Curél 好用推薦產品

zetalhc好用推薦：洗嘅時候好容易起泡，清潔力好唔錯覺得有深層潔淨頭皮，不含酒精香料，對敏感頭皮很好

Hamiii好用推薦：買俾仔仔用，洗得幾乾淨 小朋友太鐘意玩水，成日都會唔覺意整到d泡泡入眼 用呢支從未聽佢投訴過會拿眼 買得過👍🏻

莓莓好用推薦：💮 Curel浸透保濕身體乳液 💮溫和抗敏・極潤修護 睇到成班敏感肌姊妹狂推呢支 #平價保濕神器 Curel浸透保濕身體乳液，話連BB同濕疹皮膚都用得，忍唔住買支返屋企試真啲！同大家分享吓用後感～ 💥 質地： 同一般濃厚嘅身體乳唔同，佢係奶白色嘅輕盈乳液，一推開就化水，好似同皮膚撳咗個快速補水掣咁！吸收速度超快，搽完那刻已經覺得乾燥手臂有層保濕膜，但係完全唔黏立立，即刻著衫都冇問題！ 🌟 真實用後感： • #甩皮救星 ：試過小腿乾到有白色紋，搽完第二日已經即刻平滑返，冇再「飛雪花」 • #敏感肌恩物 ：皮膚痕癢或者紅咗嘅位置，搽完即刻有陣涼浸浸嘅鎮靜感覺，冇再愈抓愈癢 • #冷氣房必備 ：每晚開冷氣瞓，朝早起身皮膚都依然保持水潤，冇乾燥緊繃感覺 💡 進階用法： ▸ 沖涼後趁皮膚仲有微濕，厚敷一層喺手肘、腳踭，5分鐘後輕輕按摩，粗糙位置會變柔軟 ▸ 如果化妝發現粉底唔貼服，可以混少少乳液入粉底，即刻提升貼服度，打造自然水光肌 ▸ 每晚用兩泵分量由下至上按摩雙腿，連續一星期，皮膚摸落去會明顯滑溜咗 真心推介俾成日覺得身體乳「又黏又立」、「唔吸收」同埋「皮膚敏感唔知用咩好」嘅朋友

Kathy Wai好用推薦：前排天氣開始乾，對手腳好似有啲「蛇皮」咁，睇見都嚇親人。本身我皮膚幾敏感，唔敢亂用嘢，見好多人都讚Cruel隻保濕身體乳液，就走咗去買支試下。 一用真係好似搵到寶！首先，佢完全冇香味呢點已經大加分，唔會好似其他嘢咁，一陣化學味焗住好難頂。其次，佢個質地真係好得意，睇落好似係好「水」嘅乳液，一推開就變到好輕薄，好似瞬間俾皮膚吸咗入去咁，完全冇平時用身體乳嗰種黐立立、唔舒服嘅感覺。估唔到咁輕盈嘅質地，保濕力可以咁持久，第二朝起身摸落對腳都仲係滑捋捋，冇再因為乾而痕。 最緊要係，用咗佢之後，我手臂因為敏感而泛紅同痕嘅情況真係少咗。果然係專為敏感肌而設，溫和得嚟又真正做到保濕，以後轉季都唔使驚啦！一定會再回購！ #身體保養

Chloeincosme好用推薦：呢排用緊 Curel 深層高效保濕噴霧，佢主打Ceramide配方，用落果種修護同保濕感真係感受到同普通噴霧唔同！ 🤍 保濕度：4.5/5 Ceramide成分確實出色，噴完皮膚即刻有水潤感，而且鎖水能力比一般噴霧持久，唔會好快打回原形～ 🤍 舒緩效果：4/5 轉季時面頰泛紅，噴一噴有即時降溫同鎮靜感覺，敏感肌用零刺激～ 🤍 使用感：4/5 噴頭設計細密，水珠好幼細！ ### 總結： Curel呢支保濕噴霧將Ceramide護膚成分融入噴霧概念特別適合乾燥敏感肌隨時補濕，會回購！推薦俾成日對住冷氣同需要隨時保濕嘅你！

