Vaseline 好用推薦產品

Chloeincosme好用推薦：最近買咗Vaseline嘅日常防曬提亮精華液，用後感真係好好。呢款防曬美若其名：似足精華液！質地輕盈，容易吸收，塗上去之後唔會黏膩，搽防曬好似搽cream咁，即時感受到肌膚變得更加水潤，完全唔會太過厚重！ 而佢既基本功能防曬力都十足，擁有SPF 50+PA++++嘅保護，對於日常出街/ 做運動都非常合適！ 我真係好推薦！如果你想要一款價錢相宜，防曬力又十足既身體防曬，Vaseline呢款防曬絕對值得試下！

JessicaB好用推薦：☀️投奔夏季，背心短裙仔都要出動喇😎！香港嘅夏天太陽猛烈，紫外線指數又高，一定要高度防曬呀🥵，仲要keep住💦水潤透光嘅肌膚，凡士林嘅「日常提亮防曬精華液 SPF 50+ PA++++」，仲有泰國🇹🇭每8秒賣出1支’ 嘅「肌亮水潤精華凝乳 Dewy Radiance」就係Caca今個summer嘅防曬partner 🙌🏻！ 🩵【凡士林日常提亮防曬精華液 SPF 50+ PA++++】 😎室內、室外，都有效抵禦5大肌膚傷害。 🈶助防止UVA & UVB紫外線對肌膚造成傷害，適合每日使用🫶🏻 🈶效抵禦空氣污染~、藍光及冷氣乾燥等傷害 🈶維他命B3、C 及E，為肌膚注入所需營養，散發自然透亮光澤*。 🈶效快速吸收，質地清爽不黐笠

Chloeincosme好用推薦：呢款係由泰國紅到台灣再黎到香港既肌亮水潤精華乳，已經連續使用咗兩個月，真係感受到佢不同凡響嘅效果。呢款身體乳液質地輕盈，容易推開，塗上去即時感覺皮膚好水潤，完全唔會有黏膩感，對於夏天使用特別合適。 使用咗大約幾個星期，我發現皮膚有明顯嘅改善，特別係肌膚嘅亮度，真係白咗一度！而且佢有滋潤效果，即使係冷氣房訓足12粒鐘，皮膚都唔再乾燥。每次洗完澡後用，皮膚感覺好似有一層保護膜包圍住，保持住濕潤狀態，但阻唔會油笠笠。 最開心嘅係，佢嘅吸收速度非常快，唔使等太耐就可以著返衫，非常方便。 總結：肌亮水潤精華乳係一款性價比高、效果明顯嘅產品，特別適合想改善肌膚狀態嘅你地☺️ 如果你都想要一個水潤亮白嘅肌膚，呢款乳液絕對值得一試！

Jeniel好用推薦：Vaseline呢支肌亮水潤身體乳液，真係平靚正之選！ 質地水潤輕薄，推開好似化水咁，吸收得超快，用完即刻著衫都唔會黏笠笠。保濕度幾好，秋冬季節用都夠力，皮膚有即時飲飽水嘅感覺。 最驚喜係佢真係有少少提亮效果，用咗兩三星期，手腳皮膚睇落均勻咗同有光澤感，唔會好似以前咁灰灰沉沉。不過唔好期望會好明顯美白，主要都係改善暗啞同保濕。 以開價產品來講性價比超高，已經成為我每日沖涼後必用步驟！

Jeniel好用推薦： Vaseline呢支淡斑精華凝乳，質地係清爽嘅凝乳狀，推開好水潤，吸收得快，唔會黐立立，油肌同混合肌用都零負擔。保濕力唔錯，用完皮膚有種即刻飲飽水嘅感覺。 以咁親民嘅價錢來講，性價比真係高，作為一支日常溫和美白同保濕嘅身體lotion, ok!

Julianna好用推薦：我最近試咗Vaseline嘅這款淡斑精華乳，整體感覺都幾好。質地夠水潤，上落去皮膚唔會覺得油膩，吸收得好快。而且香味都幾清新，唔會令人覺得刺鼻。 不過，講到效果，我覺得只係有輕微改善，對於淡斑方面未見到明顯嘅效果。用咗一段時間後，皮膚感覺有少少滋潤，但對於我嘅色斑問題，可能仲要再用其他產品輔助一下。總體來講，性價比唔算高，但偶爾用來保濕都可以。

劉肥貓好用推薦：我一向都係凡士林呢個牌子嘅忠實粉絲 佢價錢唔貴 容易買到 性價比高 質地係乳霜狀 非常容易推開 吸收快 每次洗完手沖完涼 就會立即搽上潤膚露滋潤皮膚 持續使用 改善到乾燥敏感泛紅問題 

WSY好用推薦：平時冬天天氣乾嘅時候可以攞嚟查，但係我本身嘅皮膚唔算太乾，有時會有啲厚重！

A&R好用推薦：Vaseline 呢款薰衣草潤膚露都用過，薰衣草味道好香，好舒緩，好吸收，查完唔會黐立立，普通嘅滋潤都足夠，沖完涼搽最好。

Kpl6be6好用推薦：感覺係人工香精味～唔係令人舒緩嘅天然花香～滋潤度不過不失～但未必再買～

羅小白好用推薦：基本上係一到夏天就會不停用嘅body lotion，我諗應該都回購三四次，雖然佢嘅效果唔係特別明顯，用咗一排係感覺自己皮膚有少少透亮，滋潤度都OK，但冬天用就應該唔夠，夏天用就啱啱好，如果想買一支又平，但都有啲效果嘅body lotion，呢支係唔錯嘅選擇，叫做性價比高，但真係想美白嘅話就要買其他功效比較強嘅body lotion 

貓餅好用推薦：保濕力不錯，頗為水潤的潤膚露，但塗了一段時間，皮膚沒有亮一階

Tobimak好用推薦：當初我係萬寧買佢嘅原因係因為佢有贈品😂點知用完之後覺得佢真係好好。佢滋潤度非常足夠，唔專登洗走佢嘅話可以keep到超過半日都得。而且我用後冇敏感，濕疹都俾佢紓緩咗。佢特價嘅時候$35左右，所以性價比真係超強。

Suidan好用推薦：呢支Vaseline既body cream絕對值得7星好評！ 呢排天氣乾燥，我平時沖完涼就會搽佢，直至到第二日下午都仲會feel到好潤。 佢沒有香味，質地都算易推，搽完會即時覺得滑左好多。 下年冬天我都會回購呢支body cream！

poonpoon好用推薦：Vaseline潤膚產品平靚正，依款係可以有埋護甲效果嘅潤手霜。質地小小稀，滋潤度一般，用落未見有任何護甲效果，又唔會黐立立吸收得幾快，中規中矩。對於經常煮飯嘅我嚟講保濕度不足。勝在洗完手查一查滋潤吓，粗用平價，冇咩所謂🤗

Kelvin好用推薦：佢有大枝裝，我依支係細支裝、放喺車細細支好方便🚗一樣都係好平唔貴 質地係流質護手霜，一啲都唔笠，吸收快。洗完手或者用完消毒酒精，隻手好乾嘅時候就會攞嚟茶，依隻款有埋護甲功效，雖然我就睇唔到護甲成效，但保濕效果就幾好，而且味道幾好聞。 如果唔鍾意膏狀護手霜嘅就啱用🤭