Kiehl's 好用推薦產品

Water好用推薦：呢款面膜上面會有一種清涼感覺，入邊有啲粒粒我會按摩當埋磨砂使用，用完之後明顯亮白有精神，仲有少少保濕功效添！

Yuki Chow好用推薦：去角質清潔面膜，天然成份，有少少磨砂，敷完後會發覺酒米粉刺清到，即時會見到亮白感，但如果皮膚比較薄，特別顴骨位置，就可能要避免，或者淨係敷T字位

Jayla好用推薦：呢支係我難得用完冇爆粉刺嘅防曬。我用過好多唔同嘅防曬，一係覺得太笠，一係唔夠一日就焗到有紅腫暗瘡，但呢支係難得用完皮膚冇出任何狀態。不過呢支真係有d貴，所以我只會用嚟搽臉，身體再用另一枝

choichoi好用推薦：醫學防敏的關係特別適合敏感皮膚或者面部受暗瘡、粉刺困擾的人士使用，至少他不會加劇你的過敏，但同時帶來防曬功效對抗黑色素的沉澱；質感說不上清爽有少許油但是是我於夏天也會在使用及接受的程度

Kitty 好用推薦：呢款防曬屬於品牌嘅熱門產品，我試過幾個夏天，搽佢唔會曬黑。搽完之後唔會生暗瘡，我係混合性乾皮，洗完面咩都唔搽就直接搽防曬，冇出現擦敏感或膠碎嘅情況。

Blooming好用推薦：Kiehl’s 醫學全效抗污染輕柔防曬乳，質地比較厚啲啲，油份重啲，但又不是難推，搽上面後臉部會泛起少少珠光，防曬系數都夠。

Josephine Lau好用推薦：有淡淡香味，混合肌春夏天晚上使用也可以，個人覺得足夠水潤而不黏立。 冬天如果臉上比較乾的人可能會覺得滋潤度不足。 舒緩鎮定的效果不錯。

Eric W好用推薦：我用咗Kiehl’s嘅金盞花舒緩平衡乳液真係好滿意！佢唔單止清爽唔黏膩仲有效幫助我控油同埋舒緩皮膚。我嘅T字位容易出油，但用咗呢個乳液之後，皮膚明顯細滑啲同埋唔會咁容易出油。而且佢嘅金盞花成分都令我嘅皮膚感覺好舒服同埋平衡啲。佢嘅香味清新怡人，用完之後令我感覺好放鬆同埋舒適。而且包裝簡約好方便攜帶，真係好適合我嘅日常使用。我好滿意呢款產品嘅效果同質地，會一直支持同推薦俾朋友！ #火熱新品

Kitty 好用推薦：作為天氣一潮濕就開始受痘痘困擾嘅混合肌人，見到呢隻精華有成2%水楊酸，即刻覺得搵到救星✨。用法真係超簡單，平時搽完面霜之後，就咁點幾滴係痘痘、粉刺位置，輕輕按摩等佢吸收。最驚喜係等一兩分鐘後會形成一層隱形保護膜，之後化妝都唔怕卡粉，遮瑕膏照樣上得！👍 用咗幾晚，明顯感覺到紅腫大痘痘消腫得快咗，急救效果真係一流🤯。4%煙酰胺幫到手控油，平時T區冇咁快出油，膚色仲提亮咗，陳年痘印都好似淡咗啲。加埋甘草根提取物，敏感肌用落都好溫和，冇話刺痛甩皮。💯 呢支精華集齊袪痘、维稳、淡印三樣功能，清爽唔黏腻，絕對係痘痘肌夏日必備嘅戰痘神器+超隱形痘痘貼！同埋聽聞細細支已經用得到300粒痘痘，真係可以用好耐，真心推薦俾受暗瘡困擾緊嘅朋友！💪😍

Janet SF好用推薦：質地透明輕薄，水流質，吸收力強。如果患處有傷口，還是有一點痛的。試過在患處早晚塗上一次，三天後明顯粒粒縮細了。塗在患處後還可以在上面上妝，絕對沒有卡粉，大力推薦！👍🏻👍🏻 #火熱新品

Kura好用推薦：Kiehl’s維他命C亮眼精華霜 用咗一段時間我嘅千年黑眼圈有淡化，眼紋都有變到冇咁深，眼底浮腫問題都有改善，無香味，質地係比較厚實嘅cream，容易推開，我通常搽完都會按摩幾分鐘幫助吸收，我係早晚都會用，價錢都算正常可接受範圍，同埋產地係美國，我一年四季都會用呢款眼霜，我會再回購呢款眼霜，亦都推薦俾有眼部問題嘅大家 #夏日必備保養