Julianna好用推薦：呢支真係「補水神器」！最大亮點係佢噴頭超級細緻，噴出嚟係水霧狀，唔會滴水唔會整溶妝，特別適合妝後補濕定妝。早上護膚完噴一層可以令後續底妝更貼，妝後一整日皮膚都唔會乾。佢主打Ceramide配方，對於乾敏肌特別有效，長期用真係覺得皮膚屏障穩定咗～有時轉天氣開始泛紅或者爆擦，噴兩下即刻舒緩返。包裝方便，放喺袋隨時補水超方便。唯一小小缺點係價錢唔算平，比起一般噴霧貴啲，所以我都係等有折先囤貨。但效果值得，尤其係夏天冷氣房長時間工作／學生用家，呢支我會一直回購！

YYeman好用推薦：Curel化妝水｜敏感肌嘅「定心丸」！💊 一句講晒： 轉季爛面必備！唔係最平，但係最穩陣！✨ 質地： 清爽版似精華水，極潤版帶少少黏性，推開即刻化水！ 效果： ✅ 即時鎮靜 - 面紅面痕拍兩下，5分鐘降紅！ ✅ 隱形保護膜 - 補水之餘幫你築起「保濕牆」！ ✅ 百搭神器 - 同任何精華都唔打架，底妝更貼服！ 真心話： 皮膚好時覺得佢平凡，皮膚差時先知佢係救命草！🌿 回購指數： ★★★★☆ （扣一分因為價格年年悄悄升...） ～姊妹貼士～ 記住要按壓吸收，唔好慳！泵半下無用㗎！

Kmggigi好用推薦：Curel 極致保濕化妝水 — 水潤升級，乾肌救星✨ 質地: 呢款化妝水嘅質地非常流質， 比起化妝水II稍為濃稠一點， 但依然如水般輕盈好吸收， 使用後可以即時為肌膚補充水分，感覺清爽又水潤。 效果: 相比化妝水II，極致保濕化妝水嘅滋潤度更高， 保濕效果更加顯著， 特別適合乾燥肌膚或者需要深層補水嘅日子， 使用後肌膚感覺柔嫩有彈性。 不過效果比較單一，專為皮膚補水以設。 產品設計: 值得一提係，呢款產品嘅旅行裝設計非常貼心， 方便攜帶出門或者旅行時使用， 無論日常護膚定外出護理都非常方便。 總結：高效保濕，乾燥肌膚的福音 Curel 極致保濕化妝水以流質清爽嘅質地同顯著滋潤嘅效果，為肌膚提供深層保濕， 特別適合乾肌或者需要補水嘅肌膚使用。 配合旅行裝設計，係日常同出門護膚嘅完美選擇！💧

Kmggigi好用推薦：Curel 深層控油保濕泡沫潔面乳係一款專為油性肌膚設計嘅潔面產品 相比起同系列嘅豐盈泡沫洗面乳， 呢款潔面乳喺控油方面表現更加優秀， 專為容易出油、毛孔堵塞嘅肌膚設計， 有效清潔多餘油脂並維持肌膚水油平衡， 令面部更加清爽乾淨。 泡沫質地同樣綿滑豐盈，能輕柔包裹肌膚， 溫和去除污垢同油脂，用後肌膚感覺潔淨清爽， 但唔會出現繃緊感，保持舒適嘅潔面體驗。 潔面乳特別針對毛孔問題設計， 能有效預防黑頭同粉刺， 日常使用後，明顯感覺到毛孔更乾淨， 油脂分泌減少，肌膚變得更平滑健康。

