Curél 好用推薦產品

Kathy Wai好用推薦：哈囉大家好～今日想同你哋真情實感分享下，我呢半年用Curel保濕面霜嘅用後感！乾肌、敏感肌嘅朋友仔，擔定凳仔睇落去啦～ （質地與使用感） 「佢嘅質地好似軟綿綿嘅雪糕，一推開就變水潤感！最驚喜係完全唔黏笠，就算依家夏天開冷氣瞓覺，第二朝塊面都仲係飲飽水咁彈手～最搞笑我老公試用咗一嘢，竟然偷偷搽咗成個禮拜，話搽完爽過佢支男性面霜喎！」 （成分與功效） 「主打神經酰胺修護，真係乾到脫皮嗰陣厚敷，第二日即刻變返BB屁股咁滑！試過轉季塊臉紅到似關公，連續搽三日就安撫返，敏感肌朋友可以安心衝～」 （貼心小提醒） 「記得記得！要用喺爽膚水之後，趁塊面仲有少少濕氣嗰陣薄薄搽勻，咁先鎖到最大嘅水分。油肌朋友可以夜晚當sleeping mask用，朝早起身塊面會自帶柔焦效果～」 詳細評分表： · 保濕力：💧💧💧💧💧（滿分） 乾到龜裂都救得返，冷氣房瞓醒塊面仲係軟腍腍。 · 質地清爽度：🌪️🌪️🌪️🌪️🌪️（滿分） 零油膜感、零負擔，油肌朋友實測話夏天用都無長暗粒。 · 敏感修護力：🌸🌸🌸🌸🌸（滿分） 紅、痕、熱感一take過安撫，轉季必備護身符。 · 性價比：💰💰💰💰（4/5）

FishFish好用推薦：Curel保濕面霜🧴 首先講吓我嘅膚質：我係混合偏乾，兩頰成日乾到繃緊，鼻頭就有少少油。轉季嘅時候仲會敏感、紅紅哋。 質地篇 打開一睇，係好厚身嘅白色乳霜，好似雪糕咁。好多朋友一見就驚「嘩，會唔會好立？」放心，一推開就變透明，輕輕按壓幾下就吸收晒。唔會油淋淋，反而覺得塊面滑滑地，好似有一層薄薄嘅保護膜咁。 保濕力篇 我覺得佢嘅保濕真係做到「長效鎖水」。有時懶，沖完涼就咁搽佢，第二朝起身塊面仲係柔軟有彈性。最誇張係冬天乾到脫皮，搽兩晚，啲皮就乖乖收返晒。乾燥肌嘅朋友一定會鍾意。 敏感肌友好篇 呢個真係要讚！完全冇香味（無香料無酒精），就算我面紅紅、有啲刺痛嗰陣搽，都完全冇「乸」嘅感覺。敏感期用佢好安心，唔會加重負擔。好多濕疹朋友都推薦。 少少不足 對大油肌或者夏天日頭用，可能會覺得「焗」咗少少。我自己就秋冬用，或者晚上當睡眠面膜厚敷。另外價錢方面，原價近$200/40g，以開架產品嚟講唔算平。建議等萬寧、屈臣氏做七折或者「買二送一」嗰陣先入手，咁就抵用好多！ 總結 如果你係乾燥、敏感、成日爆拆嘅皮膚，呢盒值得一試。比滿分10分，我會俾9分。扣1分係因為價錢同夏天可能略厚。親切提

natanatalie好用推薦：適合乾肌的面霜❣️ 春夏天用 Curél 緊緻抗皺滋潤面霜，第一下推開嘅時候，質地係偏厚嘅 cream 狀，帶少少油潤感。剛塗上面頰位會覺得好滋潤，甚至有啲「包住」皮膚嘅感覺，乾燥位即刻舒緩咗。但因為我係混油肌，T-zone 好快就開始出油，尤其係額頭同鼻翼，成日要用紙巾輕輕印走。🥹 吸收方面，佢唔算快，要等幾分鐘先會慢慢融入皮膚。用完之後，面頰位係柔軟同有彈性，但春夏天氣熱，厚重感令我覺得有啲焗。長時間用落，冇爆痘，但偶爾會有細細粒閉口，可能因為滋潤度太高。🙃 抗皺同保濕效果係明顯嘅，尤其夜晚用完第二朝皮膚唔會乾。但如果係春夏天，我覺得佢更適合晚間護膚，日間用就太厚，妝容容易浮。相比之下，同系列嘅水凝乳霜就清爽好多，混油肌用春夏天會舒服得多。😚 • 優點：保濕力強、面頰位好柔軟、有抗皺感 • 缺點：春夏天混油肌用會覺得厚重、T-zone 出油快、偶爾有閉口 • 建議：春夏天用水凝乳霜，秋冬再用緊緻抗皺滋潤面霜

