SENKA 專科 好用推薦產品

natanatalie好用推薦：💚夏天油肌恩物！洗得夠乾淨又唔會繃緊💚 我本身係油性肌膚，一到夏天面部出油情況特別明顯，所以對潔面產品嘅要求都比較高。今次試用 SENKA 專科綠茶清爽洗顏泡泡，整體體驗非常滿意，絕對值得推薦！ 產品擠出嚟係淡淡綠色乳霜狀質地，加少量清水後好容易起泡，而且泡沫非常綿密細緻。搓揉上面時感覺十分柔滑，好似有一層泡泡 cushion 包住肌膚，減少磨擦感。洗面過程舒服，即使夏天使用都覺得好清爽。 作為油性肌膚，最在意嘅一定係清潔力。呢款洗顏泡泡可以有效帶走面上多餘油脂同污垢，尤其係 T 字位洗完之後特別清爽乾淨，有種毛孔被徹底潔淨嘅感覺。對於日常防曬殘留及輕微彩妝污垢亦有唔錯嘅清潔效果。 最令我驚喜嘅係控油效果。夏天天氣炎熱潮濕，平時洗完面冇耐就會開始泛油，但用咗呢款潔面產品後，感覺面部清爽時間明顯延長。雖然唔會完全唔出油，但出油速度好似有所改善，對油肌人士十分友好。 好多主打清爽控油嘅潔面產品洗完都容易令皮膚繃緊，但呢款就拿捏得幾好。洗完面之後肌膚感覺乾淨清爽，同時保留一定水潤感，唔會有過度清潔帶來嘅不適感。 **綠茶配方感受** 產品加入綠茶成分，使用時感覺特別清新，夏天用尤

MaggieFung好用推薦：清爽 夏天用唔泣 唔會泛白

jellybeanyay好用推薦：質地好水好易推，冇痴笠笠嘅感覺，冇泛白嘅情況，之後再上妝都唔會影響貼服度

Kba好用推薦：泡泡好扎實又軟綿綿 隨便搓2下已經非常綿密, 白泥成分很有感, 油光和面上髒污直接吸爆, 成分温和,有效去角質同暗黄. 我每星期用2次做深層清潔, 用完好乾爽,一過水就乾淨 亦都唔會緊繃,唔會過度清潔 甚至秋冬季都適合用 最重點係CP值極高 非常平又有效的產品 仲要一枝可以用好耐 用少少已經夠洗哂全面 已經用左超過3枝 推介💯

Chloeincosme好用推薦：經歷咗個夏天，皮膚粗糙咗好多，有好多粒粒，所以周圍搵下去角質/煥膚產品，見到Senka呢支白泥泡泡幾抵玩就試下～ 🤍 清潔力：4/5 好易起到綿密泡泡，白泥成分有效帶走毛孔污垢，用完覺得皮膚乾淨咗，又唔會太乾～ 🤍 溫和去角質：4/5 雖然係去角質產品，但因為係泡泡質地，摩擦力較低，對乾肌黎講每星期用3次都唔會太刺激，適合怕磨砂感嘅人～ 🤍 改善粗糙：4/5 用咗三星期，覺得面頰同額頭嘅粒粒感有減少，皮膚摸落滑溜咗～ 🤍 性價比：5/5 開架價錢但效果唔錯，一支可以用好耐，學生黨都負擔得起～ ### 總結： Senka白泥泡泡係溫和去角質嘅好選擇！特別適合想改善粗糙同粒粒問題嘅人～推薦

Emily Leung好用推薦：Senka專科完美卸妝泡泡測評：平價得嚟有驚喜？ 各位姊妹！今次同大家分享呢支Senka專科嘅卸妝泡泡，藥妝店幾十蚊就買到，真係平到笑！話明係泡泡，唔使自己搓泡，一按就係綿密嘅慕斯，貪方便嘅我緊係要試吓啦！ 質地同氣味： 一按出嚟，哇！啲泡泡真係好似忌廉咁綿密，厚身又實淨，唔會好似其他泡泡卸妝咁快塌落嚟。味道係好清淡嘅花香味，唔會好人工，聞落幾舒服。 清潔力： 我平時返工妝都幾齊全：防曬、粉底、碎粉、眉筆同胭脂。用Senka呢支卸日常妝真係夠做，啲泡泡係面度打圈按摩好舒服，沖水之後塊面好乾淨。不過要講明，如果你用緊超防水眼線同睫毛膏，就可能要另外用眼唇卸妝液幫手，單靠佢有機會有少少印。 使用感受： 最大優點真係超方便！落妝速度快，適合返完工攰到唔想動腦嘅時候用。沖水後唔繃緊又唔乾，皮膚摸落去幾滑溜。溫和度方面，我試過用來卸眼妝都冇刺痛感（當然要閉實對眼啦），敏感肌姊妹都可以考慮。 有咩缺點？ 清潔力對大濃妝來講可能爭少少，同埋用量有啲費！如果成日用，一支好快就用完。雖然話平價，但計返條數都係咁話。同埋泵頭設計有時會「漏氣」，按出嚟嘅泡泡唔次次都一樣實淨。 總評： Senka專

wingche好用推薦： 一支可以卸妝同時潔面嘅產品，仲要係一唧出嚟就係泡泡，唔洗乳化，相當快捷方便！👍 如果以卸妝度嚟講，佢都有8成，可以卸日常淡妝，但full make up就都係搵返卸妝油穩陣啲。☺️ 春夏天用佢ok嘅，但最近秋冬比較乾燥，用完佢嘅時候，塊面會有少少繃緊，要即時塗上護膚品。 不過整體來講，以佢開架品牌，購買方便度相當高，價錢又相宜，入手買嚟卸簡單妝容，都係唔錯嘅選擇！

