CAUDALIE 好用推薦產品

Miranda好用推薦：【質感】 首先講質地。佢係白色嘅輕身乳液狀，流動性幾高，唧出嚟會喺手背流動嗰種。推開嗰下好順滑，上面之後輕拍幾下就吸收晒，皮膚表面會留低一層薄薄嘅水潤感，但又完全唔會覺得黐立立或者油淋淋。 呢種輕薄嘅質地我好鍾意。佢唔似某啲美白精華咁，用完之後塊面會乾爭爭；亦都唔似某啲太潤嘅產品咁，用完之後好似有一層嘢封住。佢嘅滋潤度係啱啱好嘅，無論夏天定冬天用都唔會覺得有負擔。 味道方面，佢有Caudalie招牌嘅淡淡葡萄花香，聞落好舒服，唔會太濃烈。每次用嘅時候都覺得好放鬆，呢種「護膚儀式感」係幾加分嘅。包裝係滴管設計，每次唧出嚟嘅份量啱啱好，一兩滴已經夠全面，唔會浪費。 【使用感】 呢個位係我最滿意嘅部分。佢嘅 「提亮效果」 真係好出色。用咗大約兩星期之後，我發現塊面望落有光澤咗，膚色均勻咗，冇以前咁暗啞。尤其係捱夜之後用，朝早起身塊面都仲Keep到明亮感，唔會變「黃面婆」。 佢嘅 「淡斑效果」 都係我幾滿意嘅。我本身有啲暗瘡印，用咗大約一個月之後，見到印嘅顏色明顯淡咗，望落冇咁礙眼。雖然對於一啲好舊嘅深色斑點，效果就冇咁快，但對於新形成嘅色素沉澱，佢嘅效果係幾明顯嘅。 最加分嘅係佢

Luvty好用推薦：Caudalie 葡萄蔓極緻亮白精華液是溫和美白精華嘅好選擇，獨家成分葡萄蔓萃取液有助減淡皮膚黑色素，質地輕盈，搽上皮膚後清爽無負擔。 使用一段時間後，可以感覺到膚質變得亮白，對於改善暗沉、均勻整體膚色有顯著幫助，尤其適合敏感的肌膚。淡淡的天然草本香氣令人心情放鬆。雖然針對頑固深色斑點需要更長時間觀察，但作為日常亮白保養，我會推薦呢個精華。

Sakura醬好用推薦：乾旱肌救星？Caudalie葡萄籽急救保濕精華真實用後感 皮膚乾到裂，鼻頭仲甩晒皮，上粉底好似甩灰咁，真係喊出嚟。前排見呢支 Caudalie葡萄籽急救保濕精華 好多人推，忍唔手買咗支試吓，用咗一排，真心想同姊妹們分享。 先講質地，佢係水狀精華嚟，流動性好高，唧出嚟好似水咁，但推開之後有少少滑溜感。最驚喜係吸收速度快到癲，查上面輕拍幾下就吸晒，塊面即時有種飲飽水嘅脹卜卜感覺，但又完全唔黐立立，夏天用都冇問題。 講返保濕力，佢入面有葡萄籽多酚同透明質酸，急救乾紋真係有一手。我試過瞓前查多兩層，第二朝起身塊面係飽滿同軟腍腍嘅，鼻翼兩邊嗰啲乾紋明顯淡咗。平時朝早用完佢再上妝，個底妝貼到似第二層皮膚咁，終於冇晒嗰種裂紋感。 舒緩方面都要讚吓，前排塊面有少少敏感，泛紅得幾勁，諗住試吓查佢，點知真係有驚喜。查完之後個泛紅褪咗一半，塊面仲涼浸浸好舒服，完全冇拿埋嘅感覺。敏感肌朋友應該會好鍾意。 不過都要講吓缺點。第一，佢個滴管設計有少少難控制，成日唧得多過頭，變相用得快咗。第二，如果係大乾肌，單用佢可能唔夠力，後面一定要疊返個保濕面霜鎖住水分。第三，佢嘅價錢以開架嚟講唔算平，但以效果嚟計，對