Chloeincosme好用推薦：因為朋友知道我前排塊面敏感又乾燥，所以推薦咗 Curel緊緻抗皺滋潤面霜叫我試下！用完之後皮膚狀態真係有好轉（始終呢個牌子專為敏感肌設計，用落特別安心！☺️ 🤍 試用感：4.5/5 搽完之後塊面會有一層薄薄嘅保護膜，唔係個個都會鍾意呢種感覺，不過我作為乾皮膚就覺得好OK，有種唔驚比冷氣抽乾水嘅安全感～ 🤍 滋潤度：4.5/5 質地豐潤但唔油膩，推開後好快成膜，冷氣房待成日都冇乾到繃緊，鼻翼甩皮問題明顯改善～ 🤍 抗皺效果：4/5 用咗兩星期，覺得眼周同法令紋嘅乾紋唔覺少左，但皮膚彈性都有提升，摸落去飽滿左。 🤍 溫和度：5/5 最中意呢樣！敏感肌用零刺激！就算皮膚狀態唔穩定時使用都冇泛紅，仲有舒緩效果～ 總結： 雖然保護膜感未必人人鍾意，但對於追求滋潤同安心感嘅人嚟講，絕對值得一試～會回購，推薦！

natanatalie好用推薦：輕盈版嘅保濕緊緻面霜☺️ 春夏天用落，推開嘅時候好似水凝啫喱咁，延展性好高，幾下就推勻晒，吸收速度快到幾乎唔需要等。混油肌最怕厚重同焗，但呢款用完係清爽得嚟又有保護感，T-zone 唔會即刻泛油，面頰位又保持柔軟。妝前用特別舒服，底妝貼服度比滋潤面霜好得多。❤️ 長期用落，皮膚穩定度高，冇爆痘亦冇閉口，保濕力雖然比滋潤面霜弱啲，但春夏天已經足夠。夜晚用完，第二朝皮膚仲係清爽同有彈性，唔會有油膩殘留。👍🏻 ✨ 簡單講： • 水凝乳霜：春夏混油肌嘅好拍檔，清爽、快吸收、妝容貼服 • 滋潤面霜：秋冬乾燥季節更合適，保濕力強但春夏會覺得厚

Chloeincosme好用推薦：試咗 Curel 緊致抗皺水潤乳霜 ，質地真係幾笠身，搽完好似一直浮喺面咁，有啲難吸收... 🤍 保濕度：3/5 雖然話係水潤乳霜，但主要係表面滋潤，感覺唔到有滲透到皮膚底層～ 🤍 質地吸收：2/5 質地偏厚身，推開後有成層膜咁「𥺆」住塊面，等左好耐仲係有啲黏膩感～ 🤍 溫和度：4.5/5 成分依然係Curel招牌溫和配方，敏感肌用完全冇刺激，呢點值得讚～ 總結： 若果好似我咁怕黏膩感，就可能要考慮其他質地再清爽啲嘅抗皺產品啦～暫時唔會回購！

Jasmine L好用推薦：面霜質地豐盈滋潤但吸收後唔黏膩，夜晚用完朝早皮膚水潤柔軟，乾紋同緊繃感減少咗少少，暗沉淡咗啲，有透亮感。 保濕修護力穩陣，敏感冇刺激或紅腫，但質地偏厚，T字位或夏天可能稍悶。適合偏乾肌晚間深層補水用，效果溫和實在。

Chloeincosme好用推薦：呢排轉季想除咗保濕，仲想加強美白，開始用 Curel 美白保濕面霜，入面嘅成份加入咗可以擊退黑色素形成嘅成份，用咗兩三個禮拜，覺得啲斑淡咗少少，同時保持到滋潤感～ 🤍 美白效果：4/5 持續使用確實覺得膚色均勻咗，尤其係嘴角同顴骨嘅暗沉位置有提亮，斑點有輕微淡化～ 🤍 保濕度：4.5/5 質地柔潤唔厚重，推開後形成保濕膜，轉季期間用都冇出現乾燥脫皮～ 🤍 溫和度：5/5 秉承Curel一貫作風，無香料無酒精，敏感肌用完全零負擔，仲有舒緩效果～ 🤍 吸收度：4/5 雖然係乳霜質地，但按摩後吸收得快，唔會過於黏笠 總結： Curel呢支美白面霜將美白同保濕平衡得好好！溫和得嚟見到效果，特別適合敏感肌又想美白嘅人～會繼續回購，推薦俾想淡斑同改善暗沉嘅你！

annielittlecake好用推薦： Curél 深層控油保濕啫喱質地清爽又唔立，從肌膚底層減少油脂，同時為肌底做好保濕基礎，徹底解決面部油光問題。