Wendy好用推薦：Cruel 呢支洗面奶適合敏感肌膚使用 泡泡好綿密 好溫和 夏天使用可以控油而且用後吾會感到好繃緊 會再購

Wongwong好用推薦：冬天乾燥，用呢支可以滋潤番乾燥既皮膚，乳霜有啲厚實，用完佢有少少黏立，過一陣吸收就可以，所以適合冬天乾燥用。

劉肥貓好用推薦：快吸收 容易推開 無色素 香料 酒精 皮膚容易敏感或乾燥的朋友適合用

維他他好用推薦：極致柔潤身體軟膏，冬天的時候，皮膚有邊度爆坼，乾燥，搽呢個就啱晒，特別係手踭同腳踭位置，其實面都可以照搽，但我會用返正常面霜，呢盒軟膏留返身體用，哈哈 身體軟膏非常滋潤，即時保濕，乾紋唔見晒，而且好柔軟，質地好軟身，非常容易推開，搽落好舒服

yoyo454好用推薦：包裝很簡單，介紹可以用在臉和身體 有幾次皮膚敏感，都用呢隻cream 🎀質地 沒有香味，質地濃稠，推開不算難 我用完才來分享 🎀早晚我都會用，塗了之後皮膚穩定，最重要是很保濕，敏感情況也有舒緩 🎀效果 塗完好像有層薄薄的油脂在臉，無色無味，很保濕，適合乾性敏感皮膚

Susu好用推薦：本身冇用開防曬，因為對防曬嘅感覺就係又黐立立又焗悶，但係因為今個夏天太陽真係太曬，所以入手咗呢支防曬，呢支防曬嘅質感幾好，唔會好抗拒，用完佢之後會有少少調色嘅效果，同時都可以令到個底妝更加貼服，個人幾推薦香港嘅天氣用  #底妝升級好物

jaye好用推薦：物理防曬呢點個人十分喜歡，絕對唔係水凝質地，係白色乳霜質地，搽上面係難推開既，好難均勻，同埋都有泛白感，不過即使質地少少厚身都唔覺黏笠既，作為日常用都可以既，但需要時間去搽均勻。的確無刺激到皮膚亦無粉刺問題。使用感一般。

hellolulu好用推薦：防曬面霜是擠管型設計，取用方便又衛生，我外出前一般會用一截指頭左右的份量，天氣熱可直接取代面霜，乾燥天就在保濕面霜後使用。質地較乾身但不難推開，不焗身不悶痘，會輕微泛白但個人可接受為自然的美白效果😂 平日絕少化妝，但少數淡妝日子以防曬面霜打底後，也沒有與底妝打架～ 雖然在開架產品中不算最便宜，但本身皮膚薄又易敏感，對不少成分耐受性低，適合的防曬選擇不多。試過趕時間沒用防曬外出，很快便曬得面頰又紅又痛了好幾天，可見它防曬系數雖不高但確實能溫和地保護皮膚👍 當然如果長時間戶外活動需定時補塗，或選用較強的防曬產品保護。

Sze好用推薦：躋出黎使用非常方便，而且用後不會泛白，很貼近原本的膚色。使用後沒有半點不適或泛紅也不會煩人，非常適合夏天使用。 #夏季必備保養

Kathy Wai好用推薦：Curel呢支精華真係乾敏肌救星！質地係凝露狀，一推開就化水，吸收得好快，完全冇黏膩感，夏天用都好舒服。用咗兩星期，最明顯係額頭同眼尾嗰啲幼紋真係淡咗，皮膚摸落去飽滿咗，冇再繃繃緊。 成分溫和，就算皮膚敏感期用都唔會刺痛，保濕力足夠但又唔會笠。整體感覺係低調實用派，未必即刻有震撼效果，但慢慢幫你穩定肌底，係一支可以安心長用嘅保養品！

kayla.me.me好用推薦： 乾燥敏感肌專用獲日本權威皮膚科醫生認可 佢可以針對我嘅乾燥敏感肌 長效補水,將水分鎖緊於肌膚底層，都好保濕