Curél 好用推薦產品

natanatalie好用推薦：輕盈版嘅保濕緊緻面霜☺️ 春夏天用落，推開嘅時候好似水凝啫喱咁，延展性好高，幾下就推勻晒，吸收速度快到幾乎唔需要等。混油肌最怕厚重同焗，但呢款用完係清爽得嚟又有保護感，T-zone 唔會即刻泛油，面頰位又保持柔軟。妝前用特別舒服，底妝貼服度比滋潤面霜好得多。❤️ 長期用落，皮膚穩定度高，冇爆痘亦冇閉口，保濕力雖然比滋潤面霜弱啲，但春夏天已經足夠。夜晚用完，第二朝皮膚仲係清爽同有彈性，唔會有油膩殘留。👍🏻 ✨ 簡單講： • 水凝乳霜：春夏混油肌嘅好拍檔，清爽、快吸收、妝容貼服 • 滋潤面霜：秋冬乾燥季節更合適，保濕力強但春夏會覺得厚

Chloeincosme好用推薦：試咗 Curel 緊致抗皺水潤乳霜 ，質地真係幾笠身，搽完好似一直浮喺面咁，有啲難吸收... 🤍 保濕度：3/5 雖然話係水潤乳霜，但主要係表面滋潤，感覺唔到有滲透到皮膚底層～ 🤍 質地吸收：2/5 質地偏厚身，推開後有成層膜咁「𥺆」住塊面，等左好耐仲係有啲黏膩感～ 🤍 溫和度：4.5/5 成分依然係Curel招牌溫和配方，敏感肌用完全冇刺激，呢點值得讚～ 總結： 若果好似我咁怕黏膩感，就可能要考慮其他質地再清爽啲嘅抗皺產品啦～暫時唔會回購！

Fng好用推薦：Curel 美白輕柔化妝水係熟齡混合肌夏日溫和美白之選! 同品牌經典藍樽保濕化妝水相比，質地同樣清爽如水，但多咗美白成分羅漢柏萃取，溫和提亮唔刺激，用兩週已覺膚色勻淨咗D，去黃氣效果明顯✨ 熟齡混合偏乾肌夏天用零負擔，拍兩層都吸收得快，無黏膩感，冷氣房內保濕力可維持半日，面珠墩無繃緊。 持久度同藍樽版相若，但美白版多咗抗氧功能，出汗後無暗沉發黃。不過美白效果要耐心使用，唔會即時變白，但敏感肌想溫和提亮的話，呢支安全之選！ 推薦給：✔️ 熟齡肌需要溫和去黃 ✔️ 怕美白產品刺激 ✔️ 夏日基本保濕+提亮二合一！

keinice好用推薦：沒甚麼保濕效果，很普通的一款化妝水。

Nicole 好用推薦：沒有香味，雖然看起來是乳液質地，但不是很好推開，吸收也不快，黏笠感很嚴重。不知道深冬用會不會好一點。 暫時來說不會回購。

劉肥貓好用推薦：潤手霜質地厚度適中，容易推開吸收快 滋潤保濕道高 冇香料無色素

Jasmine Yuen好用推薦：Curel 主打低敏，如果買俾小朋友用，我會諗起呢個牌子先 夏天一定要用防曬，我買呢支俾小朋友用，完全無敏感。 搽手腳身體都ok, 係物理性防曬，用完少少泛白，仍可接受範圍。 不過流好大汗嘅時候，會流白汗😅

Tjhinn好用推薦：質地清爽 ，貼服透薄不會焗，敏感皮膚都用得，不過上臉有點白

Jasmine L好用推薦：面霜質地豐盈滋潤但吸收後唔黏膩，夜晚用完朝早皮膚水潤柔軟，乾紋同緊繃感減少咗少少，暗沉淡咗啲，有透亮感。 保濕修護力穩陣，敏感冇刺激或紅腫，但質地偏厚，T字位或夏天可能稍悶。適合偏乾肌晚間深層補水用，效果溫和實在。