Fng好用推薦：SENKA 專科呢支「全效防曬水凝乳」（Perfect UV Gel）80ml，係一款主打極致清爽水感嘅開架防曬，可以話係「怕笠星人」同「油肌恩物」嘅夏日救星。 ✨ 產品核心重點 · SPF50+ PA++++：最高防曬等級，日常通勤、行街絕對夠用。 · 水感凝乳質地：搽上臉好似搽緊清爽乳液咁，完全冇傳統防曬嗰種厚重感。 · 42%保濕精華：加入雙重玻尿酸、蠶絲蛋白、蜂蜜、玄米油等保濕成分，防曬同時護膚，唔會抽乾皮膚。 · 臉部身體兩用：80ml 大容量，搽身都唔肉痛，用普通肥皂就卸得乾淨。 💬 評價 好評： · 清爽到似冇搽：擠出來如同化妝水一般的質地，上臉完全沒負擔。 · 保濕唔乾：用完皮膚唔會繃緊，就算冷氣房長時間逗留都 keep 到水潤感。 · 性價比極高：以百元以下價位做到呢個質素，cp 頂級。 要留意嘅位（⚠️）： · 防水力一般：舊版有用家實測流汗後會掉落或泛白，如果大汗或者游水，建議揀 Perfect UV Milk（防水型） 會穩陣啲。 · 含酒精：成分表有酒精，敏感肌、乾肌要慎用，有機會覺得刺眼或抽乾。 · 有機會起屑：有用家反映搽完之後推開會起擦膠碎，

Beanbean好用推薦：首先防晒嚟講 佢好大支 成80ml 有pa+++ spf50 今個夏天超熱！ 呢支夏天防晒夠用 無泛白 防止晒黑同晒傷 因為底妝前用 測試過冇用完冇擦膠碎 佢質地透薄 冇封閉感 💫 同時唔會令粉底移位 感覺幾好

Paulpauline好用推薦：唔知係咪我太乾，用完都唔係好覺好保濕，用前用後分別唔大，但係一路沖涼一路敷真係好方便

kammy好用推薦：泡泡面膜，沖涼嘅時候洗完面放啲有保濕成分嘅泡泡上塊面度，等沖完涼就可以沖走佢，好方便，又有效果，好保濕

killkew.b好用推薦：貪平買黎試下😅 對於平日淡妝黎講卸妝力尚算ok, 但用量要夠多(3-4泵)先可以做到乳化效果👍 落眼妝就唔算乾淨 但用完塊臉唔覺得油膩

mandy好用推薦：Senka Perfect Watery Oil 水感保濕卸粧油 這瓶專科 的 卸粧油 是舊版，新版為 All Clear Oil。 質地跟一般卸妝油接近，有點油膩感。 帶點水蜜桃的香味, 能徹底卸除彩妝。 加水乳化再沖洗後，肌膚清爽潔淨不乾燥。 價位便宜，性價比高。 含保濕成分: 礦物油 及 甘油 抗衰老成分: 甘油 及 維他命E 肌膚修復成分: 甘油 抗氧化成分: 二丁基羥基甲苯  及 維他命E 鎮靜消炎成分:  維他命E 美白/均勻膚色成分:  維他命E      

lonia好用推薦：每逢戶外活動長時間曬太陽之後，皮膚就好容易變紅變乾，或者秋冬季節，日常護膚都不足以補濕嘅時候，就會敷mask幫皮膚補補水。 呢款mask價錢唔貴，所以屋企會長備作補水用。mask嘅前裁比一般mask闊，可以fit到不同面形大小嘅女生，完全cover到全塊面，同時非常貼面。敷上mask之後我會輕拍不同位置，幫助吸收精華液。敷完之後完全感覺到充足補水嘅效果，連帶膚色都有所提亮，皮膚當堂有一種水潤透亮感。

Wongwong好用推薦：敷完塊面好補水，保濕效果一流，面膜質地薄透，大概敷二十分鐘，已回購多盒。

ChingLam好用推薦：以前我買過專科洗面泡，用後覺得太乾就對依個牌子印象麻麻。 早上用嘅洗面冇晒，咁岩見到依支洗顏啫喱 寫明「用後水潤清爽」就決定買佢返屋企！ 4月嘅天氣開始潮濕同焗，多數一起身塊面T位一定出油，早上的護膚程序我想簡單，方便我之後化妝，所以都要求保濕同夠清潔 其實吱出黎質地好似啫喱，但洗面果陣其實完全冇任何感覺，因為佢唔會起泡，但洗完冇乾緊嘅感覺，feel到係爽嘅，只係冇泡覺得好似唔乾淨咁🤣 不過夏天好岩用，清潔得黎又爽 又唔乾

Kelvin好用推薦：經典藍色款，添加咗保濕成份，任何皮膚都啱用。 佢比其他研肌，Biore 嘅泡泡洗面膏嘅泡泡更加濃密。而且只係需要好少洗面膏嘅份量，就可以出到好多白色濃厚嘅泡泡。清潔力度好強，做到深層清潔效果，但用後皮膚好乾，即時用返護膚品。如果係油性皮膚會鍾意依種感覺。 特價嘅時候好平，$24兩支，抵用。

Emma好用推薦：可以就咁用手就整到好企身嘅泡沫，唔會磨擦到面部皮膚，但係清潔力極強乾敏肌既人就未必適合，呢支我只係可能一星期用一兩次，對於我嚟講佢清潔力太強，定期用嚟清理毛孔粉刺就適用，但係每日使用用嘅話就一定唔得，因為用完皮膚超級繃緊，如果唔即刻查返精華嘅話仲會起乾紋！