SENKA 專科 好用推薦產品

Paulpauline好用推薦：唔知係咪我太乾，用完都唔係好覺好保濕，用前用後分別唔大，但係一路沖涼一路敷真係好方便

kammy好用推薦：泡泡面膜，沖涼嘅時候洗完面放啲有保濕成分嘅泡泡上塊面度，等沖完涼就可以沖走佢，好方便，又有效果，好保濕

lonia好用推薦：每逢戶外活動長時間曬太陽之後，皮膚就好容易變紅變乾，或者秋冬季節，日常護膚都不足以補濕嘅時候，就會敷mask幫皮膚補補水。 呢款mask價錢唔貴，所以屋企會長備作補水用。mask嘅前裁比一般mask闊，可以fit到不同面形大小嘅女生，完全cover到全塊面，同時非常貼面。敷上mask之後我會輕拍不同位置，幫助吸收精華液。敷完之後完全感覺到充足補水嘅效果，連帶膚色都有所提亮，皮膚當堂有一種水潤透亮感。

Wongwong好用推薦：敷完塊面好補水，保濕效果一流，面膜質地薄透，大概敷二十分鐘，已回購多盒。

Aivlys好用推薦：呢支美白精華貌似喺日本@cosme排行榜上嘅美白精華類都算排得幾前， 所以舊年去東京我跟風買咗～ 包裝係擠管型方便控制用量又衛生， 雖然叫精華但佢擠出嚟係乳液狀， 都幾容易推勻同吸收， 又唔會焗住塊臉， 使用感唔錯！ 本來因爲佢係開架產品所以對佢美白功能冇太大期望， 但用咗一排後覺得有微微均勻同提亮膚色嘅效果， 有啲驚喜， 用完會考慮回購！

lucrezianoin好用推薦：質地比較稀所以延展性好高, 好容易推開, 薄薄地一浸唔會好黐立立. 用咗兩星期到覺得效果都幾顯著!!!

Akassoo好用推薦：用開藍色嗰隻，呢排轉試下粉紅色呢隻，主打比藍色更保濕。 藍色嗰隻本身用完之後塊面會好乾，粉紅色呢隻用完之後其實都會乾，但係比起藍色嗰隻會好啲，而粉紅色呢隻亦有膠原蛋白成份。 用開SENKA系列洗面嘅原因就係因為佢性價比高，唔貴但係洗得乾淨。

Shirlin Ho好用推薦： SENKA膠原彈潤洗顏泡泡真係好好用 CP非常高 咁嘅價錢有咁嘅效果非常好 只要份量少少 就可以有好豐富嘅泡泡🫧🫧洗完面之後塊面都唔會好繃緊 都已經唔止買過一支啦 我會推薦俾身邊嘅朋友用👍🏻👍🏻

iliya 好用推薦：平價開架面膜，日日敷都唔肉赤🤣🤣 敷完有滋潤嘅感覺，但係回復彈性呢方面就唔覺🙈

natanatalie好用推薦：不太適合油肌，感覺精華有點油油同笠，建議油肌用後洗面，再搽護膚品，如果唔係會搞到有粒粒

橘子貓好用推薦：套裝贈品。 化妝水是透明，近乎無味。質地有點稠度，似gel。幾易推開，亦快被皮膚吸收，但吸收後似有膜感，摸上去有點點黏，不太喜歡。用後未見有提亮感，美白效果更是沒有啦。

natanatalie好用推薦：性價比很高，質地溫和不刺激，有足夠保濕功效，但未能感受到美白功效

Kura好用推薦：呢款保濕乳液好適合夏天用，夏天好熱，但長期係冷氣房會好乾，用完呢款保濕乳液皮膚會變得水潤，用完皮膚唔會生痘痘，係夏天保濕乳液嘅首選 #保濕 @cosme #夏天 #護膚

LenaC好用推薦：水潤專科SENKA這一系列既保濕組合 無酒精、無香料、無色素 好自然 Senka 既保濕乳液富含天然萃取成分 可以有效快速滲透至肌底 佢質地濃稠但不黏膩 係肌膚好快就吸收的滋潤感 做到長效保濕 推薦❤️

Verna好用推薦：我一向都有用開這品牌的保濕面膜，但這是第一次用這款彈潤透亮面膜，單看名字，就覺得它是全能面膜🤭 可以令皮膚有彈性、滋潤和透亮，真的要試試 它的面膜敷在面上，大小合適，剪裁很貼面，精華液也很充足，取出面膜紙後，袋入面還有不少精華液，所以我會用化妝棉吸收剩下的精華液，用來敷頸 敷完面膜後，皮膚真的明顯變得透亮有光澤，沒有之前的暗啞疲倦，而且膚質也變得水潤了，連毛孔也有點收細了 不過，至於令肌膚變得Q彈方面，就暫時未感受到，始終我只是敷了15分鐘面膜 它的成份是無香料、無酒精、無色素，敏感肌都可以試下