SandyTip好用推薦：葡萄籽急救保濕精華係每年夏天必回購的精華，質地十分清爽加上淡淡既獨有味道，令到每日都想用和享受護膚既時刻♥️♥️ 回購度⭐️⭐️⭐️⭐️ 清爽度⭐️⭐️⭐️⭐️⭐️

Karman28好用推薦：呢支潤唇膏有淡淡既香味，覺得都幾滋潤。夏天同冬天使用都可以，我用完都無敏感既問題。

Ko好用推薦：正正常常不過不失 因為我唔係敏感肌所以搽上嘴亦都冇敏感 夏天用都唔會覺得特別黏笠 但同時間又唔會覺得特別保濕 如果想喺化妝之前full嘅話 建議可以用其他更加保濕嘅潤唇膏 我覺得唔使專登買呢枝黎試

Desse好用推薦：代購度見到有caudalie 3件套.. 即時買黎試.. 但可能是天氣的錯… 體驗效果唔太好⚖️ 葡萄籽保濕雪芭面霜 並沒有出現預想中嘅葡萄籽味.. 擠出嚟有點似豆腐渣.. 醜醜哋🪻 捽開揸上臉.. 質地似描述嘅雪芭..輕薄易推 🪻🪻🪻🪻🪻🪻🪻 🪻面霜保濕度不足 秋天天氣下.. 只能有效保濕1-2個鐘.. 🪻明顯泛油 2個鐘嘅保濕時間後會見到明顯泛油.. 愈乾嘅時候出現得愈快 日本室內暖氣下.. 1個鐘就要出動面油紙🪻 秋/冬不值得考慮🪻

mandy好用推薦：CAUDALIE VINOSOURCE  MOISTURIZING SORBET  葡萄籽雪芭保濕面霜 葡萄籽雪芭保濕面霜是主打保濕的面霜，具有不錯的保濕力，是清爽型保濕，所以滋潤度不高。雖然葡萄籽雪芭保濕面霜可以早晚使用，個人推薦早上使用，因為其輕盈質地好吸收，即使之後上妝，也不會起屑。晚上適合改用較滋潤的晚霜，加強保濕及修復肌膚。 葡萄籽雪芭保濕面霜的質地水感輕盈如雪芭，非常易於推開，而且很快被肌膚吸收，使用感極為清爽不黏笠，輕到好似沒有在用面霜的感覺，非常適合混合肌、油性肌或是怕笠人士使用。 成分方面添加了不少美肌成分，例如：保濕成分、抗衰老成分、抗氧化成分及鎮靜消炎等成分。 此外，由於葡萄籽雪芭保濕面霜不具防曬效能，早上使用葡萄籽雪芭保濕面霜時請配合防曬一起使用。 含保濕成分：甘油, 牛油果樹果脂萃取, 赤蘚醇,卵燐脂, 木蜜醇, 辛乙二醇, 葵花籽油, 野大豆甾醇類, 丁二醇, 羧甲基 β-葡聚糖鈉, 生物糖膠-1 及 玻尿酸鈉 抗衰老成分：甘油, 牛油果樹果脂萃取, 維他命E, 葵花籽油, 葡萄汁, 野大豆甾醇類, 德國洋甘菊花萃取 及 玻

Luvty好用推薦：​這款眼霜我已經回購兩次 它的設計自帶陶瓷按摩頭，搽完眼霜再用按摩頭幫助吸收得更好 早上起床用來按摩眼周，消水腫效果顯著 它的質地清爽好吸收，不用擔心會長脂肪粒 持續使用一段時間後，黑眼圈都有微微減輕 鍾意佢溫和唔刺激嘅配方，即使是敏感肌用起來也非常舒服

LenaC好用推薦：呢排沉迷煲劇 返工已經成日要睇電腦 又夜瞓 黑眼圈眼袋出晒嚟 為咗急救一下 決定揼本試試Caudalie 新出嘅抗黑眼圈眼霜 希望可以改善浮腫同埋黑眼圈 佢嘅主要成分係 : 葡萄蔓萃取液, 維他命B3, 咖啡因 都係純素成分 而且97%係天然成分 不含合成香料 所以都可以安心使用☺️ 佢質地係乳霜狀嘅 超級輕盈‼️ 好易推開‼️‼️ 最鍾意嘅係佢特製嘅陶瓷按摩頭 有種冰感嘅按摩效果 幫助擊退浮腫 我成日都鍾意用佢喺眼袋度推 用咗一個禮拜 好似有啲啲好咗？🫣🤣🤣🤣（心理作用？） 唔緊要啦好似冇咁紅腫？ （可能燈光問題 影得唔係咁好啫？😅🤣🤣） 再堅持用多陣🥹🥹‼️ #火熱新品 #BA照

