用推薦：Kiehl's 牛油果面膜 真．用家測評 一打開個罐，嘩！真係好似將啲新鮮牛油果撻爛咗咁，係好濃稠、好實在嘅膏狀，一啲都唔流質。顏色就係靚靚嘅牛油果綠色，睇落幾天然。 · 優點： 質地夠「杰身」，敷上臉唔會滴到周圍都係。 · 缺點： 好難挖！用手指挖嘅時候，感覺有啲「韌」，要好用力。而且唔係咁易推開。 使用方法： 呢個係成個過程嘅關鍵！如果你就咁搽上塊面，你會覺得「黐孱孱」，一嚿嚿咁，仲會扯住塊面好唔舒服。 正確步驟係： 1. 用隻乾淨嘅手（或者附送嘅小刮棒）挖取適量，放入掌心。 2. 用兩隻手指（手指公唔該）將佢慢慢「捽」，利用掌心溫度同少少力度，將佢乳化。 3. 你會見到佢由一嚿嚿綠色膏體，慢慢變成幼滑、帶少少油潤感嘅乳霜狀。呢個時候先好上臉！ 4. 均勻敷上臉，厚度大概遮到本身膚色就OK。 使用感受： · 上臉時： 乳化之後上臉，感覺即刻順滑好多，好推唔拉扯。有陣好清淡嘅牛油果/植物味，唔係好人工嗰種。 · 敷緊時： 感覺好滋潤，但唔會焗身。如果你塊面好乾，初頭可能會有少少「拮拮地」嘅感覺，好正常，表示你塊面真係好缺水。 · 沖洗時： 呢個又係另一個難點

莓莓好用推薦：Kiehl's牛油果面膜🥑 轉季皮膚突然變「碎紙機」？呢罐牛油果膏絕對係急救專家！ 質地好玩到上癮 挖出嚟似黏土，搓兩下即刻化開成絲絨cream！ 我鍾意厚敷十分鐘，個過程似幫塊面做spa～ 換季實測威力 上個月轉天氣鼻翼甩皮到似壁畫剝落， 用佢連續敷三晚，竟然馴服到啲死皮！ 保濕力似飲龜苓膏咁「涼浸浸」又潤澤， 仲要係天然植萃配方，敏感肌都安心攬實。 暗藏驚喜位 ✔️ 洗嗰陣用濕化妝棉抹走，順便帶走埋角質 ✔️ 凍藏後用即刻降紅，夏天暴曬後必備 ✔️ 乾到繃緊時敷完，毛孔睇落飽滿咗 溫馨提示 ✿ 油痘肌敷完要認真洗淨，避免閉口 ✿ 一週用2次夠哂，過度修護會膩 #轉季牛油果療法 #Kiehl's面膜實測 #換季脫皮救贖 #廣東話護膚手帳 🥑

Elaine好用推薦： 這罐潔面粉完全不輸那罐亞馬遜白泥膜！ 非常適合油肌或是想要1.2週深層清潔一下的乾肌 粉狀混水後是很細的泡泡+一點點的磨砂感 像是比較溫和的磨砂去角質 洗完臉馬上感受到乾淨清爽的感覺 （乾肌可能會馬上感覺到微微緊繃感） 有時候想積極清潔或是生理期前容易冒痘我就會一週洗個2次，中間間隔多幾天才不會過度清潔～洗完後臉頰一塊本來有明顯的小黑頭馬上就消失了一半，皮膚也有光亮感！ 如果當深層洗面乳一週洗2次的話這一瓶大概可以洗一年 Cp值相當高😆

Chloeincosme好用推薦：🤍 清潔力：5/5！Kiehl's呢支礦物粉未潔面嘅清潔力真係無得輸～只要加水輕輕按摩，就可以感覺到毛孔入面嘅污垢同多餘油脂被帶走，用咗一個星期已經覺得鼻上黑頭同粉刺明顯減少咗！ 🤍 磨砂與抛光：4.5/5！粉末非常細緻，按摩時完全唔會刮皮膚，用完之後塊面摸落去滑溜咗，毛孔睇落亦冇咁明顯～ 🤍 保濕度：2/5！對乾肌來講真係太乾了～即使用得好快手，洗完之後都會覺得皮膚繃緊，甚至連續用幾日之後上妝竟然開始甩皮😢 總結： 如果你係油性或者混合肌（特別係T位多油多黑頭），Kiehl's呢支粉末潔面絕對係黑頭救星！清潔力一流～但如果你同我一樣係乾肌，就可能要避開或者謹慎使用，因為真係太乾了～我自己未必會回購了！

今晚11點你會做啲乜嘢呀？好用推薦：年過30 ，女友問我幾時先用得晒佢之前買俾我嘅呢支野，用咗都四五年，換咗都四五支，今次呢支終於比我用到一半。 正如其他人所講，卒落塊面度好清涼，洗完面就覺得好似好清爽乾淨，但我覺得主要功用係比女友知道我有用佢買嘅嘢。 就係咁

Tiffany好用推薦：Gel cleanser，好易起泡，清潔力強。男士用後表示乾淨清爽，願意使用。

Water好用推薦：呢款面膜上面會有一種清涼感覺，入邊有啲粒粒我會按摩當埋磨砂使用，用完之後明顯亮白有精神，仲有少少保濕功效添！

Yuki Chow好用推薦：去角質清潔面膜，天然成份，有少少磨砂，敷完後會發覺酒米粉刺清到，即時會見到亮白感，但如果皮膚比較薄，特別顴骨位置，就可能要避免，或者淨係敷T字位

Ceccinmydin好用推薦：Kiehl's呢款卸妝油使用感好好👍🏻 佢質地好輕身，一啲都唔油膩，仲有好舒服嘅甜橙精油味，卸妝過程好享受 。 佢嘅卸妝力好強 ，連眼唇妝都輕鬆卸走，而且乳化得好快。最正係洗完面一啲都唔乾、唔繃緊，亦唔會過油，皮膚感覺好水潤柔軟💖💯

Desse好用推薦：Kiehl’s深夜奇蹟溫和潔顏油 適合敏感肌 💡含橄欖油、月見草油和薰衣草精油 質地較濃但容易推開，卸妝力強，尤其面部及唇妝都可以卸得乾淨 💡乳化度和清潔度都唔錯 但卸防水眼妝需要稍長按摩時間.. mascara會稍微有點吃力 圖中嘅係普通眼線筆，卸走大約要3-4下 時間上算中規中矩..但清得好乾淨 💡卸完後皮膚滑嫩水潤，不會緊繃 但油分偏高，一定要再用潔面產品，避免殘油 💡味道帶淡淡薰衣草香，卸妝過程放鬆舒壓🧏🏻‍♀️ 🧏🏻‍♀️總結嚟講呢.. 喱款 #卸妝 我覺得可圈可點.. 😅 我覺得功能上正常.. 敏肌都用得到. 其實算唔錯 但價格偏高 對於懶人嚟講.. 要卸幾轉先淨.. 就唔太理想..😅