Ceccinmydin好用推薦：Kiehl's呢款卸妝油使用感好好👍🏻 佢質地好輕身，一啲都唔油膩，仲有好舒服嘅甜橙精油味，卸妝過程好享受 。 佢嘅卸妝力好強 ，連眼唇妝都輕鬆卸走，而且乳化得好快。最正係洗完面一啲都唔乾、唔繃緊，亦唔會過油，皮膚感覺好水潤柔軟💖💯

Desse好用推薦：Kiehl’s深夜奇蹟溫和潔顏油 適合敏感肌 💡含橄欖油、月見草油和薰衣草精油 質地較濃但容易推開，卸妝力強，尤其面部及唇妝都可以卸得乾淨 💡乳化度和清潔度都唔錯 但卸防水眼妝需要稍長按摩時間.. mascara會稍微有點吃力 圖中嘅係普通眼線筆，卸走大約要3-4下 時間上算中規中矩..但清得好乾淨 💡卸完後皮膚滑嫩水潤，不會緊繃 但油分偏高，一定要再用潔面產品，避免殘油 💡味道帶淡淡薰衣草香，卸妝過程放鬆舒壓🧏🏻‍♀️ 🧏🏻‍♀️總結嚟講呢.. 喱款 #卸妝 我覺得可圈可點.. 😅 我覺得功能上正常.. 敏肌都用得到. 其實算唔錯 但價格偏高 對於懶人嚟講.. 要卸幾轉先淨.. 就唔太理想..😅

Theresa好用推薦：Kiehl’s 維 C 亮白啫喱質地較薄，呈啫喱狀，搽上面後好快就變水狀令皮膚更易吸收！雖然質地較薄身，但滋潤度幾足夠，岩晒怕笠但混乾肌既我

choichoi好用推薦：因夏天來臨有急切美白的心而又耳聞此牌美白不錯，就入手了一罐。質地清爽適合夏天，用完一段日子有感肌膚較亮澤但它沒有什麼淡斑功之感

Maggie好用推薦：呢支 Kiehl's Facial Fuel 男士保濕乳真係幾好用！質地清爽唔油膩，搽完好快吸收，尤其適合朝早趕時間或者疲倦嘅時候用。佢入面有維他命C同E，用完皮膚即刻精神晒，感覺好滋潤，男士護膚必備！

maylam好用推薦：幾好用嘅磨砂 雖然話係話男士用 但我覺得都用得 佢嘅磨砂清潔力都強 我一兩個禮拜用一次 有覺得皮膚滑咗少少

Cole Cole 好用推薦：個人覺得一半一半，秋冬天氣乾燥時用非常好，好保濕，都唔覺得黐立立，但係如果夏天用，就算開冷氣，都會覺得好油膩，黏黏地，可能防止水份被吸乾，所以有少少保濕的作用，但係並非皮膚深層保濕嘅感覺。用完唔打算再買。

robinsbk好用推薦：見到呢隻sleeping mask評價咁差好想幫佢平反下🥲不過我都明skin care啱唔啱同效用呢啲真係好因人而異 Kiehl’s呢隻sleeping mask我係由2018年開始用，一直回購到而家！急救一流！懶人必備！已經用咗4-5晏🥹 首先講下我膚質：大乾肌！有時係乾到連夏天夜晚敷完mask起身都會甩皮嗰隻乾 我記得第一次用佢，一上面吉到傻以為係敏感，但因為我試過之前好乾嗰陣一搽好保濕嘅嘢都會吉吉哋，咁我就照俾啲時間佢，過咗陣就無咁吉。用咗幾年之後，間唔中一搽都會有好輕微嘅吉吉哋，但就覺得佢係好急救地pump水落我皮膚底層咁🥹 同埋一開頭我都唔識敷sleeping mask，起身嗰陣痴到個枕頭啊頭髮啊周圍都係🤣跟住我上網睇人哋點用，咁所以之後我每次用就會咁：沖完涼➡️Toner➡️厚敷呢隻sleeping mask同時輕輕打圈幫助吸收➡️敷到我臨瞓嗰刻用紙巾輕輕印走多餘嘅product(如果都係驚整污糟可以用紙巾隔住塊面同個枕頭嚟側瞓🤣)➡️第二朝用水洗走就會feel到好保濕好滑！最重要係懶人必備 夜晚可以skip走哂其他skincare routine🤣但唔可以日日都咁，一