Noel好用推薦：專科的盒裝面膜本人一向非常推介，因為效果理想，價格相宜，亦常常推出兩盒／三盒優惠，抵上加抵，CP值滿滿啊❣ 這款完美彈潤透亮面膜使用感不錯，首先保濕度高，敷上面十分鐘左右，皮膚明顯變得潤澤，毛孔變得不明顯👍而它提到的透亮效果，本人覺得可以接受，但必須要持續去敷一整盒，才能有效果啊～ 面膜紙材質透薄，又能牢牢貼在面上，絕對算得上“家務時專用面膜“ 😂 加上精華液超大方，25ml 精華足夠同事塗到手腳❗ 不過，論提升皮膚彈性就沒有感覺，不能抱太高期望呢！ 彈 🤏 潤 👍👍 透亮 👍 #抵買面膜

莓莓好用推薦：Senka皇牌保濕洗顏泡泡（Perfect Whip）測評 包裝質感： 藍色管身配白色字體，簡潔乾淨，開口大小適中，好易唧出適當份量。 質地與氣味： 膏體厚實帶珍珠白，有淡淡花香（唔會俗氣）。加水後起泡度極高，用起泡網一捽就出大量豐厚、綿密、有彈性嘅泡沫，倒轉手掌都唔會跌。 使用感受： 泡沫上臉滑溜，大大減少手指同皮膚嘅磨擦。沖水後清爽唔繃緊，感覺洗得好乾淨，但同時有一層好薄嘅保濕膜，唔會乾到「猛猛緊」。毛孔望落更細緻，面油完全消失。 成分專業分析： · 主清潔：肉豆蔻酸、氫氧化鉀（皂基配方），去油力強，適合油肌、混合肌。 · 保濕舒緩：甘油、桑白皮萃取、水解絲蛋白，減少潔後乾燥。 · 注意：乾肌、敏感肌或角質薄嘅人，長期用可能過度清潔，建議一星期用2-3次，或只晚上用。 適合邊啲人？ · ✅ 中至油性、混合性肌膚 · ✅ 夏天易出油、想要清爽潔面感 · ✅ 追求高性價比（開架價錢，專櫃起泡能力） · ❌ 乾性、敏感、濕疹、玫瑰痤瘡皮膚（皂基太刺激） 總結評分（10分滿分）： · 起泡力：9/10 · 清潔力：8.5/10 · 保濕感：6.5/10（對油肌夠，對乾肌唔夠

Sakura醬好用推薦：SENKA專科呢支保濕洗面奶（藍色），可以話係香港開架護膚界嘅「老朋友」啦。由資生堂出嘅，主打平靚正，相信唔少人浴室都會有佢一席之地！ ⭐️質地 擠出嚟係好似乳酪嘅質地，加少少水就可以搓到超多幼細泡沫。我用咗起泡網，泡沫好豐盈！ ⭐️泡沫 啲泡好實淨，唔會搓兩下就冇晒。喺塊面度打圈按摩，完全冇摩擦感，好柔軟、好舒服，洗得仲好乾淨。 ⭐️清潔力 鼻翼同下巴呢啲容易有黑頭、暗粒嘅地方，洗完之後又滑又嫩，乾淨得嚟又有水潤感，完全唔會繃緊！平時出街返工嘅面油、汗水同少少防曬，佢都搞得掂，洗完塊面係會有「啜」一聲嗰種乾淨感覺。不過如果你化緊妝，就一定要落妝先好洗。 ⭐️保濕力 都做到基本保濕嘅，洗完唔會即刻覺得好「掹」。但係天氣好乾，或者你本身係乾性皮膚嘅話，沖完涼記住快啲搽返爽膚水同面霜鎖水，咁就穩陣啲。 邊個啱用？ 最啱中性、混合性、油性皮膚嘅人日常用。乾皮朋友可以夏天用，或者夜晚用。超級敏感肌就自己睇路啦。 ✨【溫和潔淨】+【水油平衡】✨ 呢支洗面奶真係打破咗我對平價潔面嘅想像——清潔力夠晒，但係洗完一啲都唔「掹」面！真係唔輸嗰啲幾百蚊嘅大牌子潔面，洗落個感覺甚至更加舒服！

chasiutung好用推薦：Senka專科滋潤面膜 吾知係太潤定點 敷完大過敏 敷嘅時候已經好痕 敷完超黏笠 洗完面個膚感都好吾舒服 第二朝塊面起好多粒粒 皮膚泛紅 同埋好乾 明明係保濕面膜 我又無敷過耐 皮膚反而變乾？ 不會回購 不會回購 不會回購 ❌

iliya 好用推薦：呢款面膜嘅精華液係多啲，不過就唔係太吸收，有種黏笠嘅感覺🫠🫠🫠