chewyfruit好用推薦：#火熱新品 Caudalie 葡萄籽淨化抗痘精華（Vinopure Blemish Control Serum）測評 成日出石頭瘡搞到好困擾？又想控油但又怕精華太乾？今次實測Caudalie呢支號稱『溫和打痘痘』嘅葡萄籽精華，睇下佢係咪真係消炎快、唔起皮，同埋會唔會好似傳說中咁有少少搓泥？混合肌、油肌埋嚟睇下啦！ 質地與膚感 似流質水狀精華，好快吸收，唔會笠。帶有天然草本（迷迭香、薄荷）香味。部分人反映如果底層保濕唔夠，搽完會有少少膠水感或搓泥，建議之前用輕爽嘅保濕水。 控油與痘痘效果 水楊酸搭配葡萄籽多酚，對局部紅腫石頭瘡、膿頭暗瘡有明顯消炎同撫平效果，快則一晚、慢則兩三日見效。但對閉口粉刺效果一般。控油力中上，用完面頰清爽，T區出油減少。 溫和度 比較溫和，冇乾到脫皮嘅情況。但皮膚敏感時用可能會有輕微刺痛或泛紅（尤其面頰較薄位置），建議先喺耳背測試。 注意事項 · 如果係暗瘡+乾燥敏感肌，要做好局部保濕。 · 對阿司匹林過敏（水楊酸相關）不宜使用。 · 日間一定要搽防曬，否則有機會反黑。 總結建議 ✅ 適合混合肌、油性肌，處理紅腫石頭瘡效果好。 ❌ 嚴重囊腫型暗瘡、敏

Sarah好用推薦：質地： 透明精華流動性強 推上面即刻吸曬， 零黏笠，冇油膜感， 夏天用好舒服 平日落妝後搽都唔會焗粒， 仲帶淡淡天然葡萄草本清香 效果 屬於比較溫和疏通毛孔黑頭， 生理痘堅持早晚薄搽， 暗粒會慢慢扁落 唔會好強效 但毛孔有變細緻 #火熱新品

Sarah好用推薦：質地 質地係奶潤乳液感嘅精華，唔係水水地，亦都唔會厚膩。推開好滑好潤，上臉吸收得快，搽完塊面軟綿綿，唔會有層膠膜感，瞓覺都唔黐枕頭。之後疊面霜同防曬都唔會搓泥。混油夏天用都唔會焗，乾皮秋冬用滋潤度都夠。仲有淡淡葡萄天然香氣，聞落好舒服。 效果 屬於慢工出細貨嘅抗老精華，唔係用一次就即刻見好大效果。堅持用落去，塊面會變得實淨飽滿，面頰鬆弛感會減輕，乾紋細紋會柔化。抗氧化都幾好，捱完夜第二日塊面唔會灰黃暗沉，膚色會透亮有光澤。保濕效果即時見到，膚感彈潤軟滑。 冇A醇、刷酸嗰種強力煥膚效果，勝在穩定護膚抗初老，唔想玩猛藥嘅岩佢。 #抗老

Wawa好用推薦：奶白色乳液質地，延展性好，吸收速度也快 塗完後皮膚會覺得比較柔軟，不油也不乾 香味是植物調，偏天然，不是人工香精的那種，個人覺得蠻舒服的，整體膚感表現不錯，作為日常精華很好吸收、不黏膩 保濕和膚感改善是有的，但緊緻或提拉的效果不明顯 #火熱新品 法令紋、臉部輪廓這些地方暫時看不出太大變化

Kura好用推薦：呢款晚霜好適合秋天轉季用，質地偏厚身，但搽完皮膚吸收都好快，整體水潤度都有所提升，升級版比舊版更好用，每次用完皮膚都有變化，堅持用咗一段時間皮膚都變好咗 #火熱新品 #火熱新品