Kiehl's 好用推薦產品

Chloeincosme好用推薦：呢枝Kiehl’s Facial Cream 係前排Sogx 特價果時買😂 呢款經典保濕霜網上評價好壞參半，今次親身用落，終於明白點解咁多人中意！ 🤍 保濕力：3.5/5 質地柔潤但唔厚重，推開後好快吸收，形成輕薄保濕膜，但我全晚開冷氣嘅話會有少少唔夠保濕🥲🥲 🤍 質地吸收：4/5 延展性好高，少少份量就夠搽全面，按摩兩下已經食入皮膚～ 🤍 溫和度：4/5 冇香料酒精，敏感肌用落零刺激，轉季期間皮膚穩定咗，冇再無故泛紅～ 🤍 適用性：4/5 混合偏乾肌同混合肌用啱啱好，但極乾燥天氣可能要疊加精華油先夠力；油肌夏天用可能覺得有少少潤～ PS.有人話用佢用到爆痘，但我又冇！介意既記得去睇佢個成份表/ 拎sample先！ 總結： Kiehl’s呢支面霜係穩陣嘅日常保濕之選，尤其適合混合偏乾至混合肌，或者身處冷氣環境嘅人～ 不過岩我既面霜太多，佢我就未必回購！

Tszki好用推薦：Kiehl's 第三代面霜即為其皇牌產品 Kiehl's 特效保濕乳霜 (Ultra Facial Cream) 的全新升級版本。 輕盈不黏膩質地，吸收速度快，適合早晚使用。改善乾燥脫皮的效果顯著，令肌膚柔嫩。但在極端乾燥環境下，可能需要疊加精華液；而油性肌膚在夏季可能會感到稍顯滋。 新配方能滲透肌膚表層達 15 層，提供更深層的補水。此面霜能在 1 小時內 開始修復肌膚屏障，並在 2 小時內重建屏障功能。保濕力由原先的 24 小時延長至 72 小時，能有效防止水分流失並舒緩泛紅乾癢。堅持無添加酒精、香料、色素、礦物油及 Parabens 防腐劑，適合包括敏感肌在內的所有膚質。 

Yty好用推薦：喺護膚呢條路上，我真係交過唔少「美白學費」。好多美白產品一係就溫和到好似擦水咁完全無感覺，一係就成份太刺激，搞到我塊臉動不動就泛紅抗議。直至我入手咗呢支周圍都見到人講嘅 Kiehl's 醫學速效淡斑精華（Clearly Corrective Dark Spot Solution），先至真正打破咗我對美白精華嘅偏見。 佢唔係個種令你一晚之間變白三個色階嘅「神仙藥」，而係一支潤物細無聲、幫你由內到外亮返起身嘅「發光瓶」。 個人實測：點解佢會變咗我嘅「熬夜救星」？網上關於佢咩「活性維他命C」嘅官方介紹有大把，但對我來講，最直接嘅個人用後感就係呢三點：早晚都用得嘅安心感：以前用親維C精華都要避光、一定要夜晚先敢擦，放得耐仲會變黃。但 Kiehl's 呢支竟然係用透明玻璃樽裝！證明佢嘅成分真係好穩定。我依家早晚都放心擦，出門口做好防曬就得，完全唔驚會變黑。塊臉去黃真係超快：身為長期對住電腦工作嘅打工人，塊臉最容易泛黃、好顯老。 我連續擦咗大半樽，最明顯嘅改變唔係膚色白咗幾多，而係個種「透亮感」。就算前一晚熬夜煲劇到凌晨兩點，第二朝醒來塊臉居然無平時個種慘情嘅蠟黃色，望落去好有氣色。死掐新痘印

Emily Leung好用推薦：講起呢支 #科顏氏維C淡斑精華 真係要大力推！ 用咗半支已經想同佢平反 之前聽人講話會『癢身』 其實係維C喺度努力工作緊啊！ 質地係透明水感 上臉吸收得快 頭兩次用會有微微刺刺哋嘅感覺 （櫃姐話正常，建立耐受就得） 果然第三日開始就冇事喇 最驚喜係額頭啲痘印 淡咗超多！ 成塊面睇落勻淨咗 冇以前咁『花面貓』 同埋透白感係由內而外咁發出嚟 唔係死白嗰隻 而家化妝唔使特登用遮瑕膏蓋黑眼圈 慳返唔少時間 會繼續回購嘅一支！