Chloeincosme好用推薦：呢排轉季想除咗保濕，仲想加強美白，開始用 Curel 美白保濕面霜，入面嘅成份加入咗可以擊退黑色素形成嘅成份，用咗兩三個禮拜，覺得啲斑淡咗少少，同時保持到滋潤感～ 🤍 美白效果：4/5 持續使用確實覺得膚色均勻咗，尤其係嘴角同顴骨嘅暗沉位置有提亮，斑點有輕微淡化～ 🤍 保濕度：4.5/5 質地柔潤唔厚重，推開後形成保濕膜，轉季期間用都冇出現乾燥脫皮～ 🤍 溫和度：5/5 秉承Curel一貫作風，無香料無酒精，敏感肌用完全零負擔，仲有舒緩效果～ 🤍 吸收度：4/5 雖然係乳霜質地，但按摩後吸收得快，唔會過於黏笠 總結： Curel呢支美白面霜將美白同保濕平衡得好好！溫和得嚟見到效果，特別適合敏感肌又想美白嘅人～會繼續回購，推薦俾想淡斑同改善暗沉嘅你！

hellolulu好用推薦：因皮膚敏感經朋友介紹轉用低敏品牌Curel，頭皮和頸膊位終於不會發癢發紅👍👍 原來皮膚敏感不只要選用適合的沐浴和潤膚乳，連洗髮產品都有影響的😲 與洗髮水一樣，Curel 護膚素有淡淡柑橘香氣令人放鬆，特別喜歡它容易過水，不會滑潺潺和假滑，但又有滋潤感覺😊 我中乾性髮質春夏季習慣每日配合洗髮水使用，冬天則需額外用護髮油加強滋潤效果，但整體非常不錯，敏感肌不斷回購之選～👍

Jasmine L好用推薦：乳液質地好清爽水凝，一推即刻吸收，完全唔黏膩唔油膩，混合偏油肌用落去都覺得舒服。 保濕力算OK，皮膚即時有水潤感，緊繃舒緩咗但又唔會過份滋潤導致T字位出油。用咗一段時間覺得膚色整體透明感提升咗，氣色都自然咗啲。 敏感肌用落去零刺激、零刺痛，溫和度高。唯一缺點係美白效果唔算快同明顯，主要以保濕同預防為主，需長期用先見效，性價比唔錯。

natanatalie好用推薦：質地流質易推，但等好耐都仲有一點笠，可能好難吸收，個人覺得會焗到出痘

Sandy好用推薦：花王Curél 珂潤潤浸保濕親膚恆潤面膜 好貼面同埋佢有立體設計👍 要讚佢😄面兩邊有一片少少的長方形，可以撕出面膜， 撕下貼在沒有覆蓋地方👍👍 全部覆蓋住滿滿嘅精華， 味道清新，感覺非常良好舒服 出事原因： 假期去海灘吹吹風🚣‍♀️ 海吹風塊面好乾皮膚， 乾燥皮膚急救，回家立即卸妝， 諗起cosme送一張面膜， 敷面20 分鐘 敷完之後好舒服，皮膚紅紅地位置巳經即刻消失 面膜設計真係一流， 我連條頸呀都可以覆佢到一少少 設計非常之有心機❤️ 所有sister真係要夏天做好防曬 冇做足防曬塊面呢真係曬傷

annielittlecake好用推薦：Cruel 深層控油保濕化妝水有效從肌膚底層的出油根源減少油脂分泌，配合保濕成分, 提高鎖水力，滋潤肌膚底層用後輕盈💧水潤，保持肌膚水油平衡一整天～

takemyokane好用推薦：見控油就買來試試，可惜用完整支也不覺有效果。品牌標榜無添加，敏感肌適用，我的感覺是它真的像無添加⋯什麼也沒有，如水一樣。如果本身皮膚沒有特別問題只想簡單保濕的話可以一試。

annielittlecake好用推薦： Curél 深層控油保濕啫喱質地清爽又唔立，從肌膚底層減少油脂，同時為肌底做好保濕基礎，徹底解決面部油光問題。