CEZANNE 好用推薦產品

YiN好用推薦：無論睇中文定日文嘅美妝sns，最hit一定係呢枝藍色遮瑕，可以話係日本旅遊必買。我今次去日本旅行，特登去啲唔係遊客區嘅藥妝店，終於俾我買到枝黎試！包裝係正正常常遮瑕液嘅包裝，冇乜好挑剔。搽出嚟係好淡嘅藍色，有銀底嘅反光，冇閃粉。質地比一般遮瑕膏偏水偏透薄，但又未水到話可以將佢推得好遠，對於局部提亮黎講係個啱啱好嘅質地。拍開之後提亮效果係非常明顯，尤其是我膚色唔係非常白，佢嘅藍色除咗提高色階亦有中和黃氣嘅效果，上面明顯見到增加咗透明感。 試咗一排，我主要用佢黎提亮眼下三角位同鼻樑，令塊面顯得脹卜卜啲。個人覺得粉底後用個效果出啲，暫時冇話會同底妝打交嘅情況。不過我本身膚色問題，太有透明感就會顯得面色差，所以我都會用胭脂做返個血色感平衡。 整體我覺得係好用係值得入手嘅，但冇必要為咗買佢而好貴搵代購，或者為咗買佢而破壞旅行嘅行程，隨緣見到就買就好。 #火熱新品

Tszki好用推薦：CEZANNE Bright Colorcealer (光澤感提亮美容液遮瑕膏) 這款產品因其獨特的藍色調和提亮效果,它的質地稀薄的乳液狀，水潤且易於推開，不黏膩。透過藍色補色效果修飾眼周和唇周的暗沉，並利用白色反光粉末瞬間提亮膚色，打造通透均勻的膚色。建議在粉底液後使用，少量多次點塗在需要提亮的部位（如眼下三角區、T字部位、鼻樑），再用指腹輕拍均勻，避免過量導致泛白。它含有9種美容保濕成分（如透明質酸鈉、神經醯胺、角鯊烷等），不含香料、礦物油、酒精、紫外線吸收劑和對羥基苯甲酸酯。

Chloeincosme好用推薦：Lip tint通常用韓國野，點知咗Cezanne 呢枝Water Lip Tint 又幾好用 質地輕薄，上嘴零負擔，顯色度卻出乎意料地好～ 🤍 質地：5/5 輕薄水狀質地，搽上嘴幾乎冇感覺，唔會有層野漿住 🤍 持久：4.5/5 乾透後緊貼唇部，食飯飲水都唔易脫色，卸妝時要用心一點！ 🤍 色調選擇：4/5 多款自然系血色同粉調選擇，我呢隻係血色感，秋冬用好岩！ 🤍 滋潤平衡：3.5/5 雖然持久，但長時間帶妝會少少乾，建議先薄塗潤唇膏打底～

auntiemuscle好用推薦：之前帶口罩時期購入既 但到依家都係常用 係名副其實 watery tint lip 好水既染唇液？釉？ 冇用潤唇膏打底都唔乾 食野時用紙巾抹咀都仲有淡淡地既色 最緊要係 唔痴口罩 唔痴頭髮 推介03&05 03 係 南瓜色 05係梅紅色 薄上一層 用手指推開印開個唇邊 就已經好靚 我本身係唇色深 暗 有唇紋 深膚色 no filter