Miranda好用推薦：【質感】 一唧出嚟嘅時候，見到佢係好特別嘅淡黃色，第一次用仲諗緊會唔會好厚，點知一推開就感覺到佢嘅質地好輕盈、好順滑。佢介乎乳液同精華之間，流動性高，搽上面好快就吸收晒，完全唔會覺得油淋淋或者黐立立。最驚喜嘅係，雖然佢有A醇成分，但完全冇一般A醇產品嗰種刺鼻嘅氣味，用嘅時候感覺好舒服。而且佢嘅真空泵裝設計可以隔絕空氣，確保每一滴A醇都保持新鮮活性，呢點非常加分。 【使用感】 呢支精華含有0.1%純正A醇，配合微精準技術將傳統A醇嘅刺激性減到最低，同時加入咗神經酰胺同胜肽，一邊抗老一邊修復皮膚屏障。我用嘅時候完全冇出現甩皮、泛紅或者刺痛嘅情況，敏感肌都用得好安心。官方建議初初用可以每星期用2-3次，等皮膚適應之後再增加到每日1次。我用到第二個星期左右，已經明顯見到皮膚質感變得好平滑，毛孔細緻咗，連帶之前一啲好淺嘅乾紋都開始淡咗。官方數據話2週細緻毛孔、4週減退皺紋、8週緊緻提升，我自己用落覺得個進度係符合嘅。用嘅時候仲可以帶埋落頸，順便撫平頸紋。 【持久度】 持久度方面，朝早用完到晏晝，皮膚依然保持到水潤同彈性，唔會打回原形。夜晚用完，第二朝起身塊面狀態好好，摸落柔軟飽滿。最正嘅

ying好用推薦：✨ KIEHL'S Retinol 精華 (微劑量A醇精華) 有效淡紋・緊緻平滑 提亮膚色・改善暗粒 A醇新手入門首選 🌟 我嘅總結 KIEHL'S Retinol 精華 有效淡紋 ✔️ 緊緻平滑 ✔️ 提亮膚色 ✔️ 改善暗粒 ✔️（呢個好驚喜） 乳液質地，滋潤易推， 微劑量配方溫和唔刺激， 敏感肌都多能適應。 初期可能有輕微不適， 係正常適應期， 皮膚會慢慢習慣。 用後記得加強保濕， 日間一定要防曬。 如果你係： ✔️ 想試A醇但怕刺激 ✔️ 有細紋、暗粒困擾 ✔️ A醇新手 呢支值得一試。 回購意願：★★★★☆ #KIEHLS #Retinol精華 #微劑量A醇 #淡紋緊緻 #改善暗粒 #提亮膚色 #A醇新手入門 #溫和不刺激 #會回購 #skincare #hkbeauty #透明感

Lukeee好用推薦：好中意用這個面霜，質地好清爽，好快吸收，係香港春夏天使用非常適合，做到簡單保濕。

Mo Wong好用推薦：買野送嘅試用，話啱夏天用叫我試下，用左兩包覺得幾好，呢隻啫喱面霜質地超清爽，無色無味，一搽上面推開好似化成水咁仲要好快吸收晒，好清爽超服，仲要都夠保濕，我乾肌夏天都啱用，不過秋冬就應該唔啱啦，因佢真係無油份，所以之後再搽防曬都唔會焗同辛苦。 我會買貨裝同老公一齊用，佢應該會鍾意呢D無色無味又清爽嘅啫喱面霜，用完應該啱啱轉季。

takemyokane好用推薦：深色玻璃樽包裝保護防光變質，配以按壓式滴管設計可以精準控制每次的使用分量。內容是以優質角鯊烷、月見草油及薰衣草精油等天然成分組成的油。大家都聽過以油養膚，我通常在夜晚加1至2滴在護膚品，份量少不怕太油，加入油份上臉更易延展，精華油很快就會被皮膚吸收，可以避免吹冷氣而引起的外油內乾問題。 因為始終是精華油，用量必須嚴格控制，否則對混油肌來說仍會稍有負擔。

羅小白好用推薦： 我用Kiehl's深夜奇蹟修復精華露捱夜後，第二日皮膚狀態真係好好。佢嘅修復效果幾好，令我嘅皮膚狀狀態好穩定，而且佢嘅保濕功效都唔錯，即使捱夜都唔會令皮膚變得乾燥同暗啞。仲要令之前搽咗嘅護膚品都好快吸收。

chewyfruit好用推薦：講到 Kiehl's 金盞花深層潔面泡沫，真係要同大家分享下。本身我係混合偏乾肌，T字位偶爾出油，兩頰偏乾，揀潔面產品好鬼麻煩——清潔力太強會掹掹緊，太溫和又怕洗唔乾淨。呢支用咗一排，有讚有彈。 質地同用法： 擠出嚟係透明啫喱狀，有陣淡淡嘅金盞花味，好清新，唔會假香。加少少水就搓到好綿密嘅泡，泡量算多，上臉好舒服。我通常唧一泵就夠全面，按摩一陣再過水。 清潔力： 日常防曬、碎粉、眉筆呢啲基本嘢，一take過搞掂。但如果化全妝，尤其防水眼線同mascara，就一定要先用眼唇卸妝，單靠呢支係唔夠力。洗完之後，塊面係乾淨嘅，但T字位有少少繃緊，兩頰就還好。 優點： · 泡量豐富，洗面過程好舒服。 · 金盞花成分有舒緩作用，塊面有少少泛紅嘅時候用都OK。 · 一支大大支，用到好耐，CP值算高。 · 味道天然，唔攻鼻。 缺點： · 洗完有少少繃緊，乾肌或者冬天用可能要即刻補水。 · 清潔力偏強，敏感肌未必日日啱用。 · 唔算好溫和，如果皮膚狀態差嘅時候用，可能會覺得有啲刺激。 · 唧嘴設計有啲難控制份量，有時一唧就太多。 總結： 如果你係油肌或者混合偏油，呢支會幾啱你，清潔力夠又唔算

Mandy好用推薦：用咗呢隻金盞花洗面啫喱超過十年，中學開始用，真心覺得冇得輸。洗完塊面完全唔會繃緊，好舒服，用完之後d毛孔好似係度呼吸咁。以前用其他洗面奶，洗完塊面「嚡熠熠」又繃緊，手感差到好似用洗潔精洗面，仲要好快就出返油，勁煩。但呢隻真係唔同，用完皮膚清爽得黎又唔會乾爭爭，感覺痘痘同粉刺都少咗。雖然唔係咩神奇魔法，但長期用落真係穩定好多。絕對係會無限回購。

Blooming好用推薦：Kiehl’s 1號護唇膏，覺得都幾好用，配方好夠滋潤，又不會令我咀唇過敏，令咀唇光澤度都好靚。

Blueblueblue好用推薦：豬油膏般嘅質地。 無法修護唇紋，保濕度一般。 容量大，保裝唔易爛。

Fng好用推薦：Kiehl's 金盞花蘆薈保濕凍膜 🌼 優點： · 雙重鎮靜配方：金盞花+蘆薈組合，曬後厚敷10分鐘即時降紅降溫，舒緩效果比單用蘆薈膠更持久！熟齡肌洗面後泛紅敷完明顯平靜 · 水凝質地輕盈：一推化水唔黏笠，香港夏天薄塗過夜或厚敷急救都得，吸收後成保護膜但零悶感 · 急救百搭：可以當睡眠面膜、妝前保濕打底（冰鎮後用更爽），甚至局部敷暗瘡位消炎 ⚠️ 缺點： · 保濕續航力弱：冷氣房過夜的話，偏乾肌凌晨會覺得唔夠潤，要疊加保濕精華 · 功能單一：主要係鎮靜功效，無抗老成分，熟齡肌要額外搭抗老產品 · 性價比一般 ($390/100ml)，同價位可選功能性更強嘅面膜 🌞 香港夏天表現： 濕熱天放雪櫃後使用簡直救星！厚敷15分鐘即可退紅，用完皮膚水潤但表面乾爽，後續防曬同底妝更貼服。 💡 同類產品比較： vs Laneige睡美人水庫面膜：Kiehl's更清爽溫和，但Laneige保濕力更持久 vs Origin品木宣言一飲而盡面膜：Kiehl's鎮靜效果更突出，Origin滋潤度更高但不適合油肌 vs Innisfree蘆薈面膜：Kiehl's功效更全面，但Innisfree價格更

Haha Kim好用推薦：去旅行的時候購買的試用裝，以為會10分滋潤，但是比想像中的10分清爽，非常適合夏天使用，無論是油性肌膚也適合！

Cole Cole 好用推薦：眼霜效果唔錯，一擦落去好快吸收，好絲滑。第二日已見到有效果，冇出油脂粒。會買正貨繼續用。

維他他好用推薦：成日覺得眼霜可有可無，因為搽面霜嗰陣我會搽埋，冇咁細分眼同面，而且之前試好多眼霜都覺得冇乜效，但今次Kiehls呢個有驚喜，用左一段時間眼紋真係少左，淡左，而且吸收好快唔會有油脂粒，唔錯

msthea好用推薦：見到Kiehl’s官網介紹《超級再生精華》對肌膚唔同嘅問題都有顯著效果，例如缺水、暗啞、細紋、粗糙等都有效改善 而sales姐姐更加介紹可以同時使用兩隻精華，咁今次佢就教咗我每日晚上先用《超級再生精華》，等皮膚吸收後再搽上《 醫學雙維他命C精華》，咁樣可以提高精華效果，更加減輕細紋同埋暗啞情況 💁🏻‍♀️咁我今次就集中講《超級再生精華》，試吓淨係用單一產品咩效果🎈精華係比較偏向水質，質地容易推開搽勻 🎈皮膚好快就吸收完，亦都冇特別味道 🎈減紋方面，我用咗14日都未有睇到顯著效果 🎈皮膚暗啞係有改善嘅，感覺成塊面都提亮咗 🎈但老實講，我單用呢個精華，其實轉個頭就已經覺得好乾燥缺水，所以我覺得佢嘅補水效果係唔得嘅！ 總結而言，我覺得如果想要提亮效果嘅話，都會推薦呢個精華，但係如果希望佢做到多功能，包括保濕嘅話，以佢嘅價錢嚟講就唔係太理想啦 5星為滿分 提高 ⭐️⭐️⭐️⭐️ 保濕 ⭐️ 減紋 ⭐️ 質感 ⭐️⭐️⭐️⭐️⭐️ 性價比 ⭐️⭐️ 

maylam好用推薦：屋企有一堆sample 用咗一段時間 覺得平平無奇冇乜特別 唔